Corenta e catro novos casos da COVID-19 en Galicia e 27 profesionais do hospital de Vigo illados por contacto cun positivo
O incremento de "positivos activos" reláxase pola importante suma de altas, pero o número de novos casos supera os 40 por segundo día consecutivo e a media semanal de novos positivos diarios tamén se achega á corentena
Adif disponse a retirar os vagóns guindados ao Sil, Transición Ecolóxica ultima unha multa e di que a Xunta o sabía
A Confederación Hidrográfica afirma que as súas primeiras pescudas ven claro que os vagóns non caeron, senón que "foron empurrados de forma intencionada" ao leito do río Sil e mantén que a Axencia Galega de Emerxencias pediu "autorización para tal manobra". Vicepresidencia do Goberno galego nega que o fixese e asegura que se "limitou a poñer en contacto" á Renfe co departamento estatal responsable do río
Sanidade inclúe agora a Madrid na lista de control de viaxeiros e permite reabrir pubs e discotecas na Mariña
A nova resolución considera territorio de alta incidencia calquera cunha incidencia do virus catro veces superior á de Galicia -non 3,5 como na anterior- e toma como referencia os datos do día previo, no canto de fixarse nos de catro días atrás
- Datos Coronavirus
- Acontece
O ritmo de novos positivos da COVID-19 en Galicia é o maior dende o estado de alarma polos últimos brotes
A media semanal de novos casos diarios da COVID-19 en Galicia rolda a trintena, un claro empeoramento que, non obstante, está aínda lonxe dos datos do que ata agora foi o pico da pandemia. O principal brote segue sendo o detectado en torno a un ximnasio de Arteixo, que xa chega aos 55 positivos e a área da Coruña acumula a metade das vinte persoas ingresadas nos hospitais galegos con test positivo
Sindicatos agrarios ven irregular a baixada "unilateral" de prezos do leite que Inleit xustifica coa pandemia
A Xunta promocionou abertamente a implantación da compañía instalada no polígono de Curtis, que agora di verse "abocada" á rebaixa de prezos aos gandeiros por mor da pandemia e pide "marxe de tempo" para poder "encarar o máis que próspero futuro" que augura para o proxecto empresarial. "Esta práctica é a todas luces contraria á normativa vixente que se recolle na lei da cadea alimentaria", di Unións Agrarias, que xa a denunciou formalmente
Adif "investiga" o caso dos vagóns de tren guindados ao río Sil e asegura que os retirará
Gravacións dos traballos de retirada do convoi de mercadorías que descarrilou en Sobradelo (Carballeda de Valdeorras) amosan como dous dos vagóns son guindados ao río. A empresa pública asegura estar a investigar "os detalles deste suceso" e que "se depurarán, no seu caso, responsabilidades" mentres se multiplican as peticións de explicacións de partidos políticos e colectivos ecoloxistas
- Datos Coronavirus
- Acontece
O Sergas suma 27 novos positivos por coronavirus, coa peor evolución na área da Coruña
A evolución dos "positivos activos", que aumentan por duodécimo día consecutivo en Galicia, pode ser enganosa se non se observa xunto ás cifras de novos casos, que agora roldan a trintena en cada xornada, lonxe dos rexistros do pico da pandemia. O número de persoas hospitalizadas coa COVID-19 son agora 17 mentres a área sanitaria da Coruña suma máis dun cento de "positivos activos" en apenas dúas semanas
Da 'lei Montoro' ao 'plan Montero': un "préstamo" dos concellos ao Estado para poderen gastar os aforros
Os concellos poderán gastar parte dos seus aforros bloqueados pola 'lei Montoro', pero con condicións e previa transferencia dos cartos ao Estado coa forma de "préstamo". Abel Caballero, cuxo voto foi decisivo na FEMP para que o acordo saíse adiante, ve o pacto "moi positivo para as entidades locais" e o PP acúsao de avalar unha "confiscación" dos aforros municipais
- Documento
- Política
Juan Carlos de Borbón deixa España en pleno aluvión de escándalos financeiros "para facilitar" o reinado do seu fillo
O rei emérito atribúe a decisión á "repercusión pública que están xerando certos acontecementos pasados da miña vida privada", que non aclara nin nega. O anuncio chega mentres a Fiscalía do Supremo indaga nas comisións presuntamente cobradas polo anterior xefe do Estado polos encargos de obras ferroviarias a empresas españolas en Arabia Saudita
- Datos Coronavirus
- Acontece
Galicia suma máis dun cento de novos positivos da COVID-19 en tres días co brote da Coruña como principal foco
Agosto comeza con 43 novos positivos (datos do domingo), cando menos 25 deles da área da Coruña, na que seguen os rastrexos polo brote detectado en torno a un ximnasio. Tras once días consecutivos de incremento de "positivos activos", as persoas hospitalizadas con test positivo son 16. As cifras seguen sendo, así e todo, moi inferiores ás dos pasados meses de marzo e abril
- Crónica Galegas 2020
- Política
O undécimo Parlamento galego bota a andar fronte ao coronavirus e á inercia
Unha semana antes da constitución do Parlamento saído das urnas do 12X, a Cámara galega celebrou a súa derradeira xuntanza coa composición dos últimos catro anos, na que o PP despachou cun "non" dúas peticións de comparecencia formuladas pola esquerda. A loita contra a pandemia será o gran tema da lexislatura. Rachar a inercia, o gran reto da oposición que agora encabeza do Bloque
O xuíz de Angrois encomenda a un perito imposto pola Xunta aclarar a denuncia de borrado de datos no tren
Tras tomar declaración ao ex-mecánico que denuncia o borrado de datos e aos técnicos aos que sinala, o xuíz manda dilucidar se, no caso de que "existisen" eses posibles defectos no tren, tiveron ou non influencia no accidente no que faleceron 80 persoas