Como xa fixera ao atender os recursos do Concello de Pontevedra e de Greenpeace, o tribunal acepta o formulado pola APDR ao considerar que na prórroga do Goberno de Rajoy a Ence non quedou "acreditado" que a factoría teña que operar nos terreos públicos da ría e non noutro lugar
A Audiencia de Pontevedra desestima o recurso do alcalde de Vilanova de Arousa e considera que os ataques do edil do PP a Carmela Silva obedecen á súa condición de muller. O deputado Carlos Font reclama ao PP que aparte a Gonzalo Durán do partido
Transición Ecolóxica subliña que "non é viable" legalmente adscribir a fábrica ao porto de Marín, posibilidade que a propia Ence nin menciona na información aos seus accionistas sobre os posibles escenarios tras a sentenza. O Ministerio anuncia o encargo dun informe sobre posibles lugares alternativos para a fábrica e subliña que o Estado estaría disposto a "acompañar financeiramente" un novo proxecto de Ence en Galicia fóra da ría "con valor engadido"
Na súa presentación de resultados do segundo trimestre de 2021, a primeira tras a sentenza, a papeleira detalla á CNMV e aos seus accionistas actuais e potenciais os seus plans tras a anulación da prórroga por parte da Audiencia Nacional. Ningún deles contempla a posibilidade de que a factoría pase a ser considerada parte do porto de Marín e asume que se o Supremo non atende o seu recurso, "non poderá seguir operando" en Lourizán e tería que desmantelar a fábrica entre 2023 e 2024
No ano 2019 o areal foi clasificado como "praia natural", o que impide a instalación de chiringuitos fixos e de gran tamaño. Unha asociación presentou unha demanda para invalidar esta caracterización, pero o alto tribunal galego subliña que todo o espazo se atopa integrado na Rede Natura 2000.
A pasteira gañou 11 millóns no segundo trimestre do ano pero aclara que o impacto das sentenzas contrarias á prórroga supóñenlle unha deterioración de activos e provisión de gastos ante o posible desmantelamento por máis de 190 millóns.
A sentenza que anulou a prórroga concedida polo Goberno de Rajoy a Ence para seguir na ría ata 2073 chegou no vixésimo aniversario da súa privatización polo gabinete de Aznar, tras a que a papeleira tivo como primeiro presidente a José Luis Méndez, na altura director xeral de Caixa Galicia. Neste tempo, pola dirección de Ence pasaron ex-cargos de gobernos do PP, o que outras forzas políticas sinalan como mostra de conivencia dos populares coa pasteira
O mariñeiro aterrou este venres en Madrid e este sábado ao mediodía diríxese dende Casa do Concello de Bueu á cidadanía da vila para agradecer o apoio emprestado. Acusa do seu "secuestro" á actuación do "lobby" australiano pero tamén á "inacción" da anterior ministra de Exteriores, Arancha González Laya
O vicepresidente Conde mantén, tras un encontro con persoal de Ence, que teimará en que a pasteira siga na ría e di non ver "real" o posible traslado, que Feijóo prometeu durante anos. O Goberno de España insta á Xunta e á empresa a elaborar os "informes que comprometeron" sobre as alternativas tras a sentenza e o BNG propón crear un consorcio público-privado da industria forestal seguindo modelos nórdicos que, subliña, pode saír adiante "con ou sen Ence"
Costas ten xa o seu pasaporte e agora debe saír do país, probablemente a través dun voo ao Cairo. A CUT, que liderou as mobilizacións para esixir a súa liberación, celebra a medida, pero lembrou as condicións "insalubres" nas que viviu nos últimos meses, "secuestrado nun país en guerra"
Tras anos de devalo, os organizadores da feira taurina víronse obrigados a cancelala en 2020 por mor da pandemia e neste 2021 admiten que as medidas pola COVID converten en "inviable" o evento, que ía ter unha soa xornada. O colectivo 'Touradas fóra de Pontevedra' subliña a súa principal reivindicación tras dous anos sen o evento: a conversión da praza de touros nun centro cultural
O vicepresidente Conde, que a pasada semana ligou a sentenza da Audiencia Nacional que anula a prórroga outorgada polo Executivo de Rajoy a decisións políticas de PSOE e BNG, asegura que, por "realismo", pide que o Goberno de España poida financiar "unha alternativa ao peche" da papeleira a través dos fondos europeos de recuperación