BNG e PSdeG celebraron os seus principais actos en localidades litorais, aproveitando a Festa do Carme. Destacados militantes socialistas difundiron un texto en defensa do presidente do Goberno ante os ataques recibidos pola dereita. O PP chama á "unidade do voto" de dereitas e Sumar presentou as súas medidas en materia de vivenda
Hai catro anos, o 10 de novembro de 2019, o PP foi a forza máis votada en Galicia por unha marxe moi escasa sobre o PSdeG, apenas dez mil votos. Porén, as forzas progresistas superaron por dez puntos ás formacións conservadoras. A participación nos últimos comicios foi a máis baixas das últimas décadas
O PSdeG advirte de que a “verdadeira ameaza non é Vox”, senón que o PP chegue ao goberno para reeditar os “recortes e privatizacións dos gobernos de Aznar, Bárcenas, Rato e Feijóo en Correos". Tamén Sumar alerta dos recortes e a censura en cultura. O BNG, pola súa banda, pide "concentrar" o voto "inconformista" das persoas máis novas.
En Vigo, Yolanda Díaz salienta que "os galegos e galegas sabiamos o que Feijóo ía facer" pero amosouse confiada en que a vitoria da esquerda é posible se o 23 de xullo hai unha mobilización importante do voto progresista
"Sendo xenerosos, os deputados do BNG van valer coma os do PSOE para evitar que goberne a dereita e a ultradereita, pero os do PSOE non valen coma os do BNG para defender os intereses de Galiza", argumenta o deputado do BNG no Congreso na lexislatura que remata e cabeza de cartel da formación pola Coruña, quen admite incumprimentos de parte do pactado para a investidura de Pedro Sánchez: "Para sermos máis esixentes necesitamos máis forza", resalta
Pontón advirte que o Bloque reclamará poder ofertar esas vivendas "en alugueiro a prezos accesibles" e acusa a Feijóo de "mentir con total descaro" sobre a súa política de vivenda en Galicia.
Barreiro e Crespo, candidatos ao Senado por Lugo e Pontevedra, aseguran á Federación Galega de Caza que se Feijóo goberna en España reverterá a protección do lobo. As achegas da Xunta á a esta entidade mediante convenios roldan os 1,5 millóns de euros dende principios de século
Algo máis de 146 mil persoas solicitaron votar por correo nas catro circunscricións galegas, fronte ás 67 mil e 60 mil das dúas convocatorias de 2019 e ás 84 mil de 2016. O incremento no conxunto do Estado é semellante: un 163% en relación a novembro de 2019 e un 80% por riba do dato de 2016. O prazo para a remisión do voto postal finaliza o día 20.
Miñones (PSdeG) defende a xestión do Goberno de España, Lois (Sumar) reivindica a "política útil" no executivo e Rego (BNG), os logros do nacionalismo e a defensa de Galicia ante Tellado (PP), que chama a "derrogar o sanchismo" e evita concretar propostas.
BNG, PSdeG ou Sumar ven na fixación do horario do único debate dos medios públicos para as xerais do 23X un paso máis na "estratexia" da CRTVG de "ocultar o pluralismo" e a "axenda galega". "É unha vergoña; a CRTVG non está a cumprir coa misión de servizo público que ten encomendada", di Defende a Galega. "Non lles interesa que se vexa porque nel trasládanse opinións plurais e non se controla o que cadaquén di, como si fan nos telexornais", mantén o comité intercentros