David Lombao

Máis de 400 sinaturas piden o arquivo do expediente a Carlos Jiménez, que enmarca a posible sanción nun intento por reprimir as protestas. No mesmo día a xornalista Ana Pérez anuncia o seu adeus aos labores de presentadora: "O fácil sería pensar que é unha represalia, pero sería arrogarme unha importancia que non me corresponde e unha decisión tan burda que prefiro pensar que ninguén xuizoso tomaría"

A Axencia Tributaria divulga os datos das rendas por barrios das cidades máis poboadas. Segundo os datos de Facenda a renda media máis alta entre os barrios da Coruña e Vigo sitúase na área coruñesa de Juan Flórez, o 15004, cuns 35.400 euros anuais

O Tribunal Superior anula a instancias da CIG os servizos mínimos do 100% na folga da central de chamadas do 061, que a Xunta xustificara argumentando que a ausencia de persoal puña en risco vidas da poboación

A Asociación de Pacientes e Usuarios do Clínico de Santiago cre que a doutora Nercellas, que levou á Fiscalía os dous falecementos, padece "un linchamento institucional por esixir responsabilidades a quen poñen en perigo a vida dos pacientes"

O presidente acudiu á comisión sobre os recortes na sanidade para denunciar o que considera unha "premeditada descualificación global" do Sergas por parte da esquerda para "destruír" o sistema sanitario público

O investimento estatal en Galicia tocou teito cando cadraron os fondos para da alta velocidade do Eixo Atlantico e a Madrid. Tras a caída do 19% previsto nas primeiras contas de Sánchez o PSOE insta a ollar o perfil "social" das contas, que En Marea asegura que non apoiará sen incrementos. O PP teoriza que os fondos que perde Galicia van ao "separatismo" catalán e o BNG ve constatada a "inutilidade das forzas estatais"

A proximidade de remate do AVE fai que os investimentos previstos para Galicia volvan caer, pasando de 936 millóns en 2018 aos 757 de 2019, un 19% menos. Fronte á caída do Ministerio de Fomento aumentan as partidas de Transición Ecolóxica con proxectos como a rexeneración da ría do Burgo

Feijóo únese as mensaxes de celebración polos acordos postelectorais do PP en Andalucía sen a candidatura máis votada, o mesmo que durante anos supuña, ao seu xuízo, "reinterpretar nos despachos o que din os cidadáns nas urnas"

A sentenza que obriga ao Concello compostelán a indemnizar con 620.000 euros a unha empresa de Véndex tras a anulación en 2015 da adxudicación da ORA no ano 2012 reabre na cidade a controversia sobre o impacto económico destes ditames xudiciais. O goberno local subliña que a orixe do pagamento está na "adxudicación irregular xa advertida" en 2012 e a oposición atribúeo a unha mala xestión da municipalización do servizo

O intercambio de investigacións será o inicio da colaboración entre as institucións galega e brasileira, que o presidente da RAG encadra no "territorio cheo de posibilidades para o galego" que é "a familia na que están os irmáns de Portugal, do Brasil, de Angola, Cabo Verde, Mozambique..."

Tras dous meses de folga co 100% dos servizos mínimos e en vésperas de votar a proposta do Sergas o persoal das Urxencias do CHUS reitera que "non pide cartos", senón o "mínimo necesario" para unha atención "digna" 

O voceiro de En Marea ve "unha irresponsabilidade" a posible ruptura da formación nun momento no que "teríamos que estar falando de alternativas políticas para o noso país" mentres a auditoría encargada por Podemos Galicia di detectar "deficiencias" no proceso das eleccións internas