David Lombao

O conselleiro Caamaño defende que a falta de persoal médico de Primaria no verán é "un asunto de competencia estatal" e pide unha reunión "urxente" á ministra de Sanidade. En realidade, o emprazamento parte da dirección estatal do PP como reproche a Mónica García.  tras participar nunha manifestación contra a xestión sanitaria de Ayuso. Hai dous anos, o Sergas e o Concello de Sanxenxo ofreceron pisos de balde a persoal médico de fóra de Galicia que fose traballar a centros de saúde da vila durante o verán

O contexto do 9X apunta semellanzas coa última ocasión na que as europeas chegaron xusto despois dunhas galegas, con risco de forte indiferenza cidadá malia haber en xogo aspectos tan relevantes como a transición ecolóxica, a posición ante conflitos bélicos ou o ascenso da extrema dereita

"Arxentina leva décadas sufrindo políticas populistas que provocaron que a súa poboación sufra unha diminución importante e constante das súas condicións de vida dende o punto de vista da súa situación socio-económica", argumenta a Xunta en resposta ao BNG sen especificar, non obstante, cando considera que principiou ese período nin se inclúen a ditadura ou os gobernos de presidentes cos que mantiveron especiais boas relacións Fraga ou Feijóo, caso de Menem e Macri

O PSdeG pregunta a Política Social polo número de prazas dispoñibles e de persoas á espera en cada provincia e a Xunta responde cos datos de postos residenciais autorizados nas catro cidades homónimas. Sobre a agarda limítase a contestar que cando estean funcionando as novas residencias doadas pola Fundación Amancio Ortega haberá unha "diminución" das persoas que esperan por unha praza, pero sen indicar cantas son

Na súa visita a Galicia, o ministro de Transportes referiuse á previsión de remate, "a finais de ano", do "tramo Vilaboa-A Ermida" da "autovía A Coruña-O Porriño". Os plans de descontos pactados por PSOE e BNG e a sombra da sanción europea contra a prórroga de Aznar que levou a concesión da AP-9 a 2048 viran en aínda máis inverosímil que a Autovía do Atlántico pase algunha vez do papel

A Comisión Mixta Galicia - Estado reuniuse 44 veces, só dúas delas dende o retorno do PP á Xunta en 2009. A última xuntanza deste órgano que aprobou transferencias foi co Goberno de PSdeG e BNG, que lograra 12 descualificadas por Rueda como "traspasiños". Tras o visto e prace do TC á lei do litoral, a Xunta vén de activar os trámites para pedir unha Comisión Mixta que BNG e PSdeG veñen meses sinalando que se celebrará porque así o pactaron para a investidura de Pedro Sánchez

Na súa primeira visita a España como presidente da Arxentina, Milei obvia as autoridades e lanza as súas diatribas da man de Vox pero tamén na sede do xornal do grupo Planeta nun acto ao que acudiu a voceira adxunta do PP no Congreso. Prodúcese menos dun mes despois de que Rueda viaxase á Arxentina -sen que o recibise- e transmitise tranquilidade ás empresas pesqueiras de capital galego porque as "incertezas" xeradas polo Goberno do país no sector "non se van producir" malia permanecer en aspectos clave como as cotas da pescada

Este ano estamos a seguir os pasos de Luísa Villalta. Dramaturga, narradora, ensaísta, filóloga, violinista, profesora e poeta. A artista coruñesa homenaxeada no Día das Letras pola Real Academia Galega ten tantas facetas que adentrarse na súa obra é toda unha aventura. Neste episodio do Fálase contamos coas escritoras e mestras Beatriz Maceda e Eli Ríos, que están a vivir con intensidade as celebracións deste 2024

O Plan Xeral de Normalización da Lingua Galega naceu en 2004 ao abeiro da unanimidade parlamentaria. Despois, o Goberno de Feijóo reduciuno a "remuíño de ideas" e derrogou medidas que o aplicaban coma o decreto do galego no ensino. Tras dúas décadas, algunhas das súas accións nunca pasron do papel e outras xermolan timidamente

O BOE publica as candidaturas que concorren ao 9X nun ambiente electoral practicamente nulo malia á relevancia dos comicios europeos. Casares, Millán Mon e Miranda repiten como referentes de PSdeG, PP e BNG 

A entidade cooperativa incrementou en 2023 as ganancias  un 140% co impulso clave da suba dos tipos de xuro, o que lle outorga "marxe para abrir novas oficinas", anuncia o seu presidente tras un ano no roldou os 1.800 millóns en depósitos e os 851 en créditos e destinou 400.000 euros a patrocinios co seu Fondo de Educación e Promoción

A rexeneración ambiental da contorna onde foi construída en 1908 a conserveira 'La onza de oro' permite "reverter ao seu estado natural" uns 5.500 metros cadrados e mesmo 'resucitar' un anaco de praia. A zona litoral rexenerada está a apenas tres quilómetros de dous exemplos no sentido contrario: senllos recheos executados en 2001 e 2014 para usar como aparcadoiro de coches privados e instalar unha gasolineira