Política

A portavoz nacional do Bloque reivindica a "nova liña política actualizada e moderna" que levou a formación dende unha situación "crítica" a ter "o apoio popular en máximos e medrar ano tras ano" nunha manifestación con máis presenza e sorrisos que anos atrás. "Cambiamos moito, pero hai algo que se mantivo firme: todos e cada un dos nosos principios", mantén Pontón, quen resalta que o BNG "xa non á alternativa real ao PP", senón "un auténtico goberno alternativo"

A Xunta esquiva a denominación oficial do Día Nacional de Galicia e só se refire a ela como tal no calendario laboral nun contexto no que tanto con Feijóo como con Rueda os gobernos do PP deron en abdicar da celebración, mesmo chegando a desaparecer dun 25 de xullo no que se limitan a asistir a actos organizados por terceiros. Por incomparecencia do PP e do Goberno da Xunta, o protagonismo político do Día Nacional recae nos grupos da actual oposición. O BNG culmina os actos do Día da Patria coa súa manifestación en Santiago e o PSdeG homenaxea a Castelao en Rianxo

A marcha convocada polo BNG no Día da Patria de 1984 foi histórica porque supuxo o retorno das manifestacións do Día Nacional á Praza da Quintana e á zona vella compostelá, despois de tres anos de prohibición e dos importantes incidentes que marcaran a marcha do ano anterior. Ademais, Castelao foi protagonista, con centos de retratos de gran tamaño, no marco do debate xerado polo retorno dos seus restos, despositados no Panteón de Galegos Ilustres.

A Plataforma Víctimas Alvia 04155 volve manifestarse en Santiago no undécimo aniversario do accidente. O colectivo agarda unha "sentenza xusta" que sinale a "maior responsabilidade" do xefe de seguridade do Adif acusado no proceso e exculpado polo fiscal: "Non cumpriu co seu deber de garantir que a liña era segura"

A empresa, que achegará 13 vehículos e 32 traballadores, comezará este xoves a recoller os residuos acumulados nas rúas da cidade. Nas últimas semanas, no marco do conflito que a cidade mantén co comité de empresa do servizo de recollida de residuos, controlado polo sindicato STL, 125 contedores foron queimados, cun custo total aproximado de 375.000 euros

Ás constatadas eivas na atención a persoas tuteladas engadiuse o pasado xuño a marcha do director, antigo cargo de confianza do actual alcalde de Ferrol, para ser delegado da Consellería de Emprego na Coruña. En xuño Política Social asegurou que cubriría a vacante "no máis breve espazo de tempo posible". Agora vén de responder ao BNG que convocará "unha xuntanza extraordinaria" do padroado da Funga a comezos de setembro para abordar a remuda

A autorización da construción dos parques Moeche, Badulaque e Barqueiro chega pouco despois de que o Goberno de España tamén aprobase os denominados Tesouro e Santuario, todos eles promovidos por Enel

O ex-titular da Xunta apela ao "dereito a saír tranquilos á rúa" e a "sentirse seguro un na súa casa" ao abordar as migracións nun discurso sobre política migratoria ante a cúpula do PP nun acto convocado cadrando coa reunión semanal do Goberno galego, que encabezou o conselleiro Diego Calvo en ausencia do presidente

Mondra e Nadie González ao son das pandeireteiras Bouba poñen voz a 'Somos máis', a composición de Xosé Lois Romero que servirá como nova sintonía ao Bloque. Pretende ser a "banda sonora dos galegos e galegas que teñen depositadas as súas esperanzas nun país mellor", di Ana Pontón

O Goberno de Rueda non deixa marxe aritmética para dubidar. "Xa cumpriu o 100% das medidas anunciadas para os primeiros cen días", asegura. Entre as promesas que dá por cumpridas destacan algunhas das materias nas que os catro anteriores Gobernos do PP máis deixaron a deber, caso da vivenda ou das residencias da terceira idade. Mentres, o BNG obsérvao como "campión da propaganda" e o PSdeG, con "nula ambición de país"

No caso de que a situación non se restableza ao longo da fin de semana, este luns o Concello declarará a emerxencia sanitaria co obxectivo de "contratar de maneira urxente" os servizos precisos para acometer "os traballos de recollida de lixo de maneira excepcional". A alcaldesa, Inés Rey,  subliñou que "é imprescindible actuar con firmeza e determinación" ante o que está a ser "unha chantaxe á cidade" a cargo do sindicato STL.