David Lombao

A empresa propietaria do buque ten a obriga de presentar un plan concreto para desencallalo, pero antes debe retirar as arredor de 100 toneladas de combustible do 'Blue Star', que viaxaba sen carga. O Goberno central afirma que este martes 26 estarán en marcha os traballos para retirar o combustible, pero evita fixar prazos para o refrotamento do barco accidentado

Institucións impulsoras da campaña xúntanse en Lugo no acto simbólico de adhesión á iniciativa. A quinta edición da iniciativa pon o foco na educación, por factores como "o aumento da vulnerabilidade fronte á violencia de xénero das mulleres en idades cada vez máis temperás"

Os orzamentos indican que Agadic vai investir 400.000 euros menos no CDG, o CCG e o CGAI en 2020, pero a Xunta matiza que os cartos que faltan chegarán do Xacobeo tras protestas do sector

De 10.350 millóns de euros inxectados para rescatar a entidade resultante da fusión de Caixa Galicia e Caixanova apenas foron recuperados 1.000 coa súa venda e o Banco de España xa dá o resto por perdidos. Os fondos do conxunto do rescate financeiro que non van ser recuperados superan os 65.000 millóns, segundo os últimos cálculos do regulador

Os seis Executivos reclaman na 'Declaración de Bilbao' "pasos efectivos" do Goberno central como concienciar o conxunto da cidadanía "da esencial realidade multilingüe do Estado" e acordan recoñecer a Guadi Galego polo seu disco 'Immersión', con pezas cantadas en todos os idiomas da península ibérica

O Goberno galego participou na xuntanza na que o PP anunciou unha ofensiva "política e xurídica" na defensa da escola concertada. Na vixente orde de concertos, ditada en 2017, a Xunta ampliounos todos a seis anos aínda que a LOMCE obrigaba a facelo só en Primaria, polo que se manterán durante toda a vindeira lexislatura galega

Ante o chamamento doutras forzas soberanistas a coordinaren o sentido do voto na investidura, Rego advirte de que a decisión dependerá "exclusivamente dos intereses do noso país"

O ex-presidente andaluz José Antonio Griñán é condenado a seis anos de prisión e o seu antecesor, Manuel Chaves, a nove de inhabilitación, nunha sentenza que atinxe a ata 19 persoas. A dirección do PSOE subliña que "cando sucederon estes feitos, ao máximo que chegara Pedro Sánchez foi a ser concelleiro da oposición no Concello de Madrid" e sinala que "ningún dos acusados ocupa ningún cargo, todos abandonaron"

O Concello lucense reclama que o Goberno galego cumpra a promesa de instalar no vello Cuartel de San Fernando o Museo da Romanización de Galicia, para o que o Executivo de Feijóo chegou a anunciar 10 millóns de euros no ano 2010. O tirapuxa político sobre o edificio remóntase ao fraguismo, cando o consistorio xa esixía a Feijóo, daquela conselleiro, o cumprimento das promesas pendentes

O último presidente da CEG durou un ano no cargo e o seu antecesor, dez meses. Mentres segue sumida na precariedade institucional e económica, a patronal manifesta "esperanza" de que o pacto de PSOE e UP fracase e reclama "celeridade" na formación dun goberno "estable e moderado"

A alcaldía burelá seguirá sendo para o socialista Alfredo Llano, que avanza a súa intención de procurar un pacto de goberno co Bloque. O PP lucense interpreta que "os veciños comprenderon que a solución dos problemas de Burela non virá da man do PSOE" e o PSdeG retruca que continúan como primeira forza mentres os populares obtiveron "o peor resultado da súa historia" na vila

Esta semana Feijóo recuperou o adxectivo que empregara para descualificar a Jácome, a quen acabou dando o goberno, para cargar contra o pacto do PSOE con Unidas Podemos, os "comunistas". Na esquerda galega esténdese o convencemento de que o futuro do pacto PSOE-UP será crucial para o escenario electoral galego de 2020, que o PPdeG xa prepara