David Lombao

En resposta a un recurso do BNG, a Xunta Electoral de Galicia ordenou aos medios públicos dedicar ao 18F, cando menos, tanto tempo como ás anteriores eleccións. A CRTVG recorreu á Xunta Electoral Central, que non lle deu a razón, e agora sucede o mesmo no alto tribunal. A xuízo do TS a corporación pública "non fixo unha axeitada integración do principio de garantía do pluralismo político e social en tempo electoral en canto ao seu fomento".

Rueda asina o traspaso da xestión do litoral, que será. As últimas transferencias ata agora chegaran en 2008, con Anxo Quintana representando á Xunta nas negociacións co Goberno de Zapatero. Durante os gobernos de Rajoy o PP galego chegou a dar por "esgotados" os posibles traspasos. Con Sánchez retornou á belixerancia sobre competencias coma o litoral ou a AP-9, en contraste con abertas renuncias como a Policía galega ou o tren de proximidade

Segismundo García subliña que a Inspección lle traslada que "as deficiencias non supoñen risco inminente" para o persoal e que, se cómpre obras, o conselleiro de Emprego se "compromete a apoiar a súa realización". O conselleiro, con "satisfacción", asegura que a Xunta "demanda que haxa, no que se refire aos prazos, a maior flexibilidade posible dentro da legalidadade" 

SOS Sanidade Pública xunta outra volta en Santiago miles de persoas para sinalar o que considera "consecuencias directas da política de desmantelamento" do Sergas. Persoal dabondo de medicina de familia e pediatría nos centros de saúde ou un "plan de choque con máis recursos públicos" para paliar as listas de espera, entre as principais reivindicacións

Segismundo García foi crucial no rescate económico de Sargadelos, que executou combinando medidas financeiras drásticas coa presión sobre os dereitos de persoal como as dúas traballadoras da fábrica de Cervo que, constata a Inspección, desenvolveron unha enfermidade pulmonar. Dende a consciencia de dirixir a depositaria dun inxente patrimonio estético, cultural e político de Galicia, o propietario moveu o universo simbólico de Sargadelos do legado galeguista e republicano a marcos máis encaixables na dereita autoritaria que actualmente campa polo mundo

Segismundo García acudiu este xoves á factoría de Cervo, á que o persoal non puido entrar a traballar e onde se desprazou unha representación da inspección. "Os traballadores son a arma arreboladiza" dun empresario "que non pode dicir que non quere cumprir a lei e por iso pecha", advirte o responsable de Industria de CCOO na comarca dende a propia fábrica

Segismundo García asegura que clausura a factoría da histórica en Cervo pola "dificultade para respectar e acometer a inxente normativa" tras un control que detectou unha trintena de deficiencias nas instalacións. A Xunta advirte ao empresario de que o expediente "aínda non é firme" e que as medidas que propón "non abocan ao peche da planta". 

Como fixera para excluílo do control parlamentario, a Consellería de Economía defende que a Xunta é minoría en Impulsa Galicia, a sociedade fundada canda a Abanca que elixiu a Altri, para xustificar que debe ser tratada como unha entidade privada allea á normativa de transparencia. O Consello de Contas non comparte o razoamento e volve insistir en que "posúe directamente o 40%" dos votos e outro 10% "de xeito indirecto" a través de Sogama, polo que chega á metade que fai preciso sometela ao control público

Os dous gobernos urbanos con maioría absoluta, Vigo e Ferrol, tiveron contas de 2025 en xaneiro e os culmináronas no primeiro trimestre ou están a piques de facelo. No consistorio ourensán, DO non saca adiante un orzamento dende 2020

A pugna política e social sobre Altri ten na comunicación un terreo clave.Tras unha primeira fase con mensaxes centradas en beneficios da súa implantación na Ulloa, a empresa preme o acelerador para identificar como "loiadas" o groso das críticas á fábrica. Cargos do Goberno galego e do partido que o sustentan secundan os argumentos de Altri indo mesmo alén do afirmado pola propia empresa

Unha década despois de que a maioría absolutísima de Caballero en Vigo fose clave para desbancar a Louzán na Deputación de Pontevedra, ambos disputan un agre tirapuxa a conta da exclusión do estadio vigués como sede do Mundial 2030. O alcalde esixe "luz e taquígrafos" ao agora presidente da Federación Española de Fútbol, que "odia Vigo" porque "dende Vigo o botamos da Deputación". O antigo barón do PP pontevedrés redúceo á unha "polémica interesada" do "alcalde populista".

O TC estableceu en setembro, ante un recurso de Canarias, que as concesións compensatorias a antigos propietarios non teñen que ver coa ordenación do litoral, que pode ser traspasada ás autonomías, senón coa competencia do Goberno de España sobre o dominio público fixado na Constitución. A Xunta así o asume ás portas de asumir a transferencia