David Lombao
Endesa admite que non atende en galego e atribúeo á escaseza de clientela que o pide
Tras negar a atención a unha reclamación en lingua galega a antiga compañía eléctrica pública liga a razóns do "volume de clientes" que Endesa non atenda en galego pero si o faga en castelán, catalán e inglés
Sanidade afirma que os seus convenios cunha multinacional americana "son públicos", pero divulga só unha parte
Os detalles concretos dos acordos do Sergas con Medtrónic debúllanse nos anexos dos convenios, que a Xunta tivo que entregar a unha asociación de pacientes tras a intervención de Transparencia, pero non divulgou para a cidadanía en xeral
O xuíz cita como investigados os cargos da Xunta acusados pola Fiscalía de acoso inmobiliario a unha anciá
A muller, a piques de facer 93 anos, tivo que trasladarse a un hotel tras romper a cadeira e non poder acceder ao piso ao non funcionar o ascensor. Feijóo saíu na defensa dos cargos imputados por estaren "traballando para recuperar un ben de patrimonio da comunidade autónoma"
A CRTVG arquiva o expediente á xornalista que criticou ante Feijóo o control informativo nos medios públicos
A dirección dos medios públicos pecha o proceso sancionador contra Tati Moyano entre críticas á vaga de solidariedade coa xornalista, que encadra nun "xuízo mediático e político". Cinco días despois da gala contra o cancro na que a xornalista aludiu ás protestas dos venres negros expedientárona esgrimindo "indicios" de que se maquillara na TVG para presentala
Os adultos tutelados pola Xunta achéganse aos 3.500 e as persoas que os atenden seguirán sendo 23
Dende 2011 o número de persoas baixo tutela pública por estaren incapacitadas xudicialmente ascendeu un 85%, ata as 3.351 no último ano completo. A Xunta asume nos Orzamentos de 2019 que o número non vai "deixar de medrar" e afirma que prevé ofrecerlles máis e mellor servizo sen aumentar persoal
Indignación dos pediatras coa reforma da Xunta que os desprazará entre hospitais e centros de saúde
A Xunta crea a categoría do "pediatra de área", desprazable entre hospitais e centros de saúde, dentro da lei anexa aos orzamentos que modifica dun golpe máis dunha vintena de normativas dispares. "Vai poñer en perigo o modelo asistencial actual, que persegue que cada neno sexa sempre atendido por un pediatra", alertan
A mobilización de traballadoras de Inditex non cesa: "Non gastan un peso na nosa seguridade"
Un ano despois da exitosa folga en Bershka de Pontevedra, traballadoras de Lefties e Oysho na provincia da Coruña mobilízanse para reivindicar melloras en seguridade laboral e máis persoal ante a elevada carga de traballo
Ana Pontón: "Galiza precisa un cambio por hixiene democrática e o BNG está en condicións de lideralo"
ENTREVISTA A portavoz nacional do BNG asegura percibir "unha corrente de ilusión" en torno á "nova etapa" da organización que lidera fronte a un "Goberno esgotado" que contribúe a que "nos grandes temas, Galiza estea desaparecida"
Clamor unitario na Coruña contra o peche de Alcoa
CON VÍDEO Catro anos despois milleiros de persoas volven encher o centro da Coruña para esixir que a multinacional estadounidense non peche a súa factoría e reclamar estabilidade no marco eléctrico. O comité de empresa contou co apoio de todas as principais forzas políticas e sindicais
O pago da débeda absorbe a metade da suba do orzamento da Xunta ao aumentar un 40%
INTERACTIVO A segunda área de xestión do Goberno galego que máis sobe entre 2018 e 2019 é sanidade, que volve ter máis recursos que en 2009, e a terceira é educación, que segue un chisco por baixo dos fondos de hai unha década
Feijóo nega acoso inmobiliario da Xunta a unha anciá en Ourense e esixe "respecto" para os cargos querelados
"Coñezo os funcionarios, traballei na dirección xeral de Patrimonio e sei perfectamente que teñen absoluto rigor; son honorables e vounos defender", defende o presidente ante a acusación do fiscal, que atribúe aos dous cargos de Facenda un presunto delito de coaccións inmobiliarias
Mulleres con cancro de mama roldan o 90% de supervivencia e piden paliar a súa "desprotección" socioeconómica
DÍA CONTRA O CANCRO DE MAMA Entre as mulleres galegas que padecen cancro de mama e participaron no programa de detección precoz a taxa de supervivencia aos cinco anos achégase ao 95%. A galega Beatriz Figueroa tornou en símbolo da loita pola "supervivencia digna" das pacientes oncolóxicas