David Lombao

A incidencia a 14 días rolda os 350 casos novos por cada cen mil habitantes e o seu ritmo de incremento segue a frear. A media a 7 días dunhas 2,7 mortes diarias contrasta coas máis de 12 do outono de 2020, cando a vacinación aínda non comezara, e as 256 persoas ingresadas coa COVID son menos da metade das que se rexistraran daquela

O groso de novas hospitalizacións de persoas coa COVID son pacientes maiores de 60 anos. Galicia rexistra unha media a 7 días dunhas 1,4 mortes de persoas coa COVID. En novembro de 2020, con incidencias semellantes ás actuais e aínda sen vacinas, eran máis de 10

Na véspera da elección dunha Executiva Nacional na que a alcaldesa de Lugo, Lara Méndez, se perfila como 'número dous', Formoso pide "non forzar as discrepancias" e "buscar o que nos une" para así poder "aspirar a gobernar Galicia"

O 6 de decembro de 1931 culminou en Pontevedra a constitución do Partido Galeguista. O programa fundacional do PG sinalaba como "aspiración mínima e inmediata" que o novo poder galego acadase o "máximo" de competencias contempladas na Constitución da II República e proclamaba principios como a "igualdade de dereitos políticos para a muller", "recoñecemento de dereitos sindicais" ou a "galeguización do ensino"

A Xunta xustifica o contrato, que chega apenas un mes antes da entrada en servizo do AVE coa Meseta, en que o turismo que chega en avión é "un segmento crucial nas estratexias de redución de emisións e descarbonización"

Se quen visita a persoa ingresada non dispón do certificado COVID, non cumpre os requisitos para telo e se nega a facer un test, "invitaráselle a abandonar a unidade de hospitalización". O sindicato SATSE rexeita que este control sexa realizado polo persoal de enfermaría porque cre que son "funcións do persoal de seguridade". Sanidade rexistra case 600 casos diarios nos últimos sete días mentres as hospitalizacións roldan as 200 e o ritmo de incremento da incidencia acumulada segue tendendo a frear

O Poder Xudicial subliña que a comparación interanual debe ser realizada con 2019 para evitar a distorsión dos prazos suspendidos pola COVID: as 22 novas demandas por ocupacións no terceiro trimestre son un 35,3% menos que daquela. Mentres, os desafiuzamentos foron 14 veces máis que eses casos de ocupación, pero tamén descenden interanualmente

O Sergas detecta actualmente unha media a 7 días próxima aos 500 casos novos por xornada. A diferenza do que acontecía antes da vacinación, as curvas de casos detectados e mortes non aumentan a ritmos semellantes e as cifras que ofrece o Ministerio apuntan a que as novas hospitalizacións de pacientes co coronavirus son en Galicia arredor dun terzo das do outono de 2020

O escrito de acusación da Fiscalía atribuía aos procesados delitos contra os dereitos da cidadanía estranxeira, prostitución coactiva, contra os dereitos dos traballadores, ameazas, tenza ilícita de armas e contra a saúde pública. A plataforma 'Impunidade Carioca' censura o acordo e cre que o Ministerio Público reduce a feitos puntuais unha rede de "violencia extrema" contra as mulleres

A comisión organizadora do congreso do PP vigués asegura que o partido detectou ata 35 intentos de afiliacións "irregulares", dezanove deles con cotas cargadas á conta do ex-conselleiro Javier Guerra, que se enfronta polo liderado á delegada da Xunta na cidade, apoiada por Rueda. Afirma que outras dezaseis ían domiciliadas a contas de persoas que "nalgúns casos, ostentan postos de representación do PP no Concello de Vigo", onde actualmente teñen 4 edís

Finalmente, Portugal non esixirá certificar un test negativo a toda a cidadanía europea que conte con certificado de vacinación. A AECT Rio Minho cuestionara que as autoridades portuguesas fosen alén do acordado a nivel europeo e non aceptase como válido o certificado de vacinación para viaxar

O TSXG considera que as obras paralizadas en 2018 polo Concello de Pontevedra na factoría e Ence "están dentro do ámbito do Plan de Incidencia Supramunicipal concedido pola Xunta á pasteira en 2003 e por iso non precisan licenza. O goberno local anuncia que recorrerá ao Supremo