Fálase

Dimite o secretario xeral do Partido Popular, Teodoro García Egea, número dous de Pablo Casado, despois de que a súa saída fora solicitada por altos cargos do partido e polo grupo parlamentario popular no Congreso. O actual presidente do PP, Pablo Casado, convoca finalmente unha reunión da Junta Directiva Nacional para o vindeiro 1 de marzo. Desa xuntanza sairá a convocatoria dun congreso extraordinario da formación. Mentres, Feijóo pediu decisións "urxentes" e numerosos cargos do PP en Galicia sumáronse a un manifesto que reclama un congreso inmediato para escoller un novo liderado. [Na imaxe, García Egea intervén na sesión de control ao Gobierno no Congreso con Casado no seu escano © PP]

• Deputados do PP de Galicia secundan o manifesto contra Casado e membros galegos da súa dirección súmanse

O Consello de Ministros aproba a suba do salario mínimo interprofesional ata 1.000 euros mensuais en 14 pagas con efecto retroactivo dende o pasado 1 de xaneiro.

Morre Alfredo Novoa, tenente de alcalde en Oleiros dúas décadas e impulsor e presidente durante 14 anos do Fondo Galego de Cooperación e Solidariedade.

A Xunta publica no DOG a resolución coa que adapta a selectividade ou avaliación de bacharelato para o acceso á universidade (ABAU) á nova lei educativa estatal. A convocatoria ordinaria será do 7 ao 9 de xuño e a extraordinaria do 12 ao 14 de xullo.

• HEMEROTECA | O que di (e o que non) a nova lei de educación

Chegan a Santiago os sobreviventes do Villa de Pitanxo no avión militar enviado polo Estado, no que tamén foron trasladados cinco dos nove mariñeiros falecidos cuxos corpos foron recuperados. Foron recibidos ao pé da pista do aeródromo militar por Pedro Sánchez e mais por Alberto Núñez Feijóo. Familiares dos desaparecidos reiteraron a ambos presidentes a reclamación de que reiteren a Canadá a necesidade de seguir buscando os doce desaparecidos. [Foto: © Goberno de España]

• Unha "repentina parada" do motor do Villa de Pitanxo deixou o barco "exposto ao vento" e provocou o naufraxio
• Trinta anos no mar de Terranova: "Non podemos ir a porto faga o tempo que faga; é moi malo cando máis peixe hai"

O actual presidente do PP, Pablo Casado, convoca unha reunión da Junta Directiva Nacional da formación para o vindeiro luns, 28 de febreiro. Unha decisión adoptada na tarde deste luns por unanimidade no comité de dirección 'popular', que estivo reunido preto de oito horas. A Junta Directiva Nacional é o máximo órgano do PP entre congresos e ten a potestade para convocar un congreso extraordinario do partido. [Na imaxe, Feijóo nun mitin en Valladolid con Casado e Ayuso © PP]

• +INFO | Feijóo require decisións "urxentes" ante un PP en "colapso" e a oposición galega veo máis centrado no partido que en Galicia

Margarita Ledo, Premio de Honra da Academia Galega do Audiovisual. A cineasta, xornalista e investigadora lucense recollerá o Premio de Honra Fernando Rey na gala dos XX Premios Mestre Mateo, que se celebrará o vindeiro sábado 19 de marzo en Expocoruña. 

• Entrevista | Margarita Ledo: "Sentímonos orgullosas da recuperación da fala, do dereito a contarnos nós propias"

A Conferencia Episcopal encarga a un bufete de avogados próximos ao Opus unha "auditoría independente" sobre "as denuncias de abusos sexuais no seo da Igrexa católica española". Está a contalo Religión Digital. Na imaxe (© Fernando Calvo / Pool Moncloa), Pedro Sánchez e o presidente da CCE, Juan José Omella, o pasado xaneiro nunha xuntanza na que este foi un dos asuntos tratados.

• 🔊PODCAST | Fálase - Os abusos na Igrexa e investigalo "todo"

Os equipos galegos da liga de fútbol veterano poden ser mixtos dende esta fin de semana. As Nosas explica o que implica esta mudanza aprobada pola Federación Galega de Fútbol. Na imaxe [© Futgal], o Penouqueira, campión da liga de Veteranos 2017-18

Unha concorrida concentración convocada en Marín por familiares dos mariñeiros do Villa de Pitanxo reclama retomar a busca dos corpos dos 12 desaparecidos. A mobilización foi secundada tamén por alcaldes e edís de concellos da contorna e representantes políticos como o voceiro parlamentario do PP, Pedro Puy, ou a portavoz nacional do BNG, Ana Pontón  Recólleo Pontevedra Viva. Imaxe da TVG.

• Remata a identificación dos nove mariñeiros cuxos corpos foron recuperados
• Desaparecidos no mar: a figura xurídica que entra en xogo cando se deixa de buscar os mariñeiros