David Lombao

David Lombao

Xornalista galego. De Lugo. Traballei e aprendín na Cadena SER, Radio Voz e Xornal de Galicia. Director de Praza.gal. 

@davidlombao.bsky.social

  • Lingua, a prol dunha canle de TVE en galego

    "Vimos de ver como Televisión Española firmou un convenio coa Generalitat para a creación dun canal xeneralista en catalán e vemos significativo que este compromiso se estenda a todas as linguas oficiais", salienta Valentín García na constitución do novo Consello das Linguas Oficiais do Estado, onde a RAG tamén reclama que "se axilice a incorporación do galego" a RTVE, especialmente na canle infantil, e o delegado do Goberno de España en Galicia pide á Xunta "máis implicación e ambición nas políticas lingüísticas"

  • Rueda ve "correcta" a dimisión de Mazón, Pontón e Besteiro lembran un ano de aplausos

    O presidente da Xunta e do PPdeG di sentir mágoa por que non se estenda o "exemplo" do aínda titular da Generalitat valenciana entre "algúns" que "teñen moitas responsabilidades" nas consecuencias das riadas. "A dimisión chega un ano tarde e demostra a cara máis escura, indecente e inmoral do PP de Feijóo", coida a portavoz nacional do BNG; o líder do PSdeG censura que a "dimisión en diferido" de Mazón, "un caradura e un sinvergüenza", chegue mentres "aínda non deu explicacións"

  • "Asustados"

    Dende a súa obvia hexemonía e fortaleza, o PPdeG tende a inscribir o seu discurso no das dereitas internacionais nos que ricos e poderosos dan en presentarse como obxecto de persecución dunha suposta 'ditadura progre', neste caso afirmando estaren asustados por un BNG ao que volven ligar coa violencia

  • Maruja Mallo, recoñecida polo Estado como vítima da represión do golpe e da ditadura

    A gran vangardista galega tivo que exiliarse por tres décadas tras as cales, ao seu regreso, o franquismo procurou ocultar a súa obra. Pedro Sánchez entrega para a pintora e o seu irmán, Cristino, a 'Declaración de reparación e recoñecemento' ao abeiro da Lei de Memoria que en anos previos recibiron Alexandre Bóveda, Castelao ou Alonso Montero no acto oficial ao que Feijóo continúa negándose a asistir

  • O PP xustificou as mocións de censura en Ribeira e Outes con textos case idénticos

    Malia esgrimiren motivos locais contra os gobernos que encabezaban o BNG e Compromiso, a redacción coa que fundamentou oficialmente a censura en Ribeira é practicamente igual á presentada oito meses antes en Outes. Parágrafos idénticos nos que só mudan referencias ao nome da vila, o seu número de habitantes ou as persoas que ocupan os cargos combínanse con outros con pequenas engádegas ou expresións reformuladas.

  • Campaña do PP contra a Universidade da Coruña

    Unha semana despois do izado da bandeira palestina na Reitoría da UDC "en sinal de repulsa contra o xenocidio perpetrado en Gaza", os populares intensifican a ofensiva contra o equipo de goberno da institución académica por colocárena nos mastros que habitualmente ocupa a bandeira de España. O PPdeG evidencia que a súa escalada fronte ao reitor Ricardo Cao ten o conflito por Medicina como pano de fondo

  • Cen anos do Congreso de Economía Galega: "Posuímos no país unha riqueza enorme"

    Lugo evoca o encontro de "visionarios" que, hai agora un século, se xuntaron na cidade para abordar melloras agrarias, gandeiras, industriais e políticas para Galicia. Relatorios sobre galeguismo empresarial, a economía galega actual ou a innovación no agro e a gandaría centraron un acto de recordo que tamén serviu para homenaxear a figura do empresario e filántropo galeguista Álvaro Gil

  • O TSXG anula un eólico en Mazaricos na primeira sentenza tras o aval europeo aos prazos para tramitalos

    Ao contrario do sinalado nalgúns ámbitos políticos, económicos e mediáticos, o aval do Tribunal da UE aos prazos para tramitar os parques non implicou desbloquear automaticamente os recorridos na Xustiza galega. O TSXG sentencia que o parque A Ruña III debeu ser obxecto dunha avaliación ambiental conxunta coa liña eléctrica de evacuación que ía utilizar e que contemplase os seus posibles danos en espazos naturais

  • A Xunta elimina os sindicatos dos tribunais de oposición dos seus letrados

    O Goberno galego aproveita o trámite dos Orzamentos de 2026 para inserir a undécima reforma do Regulamento da Asesoría Xurídica, aprobado en tempos de Fraga, e cancela a persoa licenciada en Dereito proposta polos sindicatos que era parte do órgano que organiza e avalía os procesos selectivos neste corpo. Substitúea por un membro da escala de finanzas designado pola Consellería de Facenda

  • A Xunta expulsa BNG, PSdeG e o Goberno de España do Consello Galego de Estatística

    O Executivo galego aproveita o trámite dos Orzamentos de 2026 para modificar a lei de estatística aprobada hai apenas un ano, que mantivo a representación dos grupos parlamentarios no máximo órgano consultivo na materia, introducida polo gabinete de Feijóo en 2011. Adapta o Consello a que o IGE agora depende de Presidencia e non de Facenda e, ao tempo, cancela a representación parlamentaria e estatal e aumenta as "persoas de relevancia profesional" que pode designar directamente a propia Xunta