David Lombao

Aos 182 falecementos por coronavirus en Galicia reflectidos na estatística oficial de Sanidade ata este 5 de abril cómpre sumar outros 33 de persoas falecidas pola covid-19 en residencias de maiores, segundo aclarou este domingo Feijóo. Varios departamentos da Xunta ofreceron versións contrapostas ao respecto nos últimos días sobre a suma ou non dos datos de Política Social aos de Sanidade

Os positivos activos superan por primeira vez os 5.000, pero o ritmo de incremento segue apuntando a que Galicia comeza a aplanar a curva da pandemia

O adiamento das eleccións que se ían celebrar este 5 de abril deixou sen efecto a convocatoria electoral pero non a disolución do Parlamento, de aí a inédita situación institucional que vive o país. Na actual oposición existe o convencemento de que a maquinaria preelectoral do PP non está pechada por pandemia, mentres os populares ven a esquerda nunha "deriva irresponsable"

As residencias de maiores da compañía DomusVi acumulaban ata este 4 de abril 227 dos 554 casos positivos por coronavirus detectados nestes centros en Galicia, segundo a Xunta

O presidente do Goberno central subliña que o "esforzo colectivo" do confinamento dá "os primeiros resultados" e "salva vidas", pero cómpre "algo máis de tempo" para evitar un novo abrollo da pandemia máis "despiadado". Avanza ademais medidas para "desescalar" o confinamento, pero con "medidas de hixiene" adicionais ata que exista vacina para a covid-19

Os falecementos pola covid-19 incluídos na estatística do Sergas son xa 168 e os positivos activos chegan aos 4.926

Nunha carta remitida ao persoal coidador dos centros educativos, a conselleira pídelle "que vos convertades, vós tamén, en heroes" respondendo á "chamada de auxilio para reforzar o persoal da Consellería de Política Social". Nas últimas semanas, Xunta e Goberno central ditaron normas que permiten transvasar persoal doutros departamentos ás áreas implicadas na loita contra a pandemia

Tras indicar Política Social a existencia dun cómputo diferenciado e despois remitirse a Sanidade, Feijóo asegurou que a Xunta "computa todas" as mortes por coronavirus das que ten constancia a través do certificado de defunción, tamén no caso das residencias

A Garda Civil intercepta unha condutora na autovía A-6 á altura de Outeiro de Rei co coche cheo de equipaxe e intención de viaxar dende "o centro da Península" ata "a costa galega"

O balance deste 3 de abril reflicte 4.645 casos positivos activos en Galicia, o que supón un novo descenso no ritmo de aumento e tamén o cuarto día no que a suba é menor ao 10%

A evolución de positivos detectados modérase e medra por baixo do 8%, ata os 4.379; o número de altas son xa 333 e a área de Ourense sitúase como terceira en número total de casos por tras das de Vigo e da Coruña

O programa de axudas 'Reanima Lugo' diríxese especialmente a empresas que tivesen que pechar por mor do estado de alarma e persoas autónomas que perdesen ata un 75% da súa facturación