David Lombao

O actual presidente da Xunta debuxa ás forzas políticas un escenario practicamente idéntico ao trazado polo lehendakari vasco horas antes aos partidos de Euskadi, aínda sen data concreta. O PP resalta a intención de votar "canto antes" mentres PSdeG, Galicia en Común e BNG ven a Feijóo guiado só por "intereses electorais" e cren imprudente fixar os comicios en plena crise sanitaria

Aos 16 novos diagnósticos da covid-19 detectados mediante probas PCR engádese o reporte de 34 positivos en test de anticorpos. A Xunta segue manexando os "positivos activos" como principal indicador; quedan en 2.074 tras diminuír en 105 mentres as infeccións "resoltas", que o Sergas refire como "curacións", aumentan en 161. As persoas falecidas xa son 601 tras certificarse catro mortes máis

PSdeG, Galicia en Común e BNG censuran que Feijóo ratificase a súa intención de convocar as eleccións en xullo "pola TVG" mentres o Parlamento estaba reunido e consideran "irresponsable" e "unha temeridade" apostar por chamar xa ás urnas "en plena pandemia" 

Nun dos informes que manexa a Xunta para convocar as eleccións, o xefe de Enfermidades Infecciosas do CHUAC prevé un "pequeno" rebrote en "2-3 semanas" e estima o seguinte cara a finais de xullo por, entre outros motivos, o "comportamento da poboación" no desconfinamento

Feijóo afirma que quere convocar "axiña" para seguir as recomendacións dos informes sanitarios e cita os partidos para falalo este 14 de maio, a mesma xornada á que Urkullu emprazou os partidos vascos  o pasado 30 de abril para sinalar o día das súas eleccións. Ata os primeiros días de maio, Xunta e PP aseguraron non ter na "axenda" a data das eleccións e acusaron as formacións da esquerda de estar "obsesionadas" con ela

Os dez novos diagnósticos mediante proba PCR converten esta xornada na que rexistra unha evolución máis favorable da pandemia en Galicia ata o momento. A incidencia acumulada da covid-19 volve situarse por baixo da media estatal e os falecementos son dous máis, para un total de 597 no que o 45% seguen sendo residentes de centros de maiores

Gonzalo Caballero (PSdeG), Antón Gómez-Reino (Galicia en Común) e Ana Pontón (BNG) subliñan que cadansúas formacións veñen reiterando a petición de "transparencia" sobre os datos do coronavirus en Galicia. Coidan que o Goberno galego evita difundir a serie estatística completa para "construír un relato de falsa anticipación" e cre que a ausencia de datos completos resta ás forzas políticas e ao conxunto da sociedade "ferramentas" para analizar a pandemia e procurar solucións 

O Sergas comunicou 11 novos diagnósticos de covid-19 mediante probas PCR e 57 máis en test de anticorpos; o número de novos diagnósticos nun día é o menor en máis de dous meses. Os falececementos con coronavirus en Galicia chegan aos 595, dous máis; deles, 269 seguen sendo de persoas que viviran en residencias de maiores

A Xunta divulga a información do coronavirus con documentos de texto sen indicadores clave e non existe unha fonte pública de información completa e reutilizable, cunha opacidade só equiparable á de Extremadura. A maior parte das autonomías ofrece datos abertos e reutilizables sobre a covid-19 en cadanseus territorios, moitas delas con detalles ata o nivel municipal. Repasamos como é a información sobre a pandemia no resto do Estado

A emisión da entrevista devolveu a amizade de Feijóo e Dorado á axenda política, aínda que sen excesivo ruído. PSdeG, Galicia en Común e BNG ven ratificado que o actual presidente non dixo a verdade cando negou que fose amigo do contrabandista nos anos en que el ocupaba diversos cargos públicos, como a máxima responsabilidade no Servizo Galego de Saúde

Na última xornada abrollaron 27 novos positivos e por segunda xornada o número de falecementos aumenta en só unha persoa ata chegar ás 593. O enlentecemento da pandemia contrasta coas cifras de hospitalización, que experimentan o maior incremento porcentual en máis dun mes

Un total de 1.162 membros dos cadros de persoal dos centros sanitarios galegos están actualmente afectados pola covid-19, segundo admite a Xunta. Tendo en conta os 262 positivos entre profesionais de residencias de maiores e outros 417 de residentes, só un terzo dos casos activos da pandemia que contabiliza o Sergas son de persoas alleas a centros sanitarios ou de maiores