David Lombao

No primeiro día con máis de 4.000 probas PCR os novos casos da covid-19 detectados chegan a 184 e os positivos activos ascenden ata os 6.824, 120 máis que no día anterior; as altas chegan as 1.783 no primeiro día con incremento de persoas na UCI dende o 4 de abril. Os falecementos chegan a 509 tras rexistrar Sanidade once máis; deles, 8 eran persoas que viviran en residencias e os falecementos nestes centros xa superan o 46% do total

O lehendakari esgrime que prefire votar en xullo porque "o inicio do outono" pode "cadrar cun rebrote da epidemia"; Feijóo asegura que a data electoral segue sen estar "na axenda do Goberno" e as forzas da actual oposición galega reclaman priorizar a saúde pública e non limitarse a seguir ao líder vasco

O número de novas probas PCR diminúe nun punto e o avance de positivos activos modérase nunha proporción semellante; son agora 6.704 e os novos casos detectados, 117. O total de falecementos chega a 498, seis máis e tres deles, de persoas que viviran en residencias. O número de persoas hospitalizadas a causa da covid-19 en Galicia é o menor dende o 26 de marzo e as persoas illadas a domicilio son por primeira vez máis de 6.000

A xuíza de Compostela Ana López-Suevos vese abocada a arquivar a causa contra Conde Roa, membros do seu goberno, funcionarios e empresarios tras observar na instrución de Pilar de Lara un "conglomerado se información" sen "un criterio claro" e con descricións "absolutamente xenéricas" dos delitos, sen sequera "individualizar minimamente a imputación que se dirixe contra cada un dos investigados"

Os positivos activos aumentan un 1,58% e chegan aos 6.647 e as persoas falecidas a causa da pandemia en Galicia son xa 492, segundo o Sergas. A media de novos casos detectados ascende dende hai catro días e rolda os 160 e o número de persoas hospitalizadas a causa da covid-19 é o menor dende finais de marzo

O servizo vasco de saúde debía mercar o lote completo de máscaras e "contactou co Sergas, co Servizo Navarro de Saúde e coa Ertzaintza" para ofrecerlles comprar unha parte delas; no caso galego, o pactado foron 70.000. Sanidade destinou algo máis de 232.000 euros a esta compra, que Euskadi pechou o 2 de marzo

Tras a detección de 166 casos novos, o cómputo de positivos activos medra en 118 e queda en 6.534; os falecementos chegan a 475 con nove mortes máis, seis de persoas que viviran en residencias. Polo que sinala como "un erro na transmisión de datos", Sanidade indicou o pasado martes que incorporara 6.780 novas probas PCR cando en realidade eran 1.425 máis

As probas PCR acadan un novo máximo e fan aflorar 169 casos novos; os positivos activos aumentan un 1,91% e chegan aos 6.416 nunha xornada con nove falecementos máis, tres de persoas que viviran en residencias de maiores. O groso dos novos positivos activos concéntrase na área sanitaria máis afectada, a de Ourense

Nesta segunda quincena de abril, mentres aumentan as probas realizadas, detéctanse en Galicia arredor dun cento de novos casos diarios. A finais de marzo, con menos probas, eran máis de 400 e os novos positivos equivalían a un terzo das PCR realizadas; nos últimos días esa proporción baixa do 3% 

PSdeG e BNG instan o Goberno galego a garantir o fornecemento universal de máscaras para evitar contaxios tras o confinamento e Galicia en Común reclama "consenso de país" para evitar rescisións de contratos como as padecidas por enfermeiras contratadas para traballar fronte á pandemia, despois rectificadas no que o Sergas sinalou como un erro

As 3.924 PCR rexistradas nas últimas vinte e catro horas son o maior incremento nun día e sáldanse con 114 positivos novos e unha suba dos activos do 1,5%, ata os 6.296; as persoas falecidas son xa 455 e o ritmo das altas redúcese, pero xa son 1.548