David Lombao

"Non lle cuspes nun ollo a quen ten que pactar contigo. Que é a policía do galego? Querer que se fale galego nas escolas? Daquela, eu son a policía do galego", afirma o ata agora coordinador de Cultura do PPdeG, quen abandona o cargo e a militancia no partido afirmando que o actual conselleiro de Cultura, Lingua e Xuventude "non é competente" nesas áreas pola súa falta de "preparación" nun momento de "emerxencia lingüística" que precisa de "altura de miras". A decisión de marchar, asegura, tomouna tras a recente mobilización de Queremos Galego e as reaccións ao respecto da Xunta e dos populares

Os populares dan en concretar pola vía das emendas á lei de acompañamento algunhas das características da futura taxa turística, que nacerá bonificada ao 100% e os concellos interesados poderán cobrar coa forma de "recarga". Ficarán fóra estadías por motivos de saúde ou competicións deportivas,  persoas menores de idade ou con discapacidade superior ao 65% ou os albergues do Xacobeo

O Parlamento conmemora o 80º aniversario do Consello de Galiza nun acto solemne que vén recoñecer a Castelao como primeiro presidente da autonomía política do país. "O Consello de Galiza non tiña nin sede, pero si un liderado incuestionable, un faro de galeguismo, democracia, honestidade e coherencia: o seu presidente", resalta o presidente do lexislativo galego, Miguel Santalices

Xunta e PP veñen incrementando a presión sobre a sala de cinco membros do TSXG que leva suspendidos cautelarmente algo máis de 60 parques eólicos e atribuíndo as decisións a un dos seus maxistrados, Luís Villares, polo seu pasado político. Nun "foro técnico" organizado polo Goberno galego, Ángeles Vázquez volve poñer o foco en Villares e "lamenta" que "declinase" o seu "convite" persoal para intervir no evento malia que implicaría abordar en público asuntos competencia da Sala do tribunal da que fai parte

Un bombeiro forestal da Brif de Laza comparte a súa experiencia intervindo en localidades afectadas polas riadas. Vén de chegar de retirar lama nun centro de ensino no que tras dous días de traballo, "acabamos vendo o chan". "Aquí decátaste da magnitude da traxedia" ao comprobar, exemplifica, como tras baleirar un local "dinche: este coche non é noso", chegou ao interior arrastrado polas augas.

O Goberno galego inicia a implantación dos "acordos de actividade" previstos na lei estatal e preséntaos politicamente como unha forma de distinguir as persoas anotadas no paro que "realmente queren traballar" e retirarlles prestacións ao resto. Tres de cada catro baixas nas listas do paro débense a colocacións sen oferta laboral chegada dende o Servizo Público de Emprego

Antes da creación da prestación estatal a Xunta destinaba 64 millóns anuais á súa renda de inclusión e agora achega apenas 40. A Risga pasou en catro anos de máis de 9.000 persoas beneficiarias a pouco máis de 5.000. Para que ambas axudas sexan compatibles cómpre unha reforma legal que a Xunta ten conxelada dende hai un cuatrienio

Pontón encadra o veto nunha "deriva antidemocrática" do PP e Besteiro advirte de que o PSdeG "explorará todas as vías legais posibles para garantir que a actuación da Xunta é investigada". O xefe do Executivo resolve que "en 13 anos non atoparon razóns para facerlle preguntas" sobre "estas cousas" e agrega que "xa vai para tres anos" que Feijóo "non é presidente"

A historiadora Conchi López detalla a complexidade de intervencións como a que o grupo Histagra realiza estes días no cemiterio naronés do Val, escenario dunha das maiores matanzas colectivas dos golpistas en Galicia, con medio cento vítimas, a maioría mariños fieis á II República cuxos corpos foron guindados a unha foxa común sobre a que tres décadas despois construíron nichos. Os labores, realizados ao abeiro do Plan Cuadrienal de Memoria Democrática, son necesariamente lentos nun contexto no que "o tempo sempre xoga na nosa contra", advirte

Os marcos paródicos e agresivos da facción dirixente e máis centralista do PP en materia lingüística baten cos pactos ofrecidos por perfís coma os do secretario xeral da Lingua para un novo Plan Xeral de Normalización ou o impulso á poboación neofalante. No choque albíscanse reflexos coma os observados na recente discusión pública entre a secretaria xeral do partido e o presidente do Parlamento

O TC atende parcialmente o recurso de Vox contra a modificación da lei de saúde impulsada polo PP galego en 2021, que tamén dera lugar a un contencioso da Xunta co Goberno de España que finalizara cun acordo. O tribunal argumenta que a lei galega incluíu restricións a liberdades como circulación ou reunión que só poden ser aplicadas mediante lei orgánica aprobada nas Cortes e non coa lexislación autonómica

"E chamábannos asasinos". A mobilización social pola xestión do naufraxio en 2002 ficaron na memoria do PP cun aquel de trauma político que, dende aquela, moitos dirixentes tiveron vontade de devolverlle á esquerda en canto puidesen. Un dos que albergou esa vontade foi, paradoxalmente, un dos máis beneficiados polos efectos políticos do acontecido daquela: Alberto Núñez Feijóo, cuxo discurso  ante as riadas de València ten ecos na súa estratexia fronte ao Goberno de coalición PSdeG-BNG durante a vaga de incendios de 2006, cando o PP lanzou a plataforma 'Sós contra o lume'