David Lombao

A Organización Mundial da Saúde resalta que é "de vital importancia que as desigualdades no acceso ás vacinas sexan urxentemente abordadas". En Galicia, co 85% da poboación vacinada, o Sergas vén diagnosticando unha media duns 440 casos novos na última semana mentres o ritmo de incremento da incidencia tende a frear e as hospitalizacións soben, pero ata niveis moi por baixo dos de hai un ano

Valcárcel, falecido este 28 de novembro aos 92 anos, foi fotógrafo de vocación e oficio aínda que non o fose de profesión, referente para profesionais e documentalista excepcional da Galicia do século XX

A obriga de amosar o certificado COVID en restaurantes todo o día e nos bares pola noite está en vigor dende este 27 de novembro e, como mínimo, ata o 18 de decembro. Sanidade subliña que xa manexa datos que acreditan que "o risco de ingreso de persoas non vacinadas é maior" se contraen a COVID e tamén "evidencia de que a vacinación diminúe o risco de transmisión". A incidencia acumulada a 14 días no global galego rolda os 133 casos novos por cada cen mil habitantes e as hospitalizacións son en torno a un cento

A iniciativa, que retomou Compostela Aberta, foi aprobada cos votos a prol do PSdeG e do BNG tras introducir o goberno local a emenda de que debe ser a Xunta a que a regule por lei tanto para estancias hoteleiras como para excursionistas. O Plan Estratéxico de Turismo de Santiago 2017-22 contempla a taxa "nun tipo medio dun euro e un máximo de cinco días por cota"

O groso do incremento dos casos detectados en Galicia sitúase nas áreas sanitarias de Ourense e Vigo e as maiores incidencias a 14 días rexístranse na infancia non vacinada e mais nos grupos de idade de persoas adultas menos cubertas pola vacinación. O impacto das vacinas permite afirmar á Xunta que non prevé risco de "colapso" nos hospitais malia á suba da incidencia do virus

En outubro de 2020 a incidencia da COVID-19 a 14 días tamén roldaba os 106 casos novos por cada cen mil habitantes, como na actualidade, pero a mortalidade era seis veces superior. Daquela aínda non comezara a vacinación. A axencia sanitaria da UE pide "pechar urxentemente a fenda de inmunidade" en países con baixas coberturas da vacinación e recomenda doses de reforzo en toda a poboación adulta

O PSdeG reclama retomar a reforma estatutaria aparcada para "abrir unha nova páxina na historia da autonomía" tras a pandemia. Antes "se conformaban con ser unha nación, agora se plantexan ser unha república", caricaturizou Feijóo ao BNG, cuxa portavoz nacional, Ana Pontón, ve o presidente da Xunta inmerso "no Matrix de Monte Pío, que lle impide escoitar"

Feijóo afonda na liña de deixar á marxe tanto posibles negociacións bilaterais co Estado como as ligazóns co resto de nacionalidades históricas nun documento que pide "acertar na definición dos custos reais" dos servizos públicos e a "incidencia significativa" que a demografía ten neles. No foro participaron a presidenta e presidentes de Asturias, Cantabria, La Rioja, Aragón, Castilla-La Mancha, Extremadura e Castilla y León

Para entrar en vigor, o requisito precisa o aval do Tribunal Superior de Xustiza. As novas medidas chegan cando o 93% da poboación galega susceptible de ser vacinada xa recibiu a pauta completa e mentres o Consello Interterritorial de Saúde revisa os protocolos COVID estatais

Na maioría dos concellos que concentran o groso dos casos novos nos últimos días, a campaña de vacinación está completada a máis do 90%. Máis da metade da poboación galega maior de 70 recibiu xa a dose de reforzo. As persoas hospitalizadas co coronavirus roldan as 80 en toda Galicia

Os incrementos de casos detectados dos últimos días sitúanse, sobre todo, nas cidades e concellos das súas contornas de influencia. O único grupo de poboación fóra da campaña de vacinación e os dous con menor cobertura da inmunización son os que presentan incidencias a 14 días máis altas. A hospitalización de persoas coa COVID segue roldando o medio cento de persoas

Os concellos de entre 20.000 e 40.000 habitantes únense para subliñar a "necesidade absoluta" dun mellor financiamento e sinalar a "urxencia de acadar cambios na xestión dos fondos europeos de reconstrución, nos que a alcaldesa da Coruña e o alcalde de Vigo tamén reclaman unha maior participación durante un encontro institucional