A posible absolución do ex-director de Seguridade de Adif certificaría a incapacidade do sistema ferroviario español de paliar un risco previsible como o que había na curva de Santiago
O fiscal Mario Piñeiro di que o director de Seguridade "actuou de acordo cos procedementos", que ao seu ver non obrigaban a que a curva fose máis segura, mentres que a plataforma de vítimas mantén a súa petición de catro anos de cadea para os dous acusados
As intervencións finais das partes coas súas peticións de condena ou absolución comezan esta semana coa Fiscalía e as asociacións de afectados e rematarán dentro dun mes coas defensas dos dous acusados
Unha nova lei agora paralizada pretendía dar máis autonomía aos entes de análise de sinistros, que no ferroviario afronta un preito no Supremo por incumprir a normativa europea e no marítimo vén de desatender á Audiencia Nacional na causa do afundimento en Terra Nova
Integrantes de Verdes/ALE de Alemaña, Francia, Italia, Suecia, Irlanda e Luxemburgo preguntan á UE por accidentes en toda Europa e cuestionan se a súa Axencia Ferroviaria, crítica con España por Angrois, conta con recursos suficientes para supervisar
Tras empregar Renfe máis de dous anos en reparar a bordo dos Alvia o sistema ERTMS de control da velocidade, Adif actívao tamén nas vías máis de once anos despois da súa inauguración
Jesús Domínguez relata a dor dos afectados por “saber que era evitable, aínda que non houbese intención”, ao que a xuíza contesta que “todo o que non é intencionado é evitable”
A maxistrada di entender a loita da plataforma de vítimas e defende o traballo dos xuíces instrutores “que tamén se enfrontaron a múltiples conflitos, reproches e pegas”
A familia dun mozo que morreu no accidente relata as dificultades para desvelar as eivas de seguridade que se están a analizar no xuízo pero a maxistrada dilles que iso "queda fóra" do seu ámbito e remíteos ao "que se pode esperar dun proceso penal”
Sen saber aínda se serán condenados o maquinista de Renfe ou o ex-cargo de Adif, os seguros das dúas empresas públicas tentan rebaixar a factura que terían que pagar en cada caso e que en parte xa foi adiantada
Ante unha pregunta do BNG sobre as “presións” en 2016 do Goberno do PP á Comisión por Angrois, reveladas por Praza.gal, a comisaria de Transportes di que tras valorar a “aplicación das medidas correctoras en España” estudará “novas medidas”
No episodio número 40 do podcast informativo de Praza.gal, conducido por David Lombao, xuntamos tres xornalistas que continuaron informando sobre o accidente de Angrois cando os focos se apagaron e que agora están seguindo moi de preto todo o que sucede no xuízo polo sinistro. Con David Reinero, Aida L. Rosell e Pablo González repasamos o máis destacado do acontecido no groso da parte penal do proceso e o que está por vir