David Lombao

A Xunta prevé ter activo dende o 5 de xullo o novo sistema, que convivirá coa citación ordinaria mediante SMS por orde de idade. Sanidade ten pendente de definir o límite inferior de idade para o sistema de autocita; noutras autonomías está a fixarse nos 16 anos. Galicia supera o 50% da 'poboación diana' da campaña de vacinación coa pauta completa

49 das 86 probas PCR realizadas á pasaxe do voo na que volveu a Galicia parte do alumnado procedente de Mallorca deron positivo; 33 son estudantes e as Sanidade rastrexa os vencellos das outras 16. A incidencia acumulada a 14 días en grupos de idade aínda non incorporados á vacinación, como os de 12 a 19 e de 20 a 29 ano,s duplica amplamente o dato global de Galicia, situado na contorna dos 54 casos novos por cada cen mil habitantes

Este martes o Sergas xa confirmara 108 positivos ligados ao gromo da COVID con orixe en Mallorca, a gran maioría na área sanitaria de Pontevedra. Sanidade mantén Sarria no nivel alto de restricións e sitúa tamén nel a Carnota. Dende as 00:00 do sábado estarán en nivel medio nove municipios, entre eles a cidade de Pontevedra

O cambio de tendencia provoca que as incidencias acumuladas a 7 e 14 días abandonen a zona de risco baixo de transmisión na que Galicia lograra entrar hai apenas dúas semanas. As persoas hospitalizadas representan arredor do 3,4% do total de casos activos, dous puntos menos que hai un mes e máis de tres puntos por baixo que hai dous meses

A provincia de Pontevedra suma o groso dos centenar de casos vinculados ao foco con orixe nas viaxes estudantís en Mallorca, con 89 xa confirmados. Este gromo e outros máis locais inverteron a tendencia descendente das incidencias a 14 e 7 días para o conxunto de Galicia, que así e todo seguen por baixo dos niveis posteriores á Semana Santa

As vantaxes de contar cun Goberno e Orzamento de de seu ou a oficialidade do galego foron algúns dos argumentos centrais da campaña a prol do Estatuto de Autonomía de 1936, na que persoeiros como Castelao ou Bóveda apelaron á unidade do pobo galego e á participación masiva: "Os patrioteiros que nos acusan a nós de crear fronteiras verticais separan ao pobo, eles si son separatistas; no sentimento de amor a Galicia unímonos todos, sexan do partido que sexan"

A socialista Lara Méndez é alcaldesa de Lugo dende hai seis anos. Tras dous anos á fronte dun goberno de coalición co BNG, asegura facer un “balance tremendamente útil” do labor do seu gabinete nun bienio irremediablemente marcado pola pandemia. A COVID-19, evidencia, fixo preciso adaptar e tomar medidas de urxencia, pero non obrigou, asegura, a mudar a “folla de ruta” dos grandes obxectivos do goberno local, baseados na “sostibilidade” e nas “oportunidades” económicas para a veciñanza, pero tamén máis “amable” urbanisticamente e na mobilidade.

O groso da lei de eutanasia entra en vigor este 25 de xuño, pero o artigo que estipula a creación dunha Comisión de Garantía e Avaliación para aplicala en cada comunidade autónoma leva tres meses vixente. Feijóo di "entender" que a Comisión estará "en vigor para que se poida responder ás primeiras solicitudes" de eutanasia que reciba o Sergas e confronta a nova lei coa que regula en Galicia dende 2015 os coidados paliativos, a sedación e outros procedementos para persoas enfermas terminais

Ao comezo da pandemia, máis dun terzo dos casos activos eran de persoas hospitalizadas; na segunda vaga oscilaban entre o 5% e o 6%. A proporción non deixa de baixar dende o pasado marzo e agora rolda os 3,5% mentres segue a descender. As 45 persoas hospitalizadas son 16 menos que hai unha semana e outro mínimo dende agosto de 2020. A incidencia a sete días sobe en tres áreas sanitarias e mantense ou baixa no resto

Á espera da aprobación no Consello de Ministros deste xoves, a Xunta é partidaria da retirada da máscara ao aire libre agás "cando non sexa posible gardar a distancia dun metro e medio". O Goberno galego eleva a referencia para a ocupación máxima de locais e eventos do 50% ao 75% e os locais hostaleiros poderán volver ofrecer o 100% das súas prazas en terrazas agás nos concellos con maiores restricións

Nos concellos con dez ou máis casos da COVID-19 nos últimos 14 días vive o 47,3% da poboación galega, polo que a maior parte de habitantes reside en concellos cunha situación epidemiolóxica moi favorable, entre eles as veciñanzas de 165 municipios 'libres' do virus. O Sergas diagnosticou unha media diaria dunhas 80 infeccións na última semana e as 50 persoas hospitalizadas con test positivo son outro mínimo dende agosto de 2020

A reforma das subvencións ás comunidades andaluzas no exterior para "permitir especificamente" financiar actividades que "palíen os problemas que orixinan nos descendentes (...) os procesos de inmersión lingüística" foi unha das medidas pactadas polo PP de Andalucía con Vox