David Lombao

As probas PCR acadan un novo máximo e fan aflorar 169 casos novos; os positivos activos aumentan un 1,91% e chegan aos 6.416 nunha xornada con nove falecementos máis, tres de persoas que viviran en residencias de maiores. O groso dos novos positivos activos concéntrase na área sanitaria máis afectada, a de Ourense

Nesta segunda quincena de abril, mentres aumentan as probas realizadas, detéctanse en Galicia arredor dun cento de novos casos diarios. A finais de marzo, con menos probas, eran máis de 400 e os novos positivos equivalían a un terzo das PCR realizadas; nos últimos días esa proporción baixa do 3% 

PSdeG e BNG instan o Goberno galego a garantir o fornecemento universal de máscaras para evitar contaxios tras o confinamento e Galicia en Común reclama "consenso de país" para evitar rescisións de contratos como as padecidas por enfermeiras contratadas para traballar fronte á pandemia, despois rectificadas no que o Sergas sinalou como un erro

As 3.924 PCR rexistradas nas últimas vinte e catro horas son o maior incremento nun día e sáldanse con 114 positivos novos e unha suba dos activos do 1,5%, ata os 6.296; as persoas falecidas son xa 455 e o ritmo das altas redúcese, pero xa son 1.548

Tras a cordialidade que presidiu o adiamento das eleccións e os primeiros encontros entre líderes, esta semana Feijóo ratificou que só convocará á actual oposición cando considere que das conferencias con Sánchez sae algún "acordo". As críticas lanzadas dende San Caetano soben de ton e na esquerda aumentan as voces que instan a ter en conta que, se cadra, cómpre comezar a non dar por sentado que as eleccións vaian ser no outono

Galicia está nunha situación institucional inédita, co Parlamento disolto pola convocatoria das eleccións non celebradas pero cun Goberno que goza de plenas funcións. En resposta aos grupos parlamentarios, o servizo xurídico vén de emitir un informe no que ve claro que poden formular preguntas e solicitudes de documentación á Xunta a través da Deputación Permanente nesta situación excepcional

Os 58.000 test rápidos da covid-19, dos que o propio Feijóo receara, serán utilizados polo Sergas no que o presidente define como "o estudo epidemiolóxico máis grande que fixemos en Galicia". Serán citadas 101.000 persoas seleccionadas "aleatoriamente" a partir dunha mostra deseñada polo Instituto Galego de Estatística

Os positivos activos volven medrar por baixo do 1% e chegan a 6.142; son 57 positivos novos dos que case a metade volven proceder de residencias de maiores e dependentes. Os falecementos chegan a 415 tras rexistrarse dez máis e o descenso de persoas na UCI pola covid-19 acumula trece días á baixa

A disparidade responde a dous xeitos de presentar os mesmos datos: o Ministerio indica o total de casos acumulados e a Xunta distingue entre activos, falecementos e altas. As 95 persoas que figuran como falecidas nos datos do Sergas e non nos do Ministerio, que si as computa no total de casos acumulados, correspóndense cos falecementos nas residencias

Galicia rexistra 6.085 positivos activos, 66 máis dos que case o 50% proceden de residencias; os falecementos chegan a 405, un incremento de 14 persoas das que sete vivían en centros de maiores e dependentes. As altas seguen aumentando máis que os positivos activos e chegan xa ás 1.383

O concello lucense lanza xunto á asociación de hostalaría e a Federación de Comercio da cidade o proxecto 'Cos de sempre', un sitio web no que a veciñanza que o desexe poderá adquirir produtos ou servizos de pequenos comercios e locais hostaleiros para consumilos cando poidan reabrir tras a pandemia do coronavirus

Feijóo dá por "desactivada a fase aguda" da pandemia da covid-19 e sitúa o "pico" na contorna da primeira fin de semana de abril. A Xunta sinalara que prevía unhas 400 camas nos hospitais de campaña de Expocoruña e o Multiúsos Fontes do Sar; Galicia conta cunhas 7.000 camas públicas e arredor de 2.000 privadas