David Lombao

A Axencia Estatal de Seguridade Aérea establece que "non se debe acudir" a un aeroporto no caso de ter "contacto estreito" cunha "persoa diagnosticada de COVID-19" nos 14 días previos á viaxe. O club madrileño nega que o seu plantel estivese nese suposto. O Sergas afirma que a Liga lle comunicou os positivos do Fuenlabrada ás 20:17 do luns, menos de 45 minutos antes da hora fixada para o inicio do partido

O número total de persoas afectadas polo brote da Mariña sería agora de 246, con 161 delas xa de alta

Por primeira vez, a Comisión Europea vai emitir tal volume de débeda apoiada no Orzamento comunitario para transferir cartos aos Estados membros nun fondo que, no caso do Goberno español, ten condicións vinculadas á "transformación verde e dixital" ou a "preservar os postos de traballo". Pedro Sánchez ve un "fito histórico" o pacto logrado, no que non obstante os Estados máis remisos ao fondo logran recortes no Orzamento comunitario

O Fuenlabrada viaxou a Galicia tras deixar illado en Madrid un xogador cuxa proba da COVID-19 tivera resultados "alterados" e ficou confinado momentaneamente no hotel Finisterre da Coruña por orde do Sergas. O partido no que o Dépor ía xogar as súas opcións de permanencia na Segunda foi suspendido tras confirmarse a existencia de cando menos seis positivos no equipo madrileño

A porcentaxe galega de positivos na COVID-19 sen identificar a orixe do contaxio era a maior do Estado no informe do Instituto de Salud Carlos III para o pasado día 15, cun 80% que pasou a ser un 42% nos datos ata o día 17. A razón, segundo a Xunta, foi un "problema" na enquisa ás persoas que dan positivo, das que se rastrexa unha mediana de 4 contactos. Sanidade non aclara cantas persoas ten dedicadas a este labor

O reconto do voto CERA permite ao PP manter 11 escanos por Pontevedra e ter a maioría absoluta máis ampla dende a de Fraga en 1997 

O incendio de Canibelos (Ourense) xa afectou a unhas 60 hectáreas, segundo Medio Rural. O de Rubiá afectou ao parque natural da Serra da Enciña da Lastra e nel arderon unhas 40 hectáreas

Cun ritmo de probas PCR diarias semellante ao das semanas do pico da pandemia e malia aos brotes da Mariña, Betanzos ou Vilalba, o número de casos novos diarios notificados volve descender a niveis de principios de xuño. Cabe deducir que dous dos cinco casos novos están no brote de Vilalba e outros tres no resto de Galicia mentres a área de Ferrol rexistra cero "positivos activos" por primeira vez dende marzo

Dende que PSdeG e BNG perderon o Goberno, as filas da esquerda estiveron marcadas pola interinidade, con ata unha vintena de liderados, e pola perda de forza parlamentaria. Pontón, que tamén é a primeira líder tras o ex-presidente socialista en disputar a Xunta ao PP dúas veces seguidas, celebra o "histórico" resultado ante o Consello Nacional do Bloque e subliña que "o 'sorpasso' que importa é o que permita un cambio galego en 2024"

Nos concellos da provincia de Lugo alén da Mariña aumentan os "positivos activos" de 22 a 29 e na área da Coruña soben de 27 a 31, cadrando cos brotes de Vilalba e Betanzos

O uso da máscara vira en "obriga xeral" dende este 19 de xullo en Galicia aínda que "se manteña a distancia de seguridade interpersoal". A resolución da Xunta explicita que o veto ao consumo de bebidas alcohólicas en 'botellóns' non o aplica ás terrazas nin ás "festas e verbenas populares"

Tras as aclaracións sobre as discordancias dos datos e a actualización deste venres, o total acumulado de persoas afectadas polo brote da Mariña chegaría a 239, con 95 persoas xa de alta, mentres seguen tamén as probas nos brotes de localidades como Betanzos ou Vilalba. Mentres, o Ministerio de Sanidade notifica 10 novos diagnósticos en Galicia.