A Confraría de Noia tenta frear o vertido de 800.000 metros cúbicos de auga dunha mina autorizado pola Xunta
O pósito esgrime un informe dun experto en hidroloxía e residuos mineiros segundo o cal non está garantido que o vertido "non contamine a ría". "Como se pode permitir baleirar augas con materiais pesados a unha mina sen permiso para funcionar?", pregunta a Confraría, afectada este mes pola morte de ata o 81% do berberecho por baixa salinidade das augas, segundo a Xunta, por mor das fortes chuvias
A Xunta merca ao 'banco malo' 40 vivendas por 3,5 millóns que xa tiña cedidas para alugueiro social
A Sareb cedera estes pisos á Xunta cun convenio asinado en 2015 e renovado en 2019. Agora, no canto de continuaren a cesión, o Goberno galego mércallos á entidade que absorbeu o 'ladrillo tóxico' no rescate bancario, incluídos 5.000 millóns de activos inmobiliarios de Caixa Galicia e Caixanova. A finais de 2022 xa mercara por case 4 millóns 55 pisos que lle cedera Abanca
- Crónica Pola sanidade pública
- Política
2.400 millóns menos en 13 anos para Atención Primaria e a "impresora" de Ana Pontón
Pontón (BNG) reprocha a Rueda unha redución acumulada de 2.339 millóns de euros no orzamento de Atención Primaria a respecto de 2009 e o presidente asegura que se deben ao "aforro farmacéutico", se ben 882 millóns desa diminución non son atribuíbles á partida de medicamentos. Álvarez (PSdeG) advírteo de que "mente" ao culpar a Pedro Sánchez da escaseza de persoal médico tras cinco anos de máximos de prazas MIR. O titular da Xunta acusa o Estado de non "flexibilizar" os criterios de docencia para "desgastar" os gobernos autonómicos
A Xunta ultima a autorización dun casino en Santiago que legalmente estará na Coruña
A lei do xogo aínda en vigor só permitía instalar un casino na contorna da Coruña e outro en Vigo. Pero a reforma aprobada polo PP en 2014 permite que ambas empresas abran cadansúas "salas adicionais" a quilómetros de distancia se están na mesma provincia, norma coa que o Goberno galego xa deu luz verde ao casino de Vigo considerado unha sala do da Toxa
- 📺
- Política
O Parlamento Europeo afea a Israel a expulsión de Ana Miranda malia viaxar en misión oficial
"Que non me deixen entrar é o prezo a pagar por defender os dereitos humanos e denunciar a ocupación e o apartheid que Israel practica co pobo palestino", afirma a eurodeputada do BNG. A Eurocámara e o Goberno de España confirman protestas formais ante as autoridades israelitas pola expulsión, que foi respondida con mofa dende o PP de Galicia
Rafael Pillado, vida de loita fronte ao franquismo, o silencio e a morte
O histórico sindicalista e loitador contra a ditadura faleceu do cancro que lle provocou a exposición ao amianto nas catro décadas nas que traballou nos estaleiros da Bazán. "Non quero morrer en silencio", advertira ao coñecer a enfermidade despois de décadas de denuncia sobre os efectos deste "asasino silencioso". Loitou ata a fin
- Crónica
- Política
A silenciosa caída definitiva do todopoderoso empresario que augurou a "fin de Galicia" se Feijóo non gobernaba
Esta semana o Supremo condenou o antigo presidente de Pescanova a 6 anos de cadea, dous menos dos que lle impuxera a Audiencia, ratificando que cometeu delitos de falsidades nas contas, de falseamento da información económica e de alzamento de bens
O máximo de prazas para formar persoal médico desmonta a cerna do argumentario do PP contra SOS Sanidade
As 8.550 prazas da convocatoria MIR de 2022 supoñen un 31% máis que na última da 'era Rajoy', durante cuxo mandato culminou un descenso de ata un 12%, e en Galicia as 620 prazas da última convocatoria son un 57% máis que hai media década
- Entrevista | Borja San Ramón
- Política
"Interésanos gobernar; na esquerda hai algunha xente cómoda na oposición, sendo moi coherente e sen mellorar a vida da xente"
O coordinador nacional de Podemos en Galicia e e candidato da formación ás municipais en Ferrol asegura que a dirección que encabeza dende hai dous meses ten o obxectivo de que a formación traballe con "vocación de continuidade" alén dos procesos electorais. Asegura que as "políticas concretas" impulsadas por Unidas Podemos no Goberno de España dende 2019 poden "mobilizar voto" cara ao partido nun contexto no que confía no acordo coa plataforma Sumar, de Yolanda Díaz, para os comicios xerais deste ano.
- Datos
- Acontece
Galicia principiou os anos 20 cun novo récord de envellecemento e baixa natalidade
Mentres o INE estima que os nacementos volveron caer en 2022 e quedaron en 14.556, un 1,56% menos, o IGE certifica que en 2021 o país xa tiña 167 persoas maiores de 64 anos por cada cen menores de 20 e rexistraba apenas 5,49 nacementos por cada mil habitantes, ambos indicadores con tendencia de empeoramento
BNG e PSdeG piden atender as súas propostas para o Sergas tras a "histórica" protesta de SOS Sanidade e o PP culpa a Sánchez
Pontón subliña que o Bloque ultima un plan de Atención Primaria que contempla dedicar a este servizo ata o 25% do orzamento sanitario, "o recomendado pola OMS", e os socialistas lembran iniciativas "rexeitadas polo PP" como fixar por lei un máximo de 48 horas de espera en Primaria. Os populares manteñen a súa campaña en redes sociais para culpar a Pedro Sánchez da carencia de persoal médico e reclaman á actual oposición que tras "capitalizar" e "manipular" a manifestación, se "envorquen en convencer" o Goberno de España
Un ano do incendio no PP que levou a Feijóo a Madrid e deixou a primeira dimisión dun presidente da Xunta
O 16 de febreiro de 2022 estouraba a crise coa que Ayuso tombaba a Casado para que os baróns desen o partido a un Feijóo que neste tempo vén replicando no Estado as mesmas estratexias que o levaron en 2009 a San Caetano