O pacto asinado entre administracións e persoal comarcal contra incendios implica adiar as futuras conversas ata despois das eleccións pero garantindo "melloras laborais" e de efectivos para os 24 parques e un novo convenio colectivo.
Tras unha denuncia socialista a Xunta Electoral censurou declaracións electoralistas do presidente na rolda de prensa do 18 de xaneiro e agora Rueda interpreta esa resolución como unha prohibición de responder aos medios de comunicación
Tras tentar Feijóo suprimilo en 2009 a Xunta véno renovando cada ano e este xoves o presidente presentouno como principal medida da reunión semanal do seu Goberno, pero manteno conxelado nos mesmos 218 euros do pasado ano
Só unha das 14 sondaxes publicadas (a do CIS) prevé a posibilidade de que o PP perda a maioría. Porén, a maior parte dos traballos estiman que Rueda se situará entre 39 e 41 deputados , o que quere dicir que a perda dun escano en cada provincia suporía a desaparición da maioría absoluta conservadora. No que tamén coinciden os traballo publicados ata o momento é no liderado do BNG na alternativa de esquerda, aínda que con estimacións moi diversas, entre 16 e 23 representantes.
A candidata do BNG salienta que a súa proposta "supón multiplicar por catro" o actual parque de vivendas públicas para garantir o dereito a un fogar
Unha de cada vinte persoas en centros de maiores públicos ou concertados non está neles pola idade, mentres persoal implicado alerta de que o Goberno galego está a convertelos en "psiquiátricos sen psiquiatras"
A candidata do BNG promete que o Sergas realizará limpezas, empastes, cambio de pezas ou de dentadura antes de que remate a lexislatura. Pontón defende que o Bloque traballará para "avanzar cara ao que debería ser normal" no sistema sanitario galego, que é "que as persoas sexan atendidas na primaria sen lista de espera"
"A última licenza concedida en Lugo para vivenda pública foi outorgada polo Concello en decembro de 2008, con Touriño na Xunta", ilustra Lara Méndez, número dous do PSdeG pola circunscrición lucense. Foi para 172 pisos que acabou inaugurando Feijóo xa como presidente
Rueda, a conselleira de Política Social, altos cargos dese departamento e ata o conselleiro do Mar acudiron a residencias ou centros de día nun total de 22 concellos
En 2009 Rueda reprochara ao Executivo de PSdeG e BNG lograren só unha ducia de "traspasiños". Década e media despois, o PP reedita as promesas de traspasos por cuarto programa consecutivo, un documento no que as "demandas" para o Goberno de España triplican as novas competencias que, din, quererían que asumise a Xunta se conseguen seguir gobernando tras o 18F
A candidata do BNG anuncia tamén un tícket rural dotado con 15.000 euros anuais e rebaixas nas cotizacións dos emprendedores para impulsar proxectos innovadores no sector agrogandeiro.