David Lombao

O saúdo da candidata do BNG co candidato do PSdeG na manifestación de SOS Sanidade adquire notable impacto político ás portas do 18F. Pontón resalta a promesa dun "plan de rescate da Atención Primaria dotado con 200 millóns" se é presidenta para "incrementar persoal" e Besteiro resalta a inicaitiva de garantir cita en Atención Primaria "en menos de 48 horas". Sumar e Podemos expuxeron tamén os seus compromisos na materia durante a marcha.

Ducias de colectivos e as principais forzas políticas da esquerda secundan unha protesta na que a plataforma convocante asegura que a radiografía da sanidade pública galega amosa "a última fase do seu desmantelamento", co acento en aspectos como centros de saúde e PACs “inaccesibles e masificados”, falta de pediatras ou esperas de semanas para acceder á Atención Primaria

O presidente do Goberno de España volve aguilloar a campaña do PSdeG apelando en Ourense á mobilización do electorado que o apoiou a el para votar por Besteiro e ratifica a aprobación da suba do salario mínimo a vindeira semana. O candidato á presidencia chama a contrapoñer propostas socialistas coas proclamas das "tres caravanas" do PP: "Din que van facer en catro anos o que non fixeron en quince"

A candidata do BNG volve comezar a carreira electoral na aldea onde se criou flanqueada polos seus pais, desta volta ao pé da cociña onde "aprendín moito do que me gustaría facer como presidenta". "Se Ana é presidenta, traballará con honestidade para mellorar a vida dos galegos", di Aurita Mondelo, nai da líder do Bloque, que pide ao electorado indeciso que lle dea "unha oportunidade"

Por primeira vez dende 2009, todas as principais forzas políticas perciben que o resultado das urnas non está inexorablemente escrito antes da primeira chamada ao voto

 "A última licenza concedida en Lugo para vivenda pública foi outorgada polo Concello en decembro de 2008, con Touriño na Xunta", ilustra Lara Méndez, número dous do PSdeG pola circunscrición lucense. Foi para 172 pisos que acabou inaugurando Feijóo xa como presidente

En 2009 Rueda reprochara ao Executivo de PSdeG e BNG lograren só unha ducia de "traspasiños". Década e media despois, o PP reedita as promesas de traspasos por cuarto programa consecutivo, un documento no que as "demandas" para o Goberno de España triplican as novas competencias que, din, quererían que asumise a Xunta se conseguen seguir gobernando tras o 18F

A Xunta admite que apañou máis de 12.000 quilos de plásticos distintos aos pellets en menos dun mes, pero sinala a concellos e entidades privadas tanto para a recollida ordinaria como para manexar datos ao respecto

A porcentaxe de poboación que ve "boa" ou "moi boa" a xestión da Xunta é practicamente idéntica á que ten esa mesma consideración do labor do BNG na oposición nun contexto no que case o 60% ten "pouca" ou "ningunha" confianza en Rueda. O Bloque, PSdeG e Sumar coinciden en que, atendendo aos datos do inquérito, a mobilización do electorado progresista será sinónimo de mudanza política.

O actual presidente e candidato do PP manifesta que "temos a obriga de fomentar o galego" e o "orgullo de que haxa dúas linguas propias en Galicia", se ben segundo o Estatuto só a galega ten esa condición. Década e media despois de encabezar a delegación do PP en apoio a 'Galicia Bilingüe', advirte de que "non pode haber imposicións" do galego nin "utilizalo como arma política"

Cunha medida escenografía, a candidata do BNG augura que o país está "ás portas dun cambio histórico" que "require dun programa de goberno ambicioso" con medidas como o "rescate da Atención Primaria", "libros de texto gratuítos", o organismo científico Innogal ou o traspaso de competencias pendentes, así como unha empresa pública de enerxía, tren de proximidade e que "a dirección da CRTVG sexa nomeada mediante concurso público"

A concesionaria da AP-9 conservou a exención do 95% no pagamento do IBI nas sucesivas prórrogas da concesión. A última, concedida polo Goberno do PP ata 2048, mantivo o beneficio ata 2023. A Deputación da Coruña, que ten delegada a recadación do IBI de 18 dos 20 concellos polos que pasa a autoestrada na provincia, confirma que este ano xa lle cobrará o 100% do tributo: "Pasan duns ingresos anuais de 175.000 euros a máis de 3,7 millóns"