Fálase

O Concello de Santiago remite por segunda a petición de ser declarado zona tensionada polos prezos do alugueiro á Xunta, que a rexeitou o pasado ano. O goberno compostelán sinala que a documentación está "adaptada" ás "esixencias específicas" do Goberno galego aínda que "a primeira documentación xa estaba correcta", resalta o edil de Urbanismo, Iago Lestegás. Neste sentido, subliña, "a memoria xustificativa só utiliza datos oficiais que non se complementan con datos procedentes doutras fontes e describe un incremento do prezo medio do alugueiro en Santiago de Compostela do 40,26% entre 2019 e 2024, de acordo cos datos do Observatorio de Vivenda de Galicia". [Imaxe: © Concello de Santiago]

• HEMEROTECA | A Xunta rexeita a solicitude de Santiago para ser zona tensionada
• HEMEROTECA | A Coruña, primeiro municipio de Galicia en ser declarado zona residencial tensionada 
• HEMEROTECA | Así poden afectar as zonas tensionadas ao prezo dos alugueiros da Coruña e Santiago
• HEMEROTECA | A renda dos propietarios de pisos alugados xa duplica a dos inquilinos en Galicia

Dimite o secretario xeral das Nuevas Generaciones do PP e pide o voto para Vox. Carlo Angrisano Girauta argumenta ao renunciar como 'número dous' das mocidades do partido dirixido por Feijóo que "é hora de defender as nosas ideas e España sen medo"

Irán confirma Mojtaba Khamenei como novo líder supremo do país unha semana despois de que os EUA e Israel matasen o seu pai, Alí Khamenei, segundo confirmou este domingo a axencia estatal iraniana IRNA. Imaxe oficial do novo líder supremo [© IRNA]

• "Europa teme enfrontarse a Trump pero non quere acompañar unha guerra que considera ilexítima"
• Irán confirma o asasinato do aiatolá Ali Khamenei e anuncia “vinganza”

A galega Pauleta estréase coa 'seleção' portuguesa de fútbol nunha vitoria ante Eslovaquia por 4-0. Paula Domínguez Encinas, nada en Redondela hai 28 anos, xoga no Benfica.

• Pauleta, a futbolista galega que cumpre o soño de xogar coa 'seleção' de Portugal

Madonna responde ao Celta que garda a súa camiseta e que a usa e representa o equipo co seu espírito. O club enviara unha carta á cantante preguntándolle pola camiseta que lucira no seu concerto en Vigo en 1990.

• 🟪🟧🟦 EN VINTE | As Tanxus, Bad Bunny e o ‘valor’ da identidade
• 🟪🟧🟦 EN VINTE | A outra vitoria do Celta: “O uso do galego reforza o noso crecemento”

Renfe activa un visor en tempo real dos seus trens de alta velocidade, longa distancia e media distancia. O visor súmase ao que xa activara en novembro para os servizos de proximidade pero obviando os existentes na liña de ancho ibérico en Ferrol, únicos de Galicia.

• HEMEROTECA | Adif pide á Audiencia Nacional que impida a Praza.gal revelar os incidentes que hai no Eixo Atlántico

A folga médica do sindicato O'Mega na atención primaria provocou a suspensión de máis de 22.000 consultas en Galicia en catro días. O Sergas reduce na mañá deste venres a menos do 5% o seguimento dun paro indefinido que continúa tras non chegar a un acordo a organización convocante coa Consellería de Sanidade na reunión do pasado xoves. O'Mega eleva ao 75% o apoio á folga. 

• O'Mega teima na folga médica e acusa o Sergas de "soberbia" e "actitude hostil"

O Parlamento concede por unanimidade a súa Medalla ás nove deputadas que en 1995 participaron na Conferencia Mundial da Muller celebrada pola ONU en Beijing. Trátase de María Xosé Ares, Teresa Fernández, Pilar Pedrosa, María Fernanda Cerviño e Elisa Madarro (PP), María Xosé Porteiro e María Antonia Álvarez (PSdeG) e Pilar García Negro e Olaia Fernández Dávila (BNG). A decisión da Mesa do Parlamento inclúe outorgar a mesma condecoración a Manuela López Besteiro, na altura conselleira de Familia, Muller e Xuventude. O lexislativo galego entrega as súas medallas o 6 de abril, no aniversario da promulgación do Estatuto de Autonomía. Na imaxe, un intre da Conferencia [© ONU/Milton Grant]

O Celta suma a SonDeSeu á súa procura da histórica camisola do equipo que luciu Madonna no seu concerto de 1990 en Balaídos. A Orquestra Folk interpretará un tema da raíña do pop na previa do partido do conxunto vigués contra o Real Madrid, este serán (21:00). "Será a primeira vez que SonDeSeu aborda un tema pop" nos seus 25 anos de historia, destaca o Celta sobre unha interpretación que conta con arranxos de Mat Amy e de Anxo Pintos. O club encadra esta actuación como continuidade da súa "aposta pola cultura e pola música galega". Imaxe: RC Celta.

• 🟪🟧🟦 EN VINTE | As Tanxus, Bad Bunny e o ‘valor’ da identidade
• 🟪🟧🟦 EN VINTE | A outra vitoria do Celta: “O uso do galego reforza o noso crecemento”

O PP inventa que a ministra de Defensa afirma "estou con Trump" ante o embaixador dos EUA e esgrime unha falsa transcrición dun vídeo no que Margarita Robles di "estou cómoda" en referencia á temperatura da estancia onde se celebraba a xuntanza, o pasado día 4. Horas despois de que ficase amplamente acreditado que a acusación non se correspondía coa realidade a formación encabezada por Alberto Núñez Feijóo reiterou a falsa transcrición a través das redes sociais mentres, nun acto público, o ex-presidente galego acusaba a Pedro Sánchez de mentir a respecto da ausencia de apoio do Goberno de España a Trump no ataque a Irán.

• HEMEROTECA | Correos anónimos e un falso accidente: cando a "manipulación dixital" na campaña galega non viña de "Rusia ou Vietnam"