David Lombao

Ao fío das críticas contra o ministro Garzón, o SLG insta "os partidos políticos galegos a expresar publicamente se están coas macrogranxas da industria cárnica ou coas explotacións familiares" que, resaltan, son maioritarias en Galicia. "A produción intensiva de carne en macrogranxas reduce biodiversidade e contamina solos e augas", sinala, ademais de lembrar os problemas de contaminación por nitratos na comarca da Limia

Os cambios nos protocolos implican, entre outros aspectos, priorizar as persoas con síntomas nos test PCR e de antíxeno e eliminalos para boa parte dos contactos estreitos. Entrará no 'rádar' unha menor porcentaxe do total de posibles casos e os detectados desaparecerán máis rápido do total de "activos". Mentres, as cifras de hospitalizacións e falecementos si serán máis comparables coas de vagas anteriores

Dez hospitais membros da asociación Ahosgal levan a Consellería de Sanidade ao contencioso-administrativo para reclamar indemnizacións por "danos e prexuízos" ao estaren á disposición da sanidade pública durante o primeiro Estado de Alarma pola COVID. A contía, din, foi calculada pola consultora KPMG

Os novos protocolos de Sanidade dan por inaugurada a fase de "mitigación" da pandemia e poñen fin á supervisión e rastrexo de casos tal e como se concibía ata agora. Nun contexto de forte saturación da Atención Primaria, a Xunta sinala o teléfono 881 540 045 como vía prioritaria para a declaración de síntomas ou de positivos achados mediante autotest

Os novos cambios no protocolo indican que aos "contactos estreitos asintomáticos en vixilancia non se lles realizará"  un test "agás en ámbitos de vulnerabilidade". Na mesma xornada, o Consello Interterritorial tamén mudou as súas normas para recortar seguimentos e rastrexos e ratificar a redución das corentenas. En xaneiro de 2021, con menos da metade da actual incidencia acumulada, Galicia chegara a superar as 1.400 hospitalizacións simultáneas de persoas coa COVID. Na actualidade son menos de 400

A caída mensual de apenas o 0,11% no paro rexistrado en Galicia é o peor dato do Estado, pero o balance interanual de case o -20% aproxímase á media estatal e o dato total de decembro é o menor dende que hai datos comparables. O total estatal de afiliación á Seguridade Social marca un máximo histórico mentres en Galicia o devalo demográfico sitúa o indicador lonxe dos niveis previos á anterior crise económica

Un traballador da empresa contratada pola Xunta para rastrexar a COVID subliña a "improvisación" coa que o servizo está a adaptarse ao incremento de casos, "contratando ao tolo" e "sen apenas formación". Afirma que, en vésperas do Nadal, a compañía ofreceu "vinte euros" como incentivo para que o persoal captase "amigos, coñecidos" que participasen nunha formación en liña e poder incorporalos

O alto número de casos activos, que supera os 36.000, acrecenta a carga sobre a Atención Primaria para consultas, seguimento e trámites como baixas laborais. Este 28 de decembro rematou con senllas cifras récord de PCR realizadas (case 15.000) e casos novos detectados (case 5.000) en Galicia. As actuais cifras de hospitalizacións son semellantes ao pico de ingresos do pasado verán, cando a incidencia a 14 días roldaba a metade da actual

Nun contexto de forte saturación da Atención Primaria, o Sergas suprime o servizo de test da COVID sen cita unha semana despois de habilitalo, equipara os positivos mediante "autotest" aos detectados polas probas en recintos sanitarios e suprime o seguimento telefónico diario tanto para  casos confirmados e os seus contactos. A incidencia a 14 días xa supera os 1.000 casos novos por cada cen mil habitantes, pero as hospitalizacións están en niveis do pasado verán, cunhas 300 persoas ingresadas

Abai Group, que gañou o concurso para o rastrexo de contactos por presentar a oferta máis barata, ofrece cen vacantes para cubrir quendas de fin de semana por uns 400 euros brutos mensuais e un contrato dun mes con "posible" ampliación

Bares e restaurantes terán que pechar ás 12 da noite agás venres e sábado, que poderán facelo á 1, e o Goberno galego volve prohibir o consumo nas barras. Pubs e discotecas terán o peche ás 3, hora á que se aplicaría o que a Xunta denomina "toque de non queda". O Sergas rexistra máis de 3.000 casos novos da COVID en vinte e catro horas mentres as cifras de ingresos seguen contidas pero medra a presión sobre a Atención Primaria e o rastrexo

Sanidade contempla dar por bos os positivos con test de antíxeno adquiridos e feitos polo propio paciente e, sen necesidade de PCR de confirmación, validar o caso e iniciar trámites como a baixa laboral. Comesaña afirma que tamén prevén "descargar noutros profesionais" que non sexa o persoal médico de familia a xestión das baixas laborais mediante un sistema "automatizado" e "centralizado"