Caixa Rural Galega dispara os beneficios un 40% e bate outro récord de ganancias, crédito e persoal
Os beneficios da entidade lucense acadan os 8,9 millóns impulsados polo aumento dos tipos de xuro ata a contorna dun 3% que considera como "o escenario normal". Os depósitos medran case un 14% e superan por primeira vez os 1.700 millóns e o crédito aumenta case un 7%, ata os 800 millóns, coa morosidade contida por baixo do 3%. O cadro de persoal supera por primeira vez os 160 efectivos e as persoas socias cruzan a barreira das 20.000 tras aumentar por oitavo exercicio consecutivo
O exceso de velocidade de Baltar e os audios comprometedores de Jácome axitan a batalla do 28M en Ourense
En vésperas da comparecencia do 'barón' do PP ourensán ante a Xustiza polo seu presunto delito contra a seguridade viaria, 'La Región' publica gravacións que amosan a Jácome tentando que funcionarios municipais asuman unha multa de tráfico e "admitindo que xestiona diñeiro negro e se gaba de saber branquealo" , destaca o xornal
- Crónica
- Política
Besteiro no atril de San Caetano
A intendencia do gabinete de Rueda propiciou unha imaxe significativa tras o primeiro encontro institucional do presidente da Xunta co delegado gobernamental: Besteiro intervindo dende o atril da Presidencia empregado en innumerables ocasións por Feijóo. Os ruxerruxes foron inevitables. Mesmo as chanzas sobre se acudir para practicar para un futuro da política galega que non está escrito. O que cada vez máis ven xa practicamente escrito é o nome de Besteiro no cartel electoral do PSdeG
- Datos
- Política
As oficinas de emprego logran apenas o 1% das colocacións mentres a Xunta sinala a poboación parada que desbota ofertas
"Tras a realización do seguimento personalizado será posible iniciar expedientes que poderían poñer en risco as prestacións vencelladas ao emprego que reciba esa persoa", advertiu a Xunta ao presentar o 'Programa de seguimento intensivo da demanda de emprego'. As baixas de demandantes por atopar traballo son maioría, pero o 99% desas colocacións son ofertas que non chegaron dende o Servizo Público de Emprego
Baltar xa non responde por ir a 215 km/h e PSdeG e BNG apelan ao electorado do PP ourensán para desaloxalo
No pleno extraordinario forzado polo PSdeG para pedir máis explicacións pola infracción do presidente da Deputación ourensá aos mandos do coche oficial e esixirlle a dimisión, o voceiro do PP ve todas as preguntas "respondidas" e socialistas e nacionalistas advírteno de que defenderen a Baltar xa os "prexudica" ante a cita electoral do 28M: "Votar a calquera candidato do PP de Ourense implica apoiar este xeito de conducir a institución"
- Interactivo Recuperación tras a COVID
- Política
Política social, turismo, sanidade: radiografía de mil millóns de fondos europeos transferidos polo Estado á Xunta
O informe do Consello de Contas que detecta eivas de transparencia na xestión dos fondos europeos de recuperación que recibe a Xunta permite obter unha radiografía dos destinos asignados a eses cartos ata febreiro de 2022
- Crónica Cara ao 28M
- Política
Outro coche oficial crúzase en campaña ante Feijóo e Rueda catorce anos despois
O actual presidente e o seu antecesor e agora líder estatal do PP basearan parte da súa oposición a PSdeG e BNG en acusacións dun suposto desbalde e gusto polo "súper luxo" nos coches oficiais. Agora a cuestión non é a mera existencia do coche oficial e un suposto "luxo" por usalo, senón que Baltar conduce un deles a 215 quilómetros por hora. Se fose condenado a prisión pasaría a ser electoralmente inelixible. Se a condena fose outra, en todo caso, deixaría nunha posición delicada á dirección estatal do PP que agora encabeza Feijóo
Baltar négase a dimitir, admite dúas multas máis e reitera que conduciu o coche oficial a 215 km/h por "despiste"
"Non", respondeu o presidente da Deputación e do PP de Ourense á pregunta de se dimitirá por este caso. A viaxe, afirma, debeuse a que tiña "varios encontros de xestión ordinaria como presidente" en Madrid, se ben non "pernoctou" nesa cidade. O 'barón' ourensán di que tivo outras dúas multas no coche da Deputación como presidente e nega que unha delas fose a imposta por circular a 157 km/h na N-120 entre Monforte e Pantón, viaxe na que "o xefe do parque móbil", mantén, non puido "identificar" con "certeza" quen conducía
Galicia superou as 50.000 hectáreas ardidas en 2022, a metade nos dous grandes incendios do Courel e Valdeorras
Case o 60% da superficie ardida en Galicia na última década estivo afectada por grandes incendios forestais, os que superan as 500 hectáreas. Os datos do Pladiga 2023 amosan que o ano pasado a superficie ardida aumentou máis dun 1.700% mentres que o número de focos foi un 80% superior ao de 2021
O PP suspendeu ao chegar á Xunta un plan para construír 37.000 vivendas protexidas que lle quedara feito
O Plan Sectorial de Solo Residencial foi aprobado polo Goberno PSdeG-BNG en 2008, xusto antes do estourido da crise. O Goberno de Feijóo prometeu "reformulalo na súa integridade" e nunca chegou a aplicalo. No período en que estaba previsto despregalo acabaron construíndose en Galicia unhas 70.000 novas vivendas, unha de cada dez protexidas
Baltar di que conduciu a 215 por hora por "despiste" e Rueda eloxia as súas desculpas
A Garda Civil xa remitiu ao xulgado da Pobra de Seabra o atestado sobre o exceso de velocidade do presidente da Deputación de Ourense, que atribúe o seu "erro illado" a que circulaba por "unha longa recta (...) sen referencias". Segundo as medicións definitivas dos axentes, Baltar superaba o limiar do delito contra a seguridade viaria por exceder en 80 km/h o límite permitido. O presidente da Xunta ve "moi importantes" as "desculpas" do barón ourensán, que segundo varias informacións xa fora multado varias veces por exceso de velocidade a bordo do coche da Deputación
O Tribunal da UE advirte de que prórrogas como a de Ence deben saír a concurso público
Na sentenza sobre unha prórroga de concesións de terreos costeiros en Italia, o TSXUE advirte de que a Directiva de Servizos de 2006 "impón" a "obriga" de que sexan adxudicadas con "selección imparcial e transparente" e non directamente. "Toda Administración ten a obriga" de facelo e, advirte, deben "deixar inaplicadas" as normas estatais que dispoñan o contrario. A Comisión Europea ten aberto un procedemento de infracción contra España por non garantir "seleccións aberta, transparente e imparcial" no litoral para, entre outras, "empresas papeleiras"