Política

O presidente rexeita condenar posturas extremas "a pesar de celebrar moito que Vox non teña presenza en Galicia"

O Bloque celebrou unha nova xornada dos encontros Parlamento Aberto, centrados nesta ocasión na situación do idioma. Ana Pontón defende impulsar un novo plan a favor do galego, actualizar a Lei de Normalización Lingüística e novo decreto de uso da lingua no ensino

O "reto demográfico" constitúe “o maior problema de Galicia”. Así o destaca o PSdeG-PSOE, que este sábado celebrou en Celanova a primeira das xornadas do ciclo Diálogos con Raíz. Os socialistas critican que 15 anos de goberno do PP “non serviron máis que para acentuar as diferenzas da Galicia de dúas velocidades”, ao desmantelar os servizos públicos no rural dividindo aos galegos “de primeira e de segunda”

"Boas palabras, poucas concrecións" é o resumo do presidente da Xunta do seu encontro co estatal, que remitiu o financiamento autonómico ao Consello de Política Fiscal e convocará unha Conferencia de Presidentes para falar coas comunidades de vivenda

O pacto de investidura do PSOE co BNG incluíu que Galicia recibise un trato equiparable ao doutros territorios en caso de condonacións de débeda pública

"Imos ampliar a nosa mensaxe a persoas que non son do partido", defendeu Besteiro sobre a nova imaxe do PSdeG, que vai acompañada do lema 'Socialistas con raíz' e que se plasmará nunha serie de encontros arredor do país cara ao congreso dos socialistas galegos 

O conselleiro de presidencia di agora que o estudo que suxire 7 fusións "non é unha proposta dun partido, é unha proposta dun goberno", mentres os responsables do informe rebaixan o seu alcance

Segundo ficou probado no xuízo, o empresario e os seus dous fillos mantiñan os dous traballadores con xornadas de 13 horas, sen cotización á Seguridade Social nin descansos por apenas 700 euros ao mes. BNG e PSdeG esixiran o cesamento do concelleiro condenado e reclaman explicacións á conselleira porque, subliñan, os feitos foron anteriores á súa inclusión na lista do PP

A conselleira de Economía, tamén presidenta da sociedade público-privada coa que a Xunta impulsa o proxecto de Altri, equipara cun "castigo a Galicia" a posibilidade de que a factoría non chegue a recibir os 250 millóns de fondos europeos que pide. Ulloa Viva protesta no exterior do acto do PP e ironiza con que "as mesmas persoas que piden esperar os informes técnicos" sexan as "máximas defensoras" do proxecto da celulosa

En resposta a unha pregunta do BNG pola nova lei que garante ao PP o control do ente, o executivo comunitario lembra que a partir de agosto de 2025 os responsables dos medios públicos deben ser nomeados con criterios obxectivos

Un exercicio de política-ficción aplicando os resultados das eleccións de 2023 ao concello fusionado mantería o Bloque con 6 edís á fronte dunha maioría de esquerdas que tería 15 fronte a 12 do PP. Se na fusión participase tamén Ames, os resultados permitirían ao PSdeG ter o bastón de mando