David Lombao

As persoas menores de 30 anos, aínda fóra da vacinación masiva, seguen concentrando os novos casos da COVID. Os casos que precisan hospitalización seguen estables por baixo dos 60 malia ao incremento do total de positivos activos, que xa superan os 3.000. O Sergas comunicou o pasado mércores a morte dunha paciente de 38 anos que contraera a COVID e tiña tamén outras doenzas

Para entrar en pubs e discotecas dos concellos de nivel medio, onde ata agora tiñan que seguir pechados, será preciso presentar a acreditación dun test negativo da COVID dun máximo de 72 horas antes ou o certificado de contar coa pauta completa de vacinación. O Sergas rexistra máis de 300 casos novos do coronavirus en vinte e catro horas por primeira vez dende febreiro

Segundo unha resposta parlamentaria de Política Social ao BNG, a Xunta impuxo unha media dunhas tres sancións ao ano a empresas propietarias de residencias da terceira idade dende 2017. A Consellería non especifica os nomes das empresas sancionadas nin tampouco detalla cantas das inspeccións foron realizadas pola noite ou durante as fins de semana e festivos

Entre a poboación de 12 a 29 anos, a incidencia acumulada do coronavirus a 14 días rolda os 300 casos novos por cada cen mil persoas mentres que nos grupos con maior cobertura completa da vacina non chega aos 20. O Sergas notificou este martes 235 casos novos

"Non me atrevo a dicir se se pode tipificar como un problema de homofobia", sinala o presidente da Xunta, quen cre "unha especulación" buscar "explicacións neste momento" para un acto "asasino e irracional". Pontón (BNG) ínstao a "non ser equidistante nin mirar para outro lado" e "tomar exemplo da sociedade galega que encheu as prazas para reclamar xustiza". O PSdeG advírteo de que "ser cauteloso coas causas do crime" é compatible con "non relativizar a homofobia"

Os depósitos da entidade cooperativa achéganse aos 1.280 millóns tras medraren case un 20% e o investimento crediticio aumenta un 23% e chega aos 686 millóns, a maior parte en Pemes e autónomos (45%) e particulares (44%). "Seguimos facendo un tipo de banca diferente, de proximidade, tradicional pero á cabeza da dixitalización", sinala o presidente da Caixa Rural, que atribúe os bos resultados malia á pandemia a que "a nosa prioridade foi sempre a xente e este ano, dun xeito especial"

Na área sanitaria de Pontevedra-O Salnés, a máis afectada polo surto importado de Mallorca, a incidencia a sete días multiplicouse por dez en pouco máis de dúas semanas. O Sergas diagnosticou unhas 244 infeccións novas ao día na última semana

A Xunta comunicou a Praza.gal a existencia dun recurso contencioso-administrativo contra a divulgación dos datos solicitada por este xornal ao abeiro da Lei de Transparencia. Foi formulado por DomusVI. O Goberno galego non identificou as empresas que os presentan, ao contrario do que si fixo noutros procedementos de transparencia similares

Tras a Semana Santa, con cifras duns 200 casos diarios semellantes ás dos últimos días, o único grupo de idade cunha porcentaxe significativa de poboación coa pauta completa de vacinación eran as persoas maiores de 80. Na actualidade, o 62,2% da poboación galega maior de 40 anos ten a pauta da vacina completa.

O persoal afiliado á Seguridade Social aínda segue por baixo do nivel previo á pandemia e o atinxido por ERTE aínda rolda as 19.000 persoas malia encadear catro meses de descenso. O paro rexistrado está composto por 27.000 persoas menos que hai un ano. O Ministerio de Traballo subliña que a caída do paro a nivel estatal é a maior dende que hai rexistros, a CIG subliña a ligazón da baixada co sector servizos e CCOO chama a "consolidar o emprego creado" coa derrogación da reforma laboral do PP

Tras múltiples atrancos e coa seguridade financiada por máis de 50.000 euros da Xunta no seu inicio, os Franco accederan a abrir o pazo cun réxime de visitas que converteran nunha oda ao ditador entre ataques aos movementos para recuperar o recinto como patrimonio público Este 1 de xullo, xa co pazo como patrimonio público e a entrada xestionada polo Concello de Sada, Meirás abriu e tivo como primeiras visitas a vítimas da ditadura e membros de entidades memorialistas, cos investigadores Carlos Babío e Manuel Pérez como guías

No comité clínico as chamadas á prudencia entre os grupos de idade aínda non incorporados á vacinación masiva acompáñanse cunha reflexión impensable hai escasos meses: á actual situación da pandemia quédanlle unhas poucas semanas. Mentres, o Sergas notificou este xoves 258 casos novos, a cifra máis elevada en 24 horas dende o 13 de marzo