Fálase

Dúas décadas despois a Xunta inclúe os primeiros 400 espazos no Inventario de Zonas Húmidas de Galicia. O DOG publica este luns a relación de zonas, que pode ser actualizada en calquera momento. Preme aquí para consultares o mapa interactivo

• AMPLIAMOS 👉 Dúas décadas despois a Xunta inclúe os primeiros 400 espazos no Inventario de Zonas Húmidas de Galicia
• HEMEROTECA (4/4/2021) | A Xunta admite que aínda non protexeu ningunha zona húmida coa figura legal galega que creou hai vinte anos
• HEMEROTECA (21/1/2023) | O PP gábase de levar "anos traballando" no Inventario de Zonas Húmidas, creado por lei en 2001 e aínda sen espazos inscritos

O Minerva Nounou, petroleiro sen carga que este sábado sufriu unha avaría nunha hélice cando navegaba a 28 millas da costa galega, moi preto das Illas Cíes, acaba de chegar ao Porto de Vigo, remolcado polo buque Don Inda. O barco con bandeira de Malta e cunha tripulación de 26 persoas quedou amarrado ao Peirao de Trasatlánticos ata solucionar os problemas que lle impedían navegar.

O petroleiro sen carga Minerva Nounou  permanece a 28 millas da costa galega por unha avería nunha hélice. O buque, con bandeira de Malta, partiu de Xibraltar o pasado 7 de marzo e diríxese aos Países Baixos con 26 persoas como tripulación

O deseñador gráfico, ilustrador e viñetista Luis Davila gaña o Premio Trasalba, que entrega a Fundación Otero Pedrayo. Destácase "a implicación" de Davila "na defensa da nosa lingua" e "a proximidade social das mensaxes que formula en defensa do galego". A acta do acordo subliña ademais "a calidade do humor gráfico e a popularidade das viñetas" de O Bichero, que "transmiten un compromiso e unha modernidade que sería moi do gusto de don Ramón". O acto de entrega celebrarase o vindeiro 25 de xuño

Na concentración convocada na Coruña pola Plataforma en Defensa da Pesca contra a instalación de parques eólicos mariños na costa galega, o BNG pediu a retirada do Plan de Ordenación de Espazo Marítimo (POEM) sinalando que asestará “un golpe mortal” á pesca e marisqueo. "Xa está ben de querer converter Galiza nunha colonia enerxética de Madrid", destaca a formación

• A eólica mariña pon os marcos sen expectativa de participación pública galega
• O Goberno de España aproba de xeito definitivo cinco áreas para eólica mariña fronte a Galicia
• Fálase | Vento público na eólica mariña

A Casa Grande de Xanceda recolle o XXIII Premio Aresa de Desenvolvemento Rural, que entrega a USC. O galardón, entregado este venres, é unha homenaxe ao “soño de 50 anos de historia na Galicia rural” e supón un recoñecemento tamén "á filosofía de que a gandería pode ser ecolóxica e preservar os valores da paisaxe e de que pode ser rendible e crear empregos”

• Entrevista | Cristina Fernández-Armesto: "No rural de Galicia témolo todo, o que faltan son modelos máis cooperativistas, máis colaboración"

Pedro Sánchez anuncia a contratación de máis de 1.500 empregados en Navantia "durante os vindeiros anos" co que se "garantirá a actividade e carga de traballo en Ferrol, Cádiz e Cartagena". A ministra de Facenda, María Jesús Montero, aclarou logo que a eses empregos directos sumaráselle a creación de 15.600 indirectos

A Xunta formaliza a compra ao 'banco malo' por 3,5 millóns de 40 vivendas que xa tiña cedidas para alugueiro social. A Sareb evidencia que a operación se enmarca na súa política de "reducir a débeda avalada polo Estado", isto é, de compensar con novos fondos públicos, neste caso do Goberno galego, os fondos do rescate bancario. O Instituto Galego de Vivenda e Solo asinou este xoves as escrituras dos pisos, que tiña cedidos dende 2015.

• A Xunta merca ao 'banco malo' 40 vivendas por 3,5 millóns que xa tiña cedidas para alugueiro social
• A Xunta di que as 55 vivendas que merca a Abanca reforzan a oferta pública de alugueiro malia seguiren cos mesmos inquilinos

Propoñen celebrar o Día do Naturalismo Galego o 9 de marzo, día do nacemento do Padre Sarmiento. Varias entidades, entre as que figuran a Real Academia Galega de Ciencias, o Consello da Cultura Galega, Adega, a Sociedade Galega de Historia Natural, o Grupo Naturalista Hábitat, Verdegaia e a Federación Ecoloxista Galega uníronse para presentar a iniciativa. "É unha vindicación do naturalismo galego, das persoas que levan moitos anos estudando e traballando en prol do noso medio, pero tamén para dar a coñecer a obra de Martín Sarmiento", asegura o naturalista Rafael Loureiro.

"Esperamos que o 9 de marzo, como o Día do Naturalismo Galego, sirva para iniciar un proceso de coñecemento do noso medio, que encete novos e máis profundos estudos naturalistas e científicos. Con esa información, rigorosa e de calidade, ogallá logremos protexer o que aínda se conserva e restaurar o xa estragado", salientan nun comunicado.

As empresas Resonac e Ignis propoñen a compra da antiga planta de Alcoa na Coruña. As actuais instalacións de Alu Ibérica, en venda no marco do proceso concursal por liquidación, serían a sede de varios proxectos, entre eles "unha planta de hidróxeno renovable".