A protesta sanitaria recrúa e a Xunta tenta contela en vésperas da primeira proba electoral para Rueda
Cunha cuarta parte do persoal médico maior de 65 anos e algo máis da metade por riba dos 55, profesionais apuntan que as malas condicións laborais e a propia saturación dificulta a captación e formación de novos cadros en áreas clave como a Atención Primaria. O presidente Rueda esgrime accións como o seu plan para rebaixar as listas de espera mentres a tensión mobilizadora non cede en vésperas da mobilización unitaria convocada por SOS Sanidade para o 12 de febreiro
Lanzada a fronte de concellos para alertar da "situación límite" do Sergas en Pontevedra, que a Xunta reduce a un "tema partidista"
Alcaldes e edís de PSdeG, BNG, EU e mesmo C's acudiron á xuntanza, á que declinou asistir o PP. Na vintena de municipios do distrito sanitario pontevedrés, advirten, ningún centro de saúde ou PAC "ten funcionamento normal" por falta de persoal, o que "conduce ao colapso das urxencias hospitalarias". O conselleiro Comesaña, que convocou os concellos para a vindeira semana, lamenta que a protesta non cite o Goberno de España
Nova carreira en internet para obter axudas da Xunta contra o 'feísmo': a medianoite para particulares, a mediodía para concellos
A Consellería de Medio Ambiente volve optar polo procedemento de concorrencia non competitiva para distribuír as súas axudas para corrección de impactos paisaxísticos, que desta volta suman 2 millóns, polo que a velocidade na tramitación no prazo aberto este 18 de xaneiro segue a ser o criterio determinante para logralas
Feijóo foi pioneiro en protexer por lei as teses antiabortistas: 13 anos de abeiro da Xunta á 'Red Madre'
Tras lograr a maioría absoluta en 2009, a primeira iniciativa lexislativa que impulsou o PP de Feijóo foi a da 'Red Madre' formulada polo Foro Español de Familia. A lei deu promoción legal á entidade antiabortista, despregada no territorio mediante asociacións que só nos últimos catro anos levan recibidos uns 300.000 euros da Xunta, que tamén lle cedeu espazos públicos para a súa actividade. A cuestión rexorde ao fío da ofensiva antiabortista do bipartito PP-Vox en Castilla y León
Rueda tenta frear os ecos de adianto electoral porque "se un se presenta para catro anos e cortas antes, non cumpriches"
"Se un se presenta a unha campaña para gobernar catro anos, os proxectos son para catro anos. Se cortas dous anos antes, está claro que non cumpriches o que tiñas que facer e eu pretendo cumprilo", esgrime ante os ruxerruxes dun eventual anticipo das eleccións. O actual presidente da Xunta e do PPdeG remudou a Feijóo na presidencia 1 ano e 8 meses despois das últimas eleccións galegas
A ocupación privada da costa e a subvención ao transporte en coche privado toman a axenda política malia á crise climática
Cidades galegas como Vigo ou Santiago rexistraron case 300 días con temperaturas por riba do normal en 2022, ano no que Galicia sufriu o maior incendio forestal dende que hai rexistros comparables mentres continúan as advertencias científicas sobre a suba do nivel do mar. Paralelamente, a Xunta intensificou a súa campaña a prol da ocupación do litoral a longo prazo e o Estado aumentou as bonificacións ás peaxes das autoestradas para 2023
- Datos Crise de prezos
- Economía
A inflación xeral segue a moderarse mentres continúa disparada nos alimentos cunha alza interanual de prezos do 16%
Malia á moderación dos últimos meses e mentres o dato español é o menor de toda a zona euro, a inflación galega do 6,4% interanual é a maior en tres décadas. Electricidade e combustibles son clave para a moderación do IPC xeral mentres os alimentos seguen disparados e rexistran en Galicia unha alza interanual do 16,6%, 1,2 puntos máis que en novembro e sete décimas por riba da media
Vinte e cinco anos do barco que partiu a ponte das Pías e co que Aznar xunguiu Galicia con Audasa ata 2048
O 13 de xaneiro de 1998 o vento rachou as amarras da plataforma petrolífera Discoverer Enterprise nos estaleiros de Astano, que acabou batendo contra a Ponte das Pías, daquela principal conexión de Ferrol co resto da comarca e do país. O Goberno de Aznar reconstruíuna en apenas dous meses e, ao tempo, aprobou ampliar 9 quilómetros a AP-9 para levala de Fene a Ferrol. A cambio da construción do novo treito, prolongou a concesión por 25 anos máis, ata 2048. Tres anos despois, privatizouna.
A Sociedade de Medicina de Urxencias alerta dun "colapso" xeral con "récords" na Coruña, Pontevedra e Vigo
SEMES sinala un incremento medio de entre o 15% e o 20% de pacientes atendidos nas urxencias hospitalarias galegas a respecto de hai un ano, pero con picos superiores ao 40% en hospitais como o CHUAC coruñés. "O sistema estase dinamitando", afirma o seu presidente, tamén coordinador de Urxencias no Salnés
O PP pide a dimisión de Jácome na alcaldía de Ourense tras entregarlla e propiciar que seguise no posto
Os populares, que formaron bipartito con Jácome dúas veces no que vai de mandato, formulan unha moción para esixir que dimita por permitir que o home que interpretou o rei Baltasar na cabalgata "fose un condenado reincidente por abusos sexuais". PSdeG e BNG subliñan que o PP local agardou case unha semana para pedir explicacións e poñen o foco en que Jácome é alcalde grazas á formación conservadora que, lembran, esquivou a moción de censura para desbancalo
- 📺
- Política
Feijóo aproveita o asalto aos poderes do Brasil para censurar protestas nos parlamentos como a que el secundou
En novembro de 2005 o PP enviou uns 200 cargos a manifestarse contra o Goberno de PSdeG e BNG no Pazo do Hórreo pola cancelación dunhas obras que Fraga aprobara en campaña. A comitiva rompera o cordón policial e irrompera no recinto parlamentario. O ex-presidente da Xunta e actual líder do PP, na altura 'número dous' do grupo dos populares permanecera inicialmente na sesión. Pero tras un tirapuxa dialéctico coa daquela presidenta da Cámara, abandonou o pleno, secundou os manifestantes e tomou a pancarta
Principia o ano do primeiro debate de política xeral para Rueda e Pontón pide celebralo xa
O Regulamento prevé que o debate de política xeral non se convoque en anos con investidura na presidencia da Xunta, por iso non se celebrou en 2022 e, agás no caso de que Rueda opte por un adianto electoral, si o haberá en 2023. A portavoz nacional do BNG defende a necesidade de "poñer sobre a mesa alternativas" en ámbitos como a sanidade ou a crise de prezos fronte a un Goberno do PP "instalado na rutina, sen pulso nin impulso político para poder ofrecer un proxecto de futuro" ao país