Fálase

O persoal dos autobuses da provincia da Coruña rexeita o preacordo coa patronal por ampla maioría e retoma a folga. O "non" ao acordo obtivo 831 votos fronte a 336 apoios, 20 sufraxios en branco e 14 nulos. A folga está convocada por CIG, UGT e CCOO para demandar melloras salariais e de condicións laborais para uns 3.000 traballadores, o que segundo argumentan "permitiría a renovación xeracional do sector, que conta cun persoal cunha elevada idade media, e no que as empresas día tras día se queixan da falta de man de obra".

• Décima xornada de folga nos buses da Coruña á espera de que a mediación a free antes dos paros dos trens
• HEMEROTECA | A folga de buses na provincia da Coruña volve este luns e será indefinida desde o 2 de febreiro
• HEMEROTECA | A folga de buses volve paralizar as estacións na provincia da Coruña e ameaza con intensificarse

As candidatas a reitora da USC Rosa Crujeiras, Maite Flores, María José López Couso e Alba Nogueira participan este mércores en Lugo nun debate electoral organizado polo estudantado. O debate celebrarase no Salón de Actos da Escola Politécnica Superior de Enxeñaría a partir das 18 horas e poderase ver en directo a través de Youtube. O xoves á mesma hora terá lugar un novo debate, desta volta en Santiago, na Facultade de Ciencias Políticas.

• Comeza a carreira electoral na USC: catro candidatas para un Reitorado

As Mouras, do coruñés Wedo Goás (Edgar Goás), escollido mellor mural do mundo na categoría Expert Spotlight 2025 de Street Art Cities. O artista levou a a cabo a obra en Fene no marco da edición 2025 do festival Perla Mural Fest.

Xinzo de Limia activa o Plan Municipal de Inundacións ante a situación de emerxencia que se vive na comarca pola acumulación de choivas. Predios e estradas están asolagadas nun amplo espazo, especialmente nos termos municipais de Xinzo e Sandiás e na área que ocupaba a Lagoa de Antela ata a súa desecación artificial, como sucede de forma periódica.

• Un manifesto pide a recuperación de parte da lagoa de Antela no 67 aniversario da súa desecación
• O Estado pon a lagoa de Antela como exemplo de zona húmida para recuperar na próxima década
• "Non imos só chorar pola Lagoa de Antela, senón que temos que reivindicar con orgullo o que foi"

Evaristo, Rebeliom do Inframundo e Kumbia Queers, primeiras confirmacións do Revenidas 2026. O festival, que se celebrará en Vilaxoán do 10 ao 13 de setembro, contará tamén no seu cartel con Ilan Amores, Arrhythmia, Süne e Nadie González. Os abonos xa están á venda na web do Revenidas.

Pedro Sánchez anuncia que o Goberno de España prohibirá o acceso ás redes sociais aos menores de 16 anos. "As plataformas terán que implantar medidas de control efectivas. Imos protexelos contra este Salvaxe Oeste dixital", di o presidente do Executivo central, que segue os pasos de Australia, Francia ou Portugal.

AMPLIACIÓN | O Goberno de España prohibirá o acceso ás redes sociais aos menores de 16 anos

Suspendida a folga indefinida de buses na Coruña tras un preacordo coa patronal que deberá ratificar o persoal en asembleas. [Na imaxe, unha protesta en Santiago durante a primeira xornada da folga o 5 de decembro de 2025 © CIG]

• HEMEROTECA | A folga de buses na provincia da Coruña volve este luns e será indefinida desde o 2 de febreiro 
• HEMEROTECA | A folga de buses volve paralizar as estacións na provincia da Coruña e ameaza con intensificarse

Rueda respecta a manifestantes "de boa fe" pola sanidade pública e di que "se ve o plumeiro" aos que teñen "razóns políticas". Logo da manifestación deste domingo en Santiago o presidente critica a quen protesta "un día por un tema, outro día por outro".

• Unha gran manifestación pide en Santiago "máis sanidade pública" para toda Galicia

Ratificado como violencia de xénero o asasinato dunha veciña de Mos. A Delegación do Goberno de España certifica oficialmente o que é o primeiro crime machista con resultado de morte en Galicia neste 2026, como xa avanzara a súa subdelegación en Pontevedra. Os movementos feministas están a convocar mobilizacións de repulsa para este martes, día 3 -na imaxe, elaborada pola Marcha Mundial das Mulleres]

• Asasinada unha muller en Mos, primeira morte do ano por violencia de xénero en Galicia

Os sindicatos adiaron ao martes o inicio previsto para este luns da folga indefinida nos buses da provincia da Coruña. Tras dez xornadas puntuais de folga desde decembro, o paro indefinido foi adiado un día para facilitar as negociacións tras ofrecer a patronal unha lixeira mellora de condicións laborais que os sindicatos consideran aínda insuficiente.