David Lombao

Un exercicio de política-ficción aplicando os resultados das eleccións de 2023 ao concello fusionado mantería o Bloque con 6 edís á fronte dunha maioría de esquerdas que tería 15 fronte a 12 do PP. Se na fusión participase tamén Ames, os resultados permitirían ao PSdeG ter o bastón de mando

O 88% dos bens suxeitos en Galicia ao imposto de patrimonio, que só pagan as 8.600 persoas máis ricas, son participacións empresariais e outros bens financeiros. Os "bens suntuarios" como xoias, peles, coches, barcos ou pezas de arte son unha pequena pero significativa parte deste patrimonio. Suman case 270 millóns, un 72% máis que antes da pandemia

No imaxinario político galego e na limitada esfera pública onde se proxecta os evidentes problemas no tren veñen sendo personificados no ministro de Transportes. Mentres, as esixencias de responsabilidades polas sucesivas deficiencias nos buses interurbanos semellan máis diluídas e o debate social e político ao respecto segue, en boa medida, protagonizado polo AVE coa Meseta e a autoestrada AP-9

Unha década despois de impulsar as unións de Oza con Cesuras e Cerdedo con Cotobade, o 19 de setembro verá a luz o estudo encargado polo Goberno galego hai tres anos no marco da súa aposta por impulsar outras. O documento simula os efectos económicos de sete unións, coa de Santiago con Teo como a máis relevante en canto a poboación, seguida dunha proposta para fusionar toda a comarca do Deza

"Espero que non vete ningunha comparecencia, empezando pola súa e seguindo pola do señor Feijóo", incidiu Pontón ante Rueda en vésperas de rexistrar a comisión de investigación sobre os contratos da Xunta e o sobrecusto do hospital de Vigo. Como presidente, Feijóo xa compareceu dúas veces ante comisións de investigación, nas que derivou a PSdeG, BNG ou En Marea responsabilidades sobre a sanidade ou a fracasada fusión das caixas

Unha de cada cinco persoas séntense soas en Galicia e o 15% da poboación está nesa situación dende hai máis de dous anos, segundo un estudo do Observatorio Estatal da Soidade non Desexada. A poboación considera que as ONG son as entidades que máis fan por combater este problema, pero cren que a principal responsable debería ser a Xunta

A investigación activada polo Bloque centrarase no sobrecusto do hospital de Vigo certificado polo Consello de Contas, nos contratos da Xunta con Eulen e nas adxudicacións de emerxencia na COVID. Os seus 25 escanos permítenlle utilizar un mecanismo parlamentario no que, así e todo, comparecentes, documentación e conclusións dependen do que vote a maioría absoluta. Así o acredita o único antecedente, no que o PP boicoteou unha investigación sobre os recortes sanitarios que, así e todo, logrou notable eco

O secretario xeral do PSdeG exemplifica co gasto dos libros dunha estudante de 6º de Primaria e doutra de 3º a ESO os "malabarismos" económicos das familias galegas no inicio do curso pola ausencia da gratuidade dos manuais, que reivindica como "modelo socialista"

Tras "anunciar a gratuidade das matrículas universitarias, supoño que o PP deixará as escusas e asumirá a gratuidade dos libros de texto que reclama o BNG", sinala a portavoz nacional do Bloque nun encontro con nais e pais no que pon o foco nas carencias para a atención de alumnado con necesidades educativas especiais

O curso 24-25 é o primeiro no que rexe a subvención da Xunta do 99% para a primeira matrícula universitaria, con requisitos académicos pero "independente do nivel de renda". Mentres, négase a implantar os libros de texto públicos porque "os fillos e fillas de altos ingresos" terían "a mesma axuda que as de poucos recursos" esgrime o conselleiro. Asociacións de nais e pais reiteran a crítica a este esforzo económico por parte das familias, "contrario ao mandato constitucional" mentres aflora a crítica a que os manuais sigan estando no centro do sistema educativo

As dúbidas sementadas polo PP sobre a muller e o irmán de Pedro Sánchez son contestadas desde PSOE e BNG con esixencia de explicacións sobre as relacións coa Xunta da irmá, a curmá, a parella e o cuñado do ex-presidente galego

Os datos do imposto de patrimonio correspondentes a 2022 reflicte que as rendas máis altas de Galicia terían que pagar máis de 92 millóns pero, grazas ao 25% de desconto aprobado polo Goberno de Feijóo, a cifra quedou en menos de 70. Os máis ricos entre os ricos son apenas 700 persoas que acumulan máis de 44.000 millóns en bens, tres cuartas partes do total suxeito ao imposto de patrimonio en Galicia