As Mercedarias gábanse do seu "entrañable" trato ás mulleres presuntamente retidas
As monxas do convento compostelán rachan o seu silencio para acusar sutilmente a prensa e institucións de mentir. Salientan, nun comunicado, que unha das mulleres de orixe india que abandonou o convento chegou a ter cargos de responsabilidade nel.
O PP mantén o aval a Baltar para recuncar como líder provincial
A dirección dos conservadores galegos aférrase ao anunciado recurso da fiscalía para evitar promover a marcha do barón ourensán. Se nunha semana non se presenta ningunha candidatura alternativa, o actual presidente será o único candidato no congreso.
O BNG aborda o seu debate decisivo
O Bloque xunta este sábado o seu Consello Nacional para debater os relatorios nos que se baseará o seu proceso asemblear, así como os votos particulares e emendas presentadas. A "reformulación" ou "refundación" do proxecto, as liñas estratéxicas, a política de alianzas ou o funcionamento interno estarán sobre a mesa.
Baltar prevé ser reelixido no PP de Ourense cinco días antes de declarar ante a xuíza
O barón ourensán evita nunha decena de ocasións responder á prensa sobre a súa citación como investigado na denuncia de emprego por sexo. Os críticos dispoñen dunha semana para tentar formular unha candidatura alternativa á baltarista.
Baltar, imputado por suborno na denuncia de traballo por sexo
A xuíza cita o barón ourensán e á muller que o denunciou en calidade de investigados por un presunto delito de suborno.
A Xunta non actualiza dende abril o rexistro de convenios obrigado pola lei de transparencia
A Xunta admite o freo na información e atribúeo á falta de persoal mentres segue sen publicar no DOG a nova lei de transparencia, aprobada polo Parlamento o pasado decembro.
As Mercedarias: de rescatar prisioneiros a protagonizar as noticias
A investigación pola suposta retención ilegal de tres monxas devolve á actualidade o compostelán convento das Mercedarias, que xa estivera no foco mediático durante o escándalo do Códice Calixtino.
Feijóo evita aclarar os seus vínculos coa trama Zeta: "Os meus amigos son os intereses de Galicia"
O presidente da Xunta esquiva de novo as preguntas sobre as súas ligazóns con Pachi de Lucas, presunto 'conseguidor' da rede, e tenta unha vez máis poñer o foco do caso sobre o goberno bipartito.
Santalices: un veterano baltarista como segunda autoridade de Galicia
O deputado ourensán toma posesión como presidente do Parlamento cunha declaración de "amor" á Cámara, na que leva cinco lexislaturas durante as que estivo da cerna dalgúns dos episodios máis tensos da política do país.
Cronoloxía: ENCE 2073, da promesa do traslado ao traxe á medida para a permanencia
O Goberno do PP en funcións vén de aprobar a permanencia da factoría de ENCE na ría de Pontevedra grazas a unha reforma da Lei de Costas que contradí as promesas de mudar o emprazamento da pasteira, formuladas durante anos polos populares.
O aforro bancario da poboación galega tamén se estanca
Os depósitos nos bancos caeron en 500 millóns de euros en Galicia no terceiro trimestre de 2015 mentres o crédito mantén a tendencia descendente iniciada hai media década.
O xulgado retoma a investigación ao PP de Lugo por carrexar anciáns nas eleccións de 2012
A xuíza atende as alegacións de Esquerda Unida e revoga o arquivo do caso no que fora imputado o histórico José Luis Iravedra. A acusación pide a imputación da relixiosa que dirixe o asilo e reclama que José Manuel Barreiro compareza como testemuña.