David Lombao

Unha de cada cinco persoas séntense soas en Galicia e o 15% da poboación está nesa situación dende hai máis de dous anos, segundo un estudo do Observatorio Estatal da Soidade non Desexada. A poboación considera que as ONG son as entidades que máis fan por combater este problema, pero cren que a principal responsable debería ser a Xunta

A investigación activada polo Bloque centrarase no sobrecusto do hospital de Vigo certificado polo Consello de Contas, nos contratos da Xunta con Eulen e nas adxudicacións de emerxencia na COVID. Os seus 25 escanos permítenlle utilizar un mecanismo parlamentario no que, así e todo, comparecentes, documentación e conclusións dependen do que vote a maioría absoluta. Así o acredita o único antecedente, no que o PP boicoteou unha investigación sobre os recortes sanitarios que, así e todo, logrou notable eco

O secretario xeral do PSdeG exemplifica co gasto dos libros dunha estudante de 6º de Primaria e doutra de 3º a ESO os "malabarismos" económicos das familias galegas no inicio do curso pola ausencia da gratuidade dos manuais, que reivindica como "modelo socialista"

Tras "anunciar a gratuidade das matrículas universitarias, supoño que o PP deixará as escusas e asumirá a gratuidade dos libros de texto que reclama o BNG", sinala a portavoz nacional do Bloque nun encontro con nais e pais no que pon o foco nas carencias para a atención de alumnado con necesidades educativas especiais

O curso 24-25 é o primeiro no que rexe a subvención da Xunta do 99% para a primeira matrícula universitaria, con requisitos académicos pero "independente do nivel de renda". Mentres, négase a implantar os libros de texto públicos porque "os fillos e fillas de altos ingresos" terían "a mesma axuda que as de poucos recursos" esgrime o conselleiro. Asociacións de nais e pais reiteran a crítica a este esforzo económico por parte das familias, "contrario ao mandato constitucional" mentres aflora a crítica a que os manuais sigan estando no centro do sistema educativo

As dúbidas sementadas polo PP sobre a muller e o irmán de Pedro Sánchez son contestadas desde PSOE e BNG con esixencia de explicacións sobre as relacións coa Xunta da irmá, a curmá, a parella e o cuñado do ex-presidente galego

Os datos do imposto de patrimonio correspondentes a 2022 reflicte que as rendas máis altas de Galicia terían que pagar máis de 92 millóns pero, grazas ao 25% de desconto aprobado polo Goberno de Feijóo, a cifra quedou en menos de 70. Os máis ricos entre os ricos son apenas 700 persoas que acumulan máis de 44.000 millóns en bens, tres cuartas partes do total suxeito ao imposto de patrimonio en Galicia

Os populares reeditan, a conta do informe do CCG sobre Altri, posturas ensaiadas tras retornaren á Xunta en 2009, cando racharon tabús como cargar abertamente contra a RAG ou o propio CCG por opoñérense ao seu decreto lingüístico. "Que fai un órgano especializado na cultura valorando unha instalación industrial", cuestionan, reducindo as persoas expertas que o elaboraron a membros da "órbita do BNG"

Unha decena de persoas expertas elaboran para o CCG un documento tan amplo coma crítico sobre a fábrica de celulosa que Altri promove da man da Xunta e Greenalia. Estima que xeraría uns 550 empregos na economía galega, 281 directos, cifras "moi inferiores ás anunciadas" pola compañía, que fala de medio milleiro directos e uns 2.000 indirectos. Advirte de que "non sería posible abastecer a nova planta sen incrementar substancialmente a área ocupada por plantacións de eucalipto en Galicia" ou, no seu defecto, sen importar madeira

Os socialistas procuran encarreirarse de vez pola vía ordinaria tras década e media de interinidades e présas electorais nun congreso marcado polo conclave federal do vindeiro outono e no que Besteiro procurará asentar un liderado cara ao medio prazo

A diferenza entre a media mensual de cotizantes á Seguridade Social e o derradeiro día do mes reduciuse a apenas 3.000 persoas en agosto. O total queda nuns 1,092 millóns, o que implica seguir nas maiores cifras dende o estoupido da crise de 2008. Mentres, as inscricións nas oficinas de emprego soben apenas un 0,54% e o paro rexistrado queda un 7,08% por baixo do de hai un ano

As dúas subas do canon de Sogama disparan o 'recibo' do lixo da Xunta aos concellos un 60%. Na liña do marcado pola UE para fomentar a reciclaxe, a normativa estatal grava dende 2023 con novos impostos a incineración do lixo, clave do modelo de Sogama, que queima máis da metade dos refugallos urbanos que recibe para xerar electricidade da man de Naturgy