David Lombao

O PP accedeu por primeira vez a abrir a comisión de investigación sobre a fusión das caixas hai 8 anos, pero mantívoa paralizada durante máis de media década. O BNG coida que a reapertura da comisión foi "un xesto cosmético" do PP "sen vontade de ir máis alá, porque Feijóo é directamente responsable do que aconteceu" e o PSdeG ve a paralización "moi na liña da Xunta: facer que se fai" e "sepultar" o fracaso da fusión "baixo a aparencia dunha investigación"

A actual vaga da pandemia impacta moito menos que as anteriores nos hospitais, con 149 persoas ingresadas, pero a atención das case 12.000 persoas identificadas como casos activos con seguimento domiciliario si presiona os centros de saúde e os servizos de rastrexo. O Sergas volve notificar máis de mil casos novos, pero o incremento da incidencia segue a amosar sinais de freo

As case 60.000 doses administradas en Galicia dende o pasado venres foron, sobre todo, a completar pautas no grupo de 40 a 49 anos e a primeiras inxeccións a poboación de 30 a 39. As incidencias da COVID os grupos aínda non incorporados á vacinación masiva cuadriplican amplamente o dato global. As 140 persoas hospitalizadas con test positivo da COVID-19 ás seis da tarde do domingo eran 74 máis ca unha semana antes

O local é un dos retos que Feijóo ten por diante dende que tomou as rendas do PPdeG hai 15 anos. Dende aquela, só nunhas eleccións municipais, as de 2011, puido presentarse triunfante case sen matices. Poucos días antes de apelar no congreso do partido a procurar gañar máis poder municipal, o xulgado reactivaba a investigación a Democracia Ourensana que o PP esgrimiu en 2020 para rachar o bipartito con Jácome que agora vén de reconstituír

Concellos como Ourense, O Barco e Sanxenxo seguen destacando polas altas incidencias acumuladas e o groso dos novos casos segue rexistrándose en idades aínda non incorporadas á vacinación masiva. Malia aos incrementos dos últimos días, as hospitalizacións coa COVID son dez veces menos que a anterior ocasión na que o ritmo de novos diagnósticos era semellante ao actual. Nove de cada dez persoas falecidas coa COVID-19 tiñan máis de 70 anos, o grupo que agora leva máis tempo con maior protección a través da vacina

Unha compoñente do grupo de nove persoas que facían o Camiño xuntas, procedente de Mallorca, comezou a atoparse mal entre Portomarín e Palas, onde acudiu ao centro de saúde. Ante a imposibilidade de lle facer alí unha PCR, foi trasladada por un familiar dunha compañeira ao hospital de Santiago, onde foi confirmado o positivo. Falamos cunha das mozas, que sinala que súa inquietude pola demora no rastrexo se debe tanto por poderen ser positivas e asintomáticas como pola posibilidade de contaxio doutros peregrinos que continúan no Camiño 

Caixa Galicia concedeu en 2005 un préstamo de 108 millóns de euros á promotora do edificio Intempo. Tras a fusión con Caixanova e posterior rescate de Novagalicia Banco, o 'banco malo' quedou coa débeda e colocoulla en 2017 a un fondo de investimento americano. As obras veñen de rematar e a promotora encargada está a vender os pisos por prezos que van dos 260.000 euros a máis dun millón

Entre eloxios de cargos galegos e convidados foráneos, o xefe de filas do PP en Galicia evita ofrecer pistas sobre o seu futuro alén de asegurar que agora ten máis "ilusión" que cando sucedeu a Fraga hai 15 anos. Di propoñerse incrementar o poder local do partido nas vindeiras municipais e contribuír a levar ao Goberno de España a Pablo Casado, quen na clausura do conclave proclamou que Pedro Sánchez "xa non pode pisar a rúa"

O Sergas suma este sábado 1.338 novos casos e plasma no DOG que dous de cada tres casos novos se rexistran en persoas de entre 15 e 39 anos. As 99 persoas ingresadas coa COVID ás seis da tarde do venres eran 40 máis que unha semana antes e a maioría dos novos ingresos son de menores de 40 anos. Concellos das Rías Baixas e a cidade de Ourense seguen rexistrando as incidencias máis elevadas

O Goberno galego láiase do que define como "golpe irreversible para Galicia" e fai responsable "Goberno do PSOE apoiado polo BNG" de formular "alternativas que atenúen o impacto" da sentenza. Lores ve no ditame un "fracaso estrepitoso" do "cambalache ilegal do PP coa empresa". Pontón valora o "triunfo para Galiza" e subliña que "canto antes se asuma que o futuro pasa por un traslado, mellor será para o emprego". O Caballero apela a Feijóo para que "exerza as súas competencias en materia industrial" para o traslado tras quedar constatada a "actuación fóra da lei do Goberno do PP de Rajoy"

O Sergas rexistrou na primeira metade do mes de xullo case 11.300 casos, o groso concentrados nos grupos de idade máis mozos, aínda non incorporados á vacinación masiva. A suma dos meses de abril e maio quedou en 9.700. As 96 persoas ingresadas con test positivo da COVID son 36 máis que hai unha semana

O tribunal non entra a valorar a duración da concesión senón o propio feito de que unha instalación así teña que estar en terreos públicos costeiros