Política

O hospital vigués deixará de cobrar unha contía fixa por cada un dos 116.000 pacientes adscritos e pasará a facelo "polos servizos que efectivamente reciba cada persoa", segundo avanza Rueda

A conselleira de Medio Ambiente afonda na súa axenda política encargando un texto xa non de propaganda da actividade propia senón de crítica a "Moncloa" polo "basurazo de Sánchez" e o seu efecto "no peto dos españois"

Xoaquín Monteagudo, Concha Losada, Armando Requeixo e Edita de Lorenzo están entre os responsables das comisións de traballo para "actualizar" o Plan xeral de normalización da lingua galega, que vai coordinar de novo o profesor e académico Manuel González. O equipo recolle o testemuño do que traballou no proxecto aprobado por unanimidade en 2004, que tivo que comezar a aplicar o Goberno de coalición PSdeG-BNG e do que o PP se desmarcou alegando "imposición" para despois reducilo a "remuíño de ideas" ao retornar á Xunta

O Concello da Illa de Arousa confirma a compra de dous terreos incautados ao narco tras lograr que o Plan Nacional sobre Drogas os excluíse dunha poxa. "Marcial Dorado é un coñecido narcotraficante e no seu día tivo algún compañeiro de viaxes que logo chegou a presidente da Xunta e o que fixo en 14 anos foi unha folga de brazos caídos en políticas de vivenda pública", subliña o subdelegado do Goberno de España en Pontevedra

As pensións contributivas máis baixas ascenderán arredor dun 6%. As non contributivas subirán ata un 9% e o complemento da Xunta quedará conxelado. O Consello de Ministros ratifica a extensión por seis meses dos abonos gratuítos no transporte e mais unha extensión ao imposto extraordinario ás empresas enerxéticas que ten por diante un difícil percorrido parlamentario

Tras formalizar o pasado novembro a compra de tres novos coches diésel e un gasolina, Presidencia inicia os trámites para mercar outros seis automóbiles de combustión. Tanto os cinco novos diésel coma o de gasolina serán berlinas do segmento D con tracción ás catro rodas e alta potencia. A consellería reserva para ambas operacións case 300.000 euros que, sumados ao importe da anterior compra, elevan o total ata preto do medio millón

"Imos sumar a todos os socialistas e as socialistas que forman este partido para facer un Congreso baseado na igualdade e nos retos que ten que ter Galicia e, por tanto, o PSdeG, para os vindeiros anos", sinalou o secretario xeral

O Consello de Ministros aproba as novas rebaixas comprometidas co BNG e eleva a 81,6 millóns o orzamento público reservado para subvencionar peaxes na autoestrada galega en 2025

O PP felicita as festas cun vídeo no que Rueda dirixe un coro de dirixentes do partido á procura, afirma, dun Nadal que "soe ben para todos" cunha mensaxe de harmonía que combinan con outras estratexias para caricaturizar a nacionalistas e socialistas aproveitando as festas. Na felicitación do BNG Ana Pontón canta unha panxoliña tradicional xunto a 'Mini'

A Xunta cesou en abril por fin de "obra ou servizo" persoal contratado en 2021 pola COVID-19 e o TSXG ve fraude e lembra que o propio Executivo deu por superada a pandemia hai tres anos, polo que os contratos son xa indefinidos e os despedimentos, improcedentes

En plena 'resaca' da enorme manifestación contra Altri, a demoscopia apuntou a un mantemento do PP con maioría absoluta. Ese contraste vén marcando unha vida política na que apenas tres puntos separaron as dúas medias Galicias nas urnas o pasado febreiro. Olladas na esquerda ven claro que un eventual cambio pasa por que a media Galicia que se ve representada na oposición á dereita pesque no estremo máis centrista e galeguista do caladoiro do PP. Mentres, os populares afánanse no enganche dalgunhas bandeiras políticas da exitosa campaña do BNG para evitalo