David Lombao

A portavoz nacional do Bloque dá por "constatado" que en Galicia existe "unha maioría social esgotada dos anos de goberno" dun PP que agora se limita a "cambiar caras" mentres mantén a Xunta "paralizada" na peor crise de prezos en catro décadas. "Non ter o obxectivo de ser unha forza hexemónica sería renunciar a dar un futuro mellor a este país", resalta nesta entrevista, na que repasamos algunhas das principais propostas do BNG e a conxuntura política galega e estatal

Os hospitais galegos rexistran nos últimos días algo máis de 500 hospitalizacións simultáneas de persoas coa COVID-19, se ben Sanidade matiza que en torno á metade ingresaron por motivos diferentes ao virus. Os datos de incidencia, cuns 500 casos novos por cada cen mil habitantes a 14 días, están moi influídos pola fin xeral das probas fóra dos grupos "vulnerables" e porque os autotest feitos na casa xa non se inclúen no cómputo oficial

O aínda presidente avoga por acompasar a sucesión no PP e na Xunta, con finais de maio como horizonte para a mudanza efectiva. Pontón (BNG) sinala que Galicia precisa "un Goberno centrado en dar solucións á crise de prezos" e ten "un Executivo do PP paralizado polas liortas internas" da sucesión. Formoso (PSdeG) ve "importante que no PP se aceleren os prazos" mentres subliña que Feijóo se estrea como líder do seu partido avalando o bipartito coa extrema dereita en Castilla y León

A defensa que Feijóo realiza agora do sistema parlamentario para a súa sucesión na Xunta contrasta coas ocasións en que o cuestionou, xa fose para considerar que a primeira investidura de Sánchez fora allea á vontade do pobo ou que Touriño puidese ser considerado presidente

A primeira elección de Fraga como senador en substitución de Corina Porro aprobárase en 2006 por unanimidade do Parlamento. Tras as xerais de 2008, PSdeG e BNG aprobaron asignar a cada grupo un dos tres postos no Senado que corresponden ao Parlamento galego, pero o PP reclamaba manter dous por "proporcionalidade". Non o lograron e converteron os seus votos en nulos

O secretario xeral socialista cre que o seu equipo pode "facer que a xente que nos vota nas municipais, europeas e xerais o faga tamén nas autonómicas, por iso iniciamos un novo proxecto no partido". "Era posible con Feijóo e sen el, máis", mantén mentres reitera a súa disposición a ser candidato á presidencia da Xunta e desbancar un Goberno do PP que, durante 13 anos, "se centrou no control do marketing político para parecer que facía en lugar de facer".

O aínda presidente da Xunta afirma que o membro do PP que o suceda exercerá o posto "ata 2024" e mantén que a sucesión aberta "nada ten que ver co funcionamento ordinario" do Goberno, que BNG e PSdeG ven "paralizado" en plena crise de prezos. O novo líder estatal do PP volve dedicar boa parte da súa intervención parlamentaria a cargar contra Pedro Sánchez, a quen acusa de crear "folgas" e "desabastecemento" e de "utilizar os impostos" para atender "socios absolutamente independentistas"

Tras ser proclamado en Sevilla novo presidente do PP, Feijóo presidiu este luns a reunión da dirección do seu partido en Madrid, onde volverá mércores e xoves para ser recibido polo rei e por Pedro Sánchez. BNG e PSdeG coinciden en criticar a interinidade na presidencia, pero sinalan o PP como pasado de Galicia

A intensidade do tráfico e os ingresos por peaxes, superiores aos 150 millóns en 2021, aínda están por baixo das cifras de 2019, segundo os resultados de 2021 presentados por Audasa. O 95% das viaxes de pagamento xa se abonan a través de vías automáticas como a telepeaxe, dispositivo obrigatorio para acollerse aos descontos aplicados polo Estado

O aínda presidente da Xunta vén de acadar a cúspide do poder no seu partido tras a defenestración de Pablo Casado e propicia o peche dun ciclo de década e media na política galega. O que agora acontece non pode entenderse sen, cando menos, outra decena de datas anteriores, dende a catástrofe do Prestige á fin do fraguismo ou os erros de cálculo do Goberno de coalición PSdeG-BNG

Tras ser aclamado co 98% dos votos no congreso popular, o aínda presidente da Xunta reparte mensaxes a partes iguais entre o Goberno de España e Vox no seu primeiro discurso como líder do partido, ao que reclama traballo e unidade interna para "remontar"

Os algo menos de 2,4 millóns de toneladas destes combustibles consumidos en Galicia durante 2021 supoñen un 33% menos que no pico histórico de 2007. No 2019, previo á pandemia, consumírase un 27% menos que daquela. Este 1 de abril entra en vigor o desconto xeral de 20 céntimos por litro de carburante mentres os prezos medios de gasóleo e gasolina seguen superando en Galicia os 1,80 euros o litro