Os XXIV Premios de Teatro María Casares darán a coñecer os seus gañadores e gañadoras o vindeiro luns 9 de novembro a través dunha emisión en Youtube, entre as 20 e as 21 horas. Os galardóns ían ser entregados o pasado 26 de marzo, pero a pandemia de coronavirus fixo imposible a organización da gala prevista no Teatro Rosalía de Castro da Coruña.
O PSdeG presenta as súas sinaturas para unha moción de censura en Ourense e pide ao resto de partidos que a subscriban. A lei establece que para poder sequera iniciar a súa tramitación as mocións de censura deben estar asinadas ante notario polo número suficiente de edís para poder prosperar posteriormente nun Pleno, algo co que aínda non contan os socialistas, que anuncian que este xoves depositarán a moción coas súas sinaturas nunha notaría da cidade “a disposición de todos os que queiran pasar a asinala”.
Feijóo anuncia o peche de "todas as actividades non esenciais" en 60 concellos e o seu confinamento perimetral, entre elas as sete cidades e as súas áreas de influencia para "tentar conter" o incremento dos contaxios do coronavirus dende as 15:00 do venres e coa "previsión" de que dure un mes. As medidas inclúen o peche da hostalaría agás para servizo a domicilio. A pasada noite, a Consellería de Sanidade asegurara que o comité clínico decidira manter as restricións sen cambios, cando menos, ata o venres, pero o presidente da Xunta matiza que, en realidade, a xuntanza continuou na mañá deste mércores.
O TSXG permite a Alcoa os despedimentos pero prohíbelle parar as cubas na súa factoría da Mariña. O Superior aclara que a empresa pode executar os despedimentos previstos e mesmo deter a produción, pero "debe manter as cuBas activas por se o ERE fose nulo" e estima parte das medidas cautelares solicitadas polos representantes dos traballadores.
A Xunta anuncia unha comparecencia de Feijóo ás 13:00 para "dar conta das medidas acordadas" no comité clínico celebrado a pasada noite. Segundo o avanzado por Sanidade, as restricións continúan sen cambios ata, cando menos, o vindeiro venres.
A Consellaría de Sanidade acordou manter, sen ningún cambio, as restricións acordadas o pasado venres e que afectan, sobre todo, ás zonas urbanas, nas que de momento seguirán vixentes os peches perimetrais e a prohibición de reunións de persoas non convivintes.
'O que arde' non será a candidata a representar a España nos Óscar. A Academia de Cine escolleu 'La trinchera infinita'.
Castilla y León pecha hostalería e actividades comerciais non esenciais para deter a expansión da covid. O goberno rexional suspende as visitas a residencias e advirte do "risco máximo" no territorio".
Cando menos tres persoas mortas e unha quincena feridas nun atentado en Viena, na contorna dunha sinagoga. As autoridades austríacas investigan as posibles conexións do ataque co xihadismo.
A Fiscalía Anticorrupción investiga os reis Juan Carlos e Sofía e varios dos seus familiares polo uso de tarxetas de crédito opacas con cartos procedentes do estranxeiro, segundo unha información que publica eldiario.es
