David Lombao

O compostelán Pazo de Xelmírez acolleu a histórica sesión constitutiva da institución parlamentaria galega, da que Antonio Rosón (UCD) foi elixido presidente. O recordo dos vellos galeguistas estivo moi presente no nacemento dun Parlamento ao que agora lle corresponde elixir presidente da Xunta, cargo para o que se perfila o doutor Fernández Albor, de Alianza Popular

Luckia e Comar veñen de lanzar unha nova patronal do xogo en Galicia coa que, din, pretenden que o sector conte cunha "única voz que nos defenda" ante procesos como a nova lei do xogo, que a Xunta lanzou hai máis de dous anos pero mantén estancada. Ao tempo, Luckia ultima a construción dunha nova sede de 25.000 metros cadrados na Coruña dende a que expandir o seu negocio dixital

Visitas a residencias ou eventos baixo teito con máis de 200 persoas únense ata o 18 de xaneiro aos ámbitos nos que a Xunta esixe amosar o certificado de vacinación, test negativo ou recuperación da COVID. A incidencia segue freando aos poucos o seu ritmo de incremento mentres o Sergas rexistra un milleiro de casos novos ao día e a suba da hospitalización tamén tende a acougar. Na primeira xornada de vacinación infantil, a asistencia roldou o 90%

A porcentaxe de resolucións xudiciais favorables á persoa reclamante do IMV supera en Galicia a media estatal en vinte puntos. No ámbito administrativo, seis de cada dez recursos contra resolucións do IMV en Galicia ata outubro estaban sen resolver. A nova lei do ingreso mínimo pretende corrixir algunhas das eivas da prestación, que en Galicia ten un atranco adicional: a incompatibilidade coa Risga ao non acometer a Xunta a reforma para eliminala

O Sergas detectou unha media diaria duns mil casos nos últimos sete días, pero a moderación no ritmo de incremento da incidencia acumulada permite albiscar o pico da vaga outonal mentres tamén acouga o incremento das hospitalizacións

O presidente do Parlamento evoca a memoria das vítimas da ditadura, o Consello de Galiza e o galeguismo histórico na inauguración da mostra 'O poder da palabra', primeiro acto polo aniversario do lexislativo, que celebrará tamén cun pleno solemne este 19 de decembro, cando se fan 40 anos da súa primeira constitución

Quince mil nenas e nenos teñen cita para a vacinación contra a COVID na primeira xornada de vacinación infantil, este 15 de decembro. A poboación menor de 12 anos segue rexistrando a maior incidencia acumulada mentres os datos apuntan a que, ao ritmo actual, cabe agardar o pico da vaga para dentro de, aproximadamente, unha semana. As persoas ingresadas con test positivo roldan as 300, menos da metade que no pico da vaga do outono de 2020

Os novos casos da COVID detectados no que vai de outono son case un 50% menos que no de 2020, antes da vacinación, e as caída de mortes de persoas coa enfermidade rolda o 90%. Sanidade xa cita para a terceira dose a persoas de 50 a 59 anos, grupo aínda non incluído polo Consello Interterritorial nas inxeccións de recordo

Segundo unha das primeiras análises do plan do Ministerio de Facenda para o financiamento autonómico, caducado dende 2014, Galicia pasaría de estar uns 7 puntos por riba da media en necesidade de recursos a quedar en arredor de 4. No novo indicador por despoboación, Aragón, Extremadura e as dúas Castelas estarían uns catro puntos por riba da media e Galicia ficaría por baixo do promedio, di o informe de Fedea

A presenza de dirixentes como Méndez ou Silva en postos clave da Executiva liderada por Valentín González Formoso teñen elocuentes significados nunha xeira sobre a que pairan interrogantes como o percorrido das tensións con Gonzalo Caballero ou a amplitude do eco do sonoro aplauso que acompañou a reaparición de José Ramón Besteiro

O Bloque constitúe o seu novo Consello Nacional, o que culmina o proceso da súa XVII Asemblea. Pontón afirma que a formación non vai "caer na trampa de moverse na caricatura que interesa" ao PP e resalta asuntos como denunciar "a estafa da luz", alternativas para a mocidade, o medio ambiente ou a ciencia como centro das súas iniciativas nos vindeiros meses

Sanidade agarda polos datos que reflectirán as cifras da ponte. Mentres, continúa contención na suba a comezar pola área sanitaria con maior incidencia acumulada, a de Ourense. A hospitalización segue aumentando en termos semanais, pero o ritmo de suba tamén frea e os actuais 252 ingresos son menos da metade que na vaga outonal de 2020. O grupo de 5 a 11 anos é o que segue rexistrando maior incidencia e a Xunta anuncia a posibilidade de que as familias retiren un test de balde