David Lombao

Greenpeace presenta a edición 2024 do seu informe 'Crise a toda costa' cunha advertencia sobre os riscos de perder "a función de barreira protectora" que supoñen as praias ameazadas pola suba do nivel do mar. Vigo e A Coruña, a ría de Arousa ou puntos da Mariña destacan nas proxeccións de risco de asolagamentos costeiros no horizonte de 2030

Ás constatadas eivas na atención a persoas tuteladas engadiuse o pasado xuño a marcha do director, antigo cargo de confianza do actual alcalde de Ferrol, para ser delegado da Consellería de Emprego na Coruña. En xuño Política Social asegurou que cubriría a vacante "no máis breve espazo de tempo posible". Agora vén de responder ao BNG que convocará "unha xuntanza extraordinaria" do padroado da Funga a comezos de setembro para abordar a remuda

O ex-titular da Xunta apela ao "dereito a saír tranquilos á rúa" e a "sentirse seguro un na súa casa" ao abordar as migracións nun discurso sobre política migratoria ante a cúpula do PP nun acto convocado cadrando coa reunión semanal do Goberno galego, que encabezou o conselleiro Diego Calvo en ausencia do presidente

Mondra e Nadie González ao son das pandeireteiras Bouba poñen voz a 'Somos máis', a composición de Xosé Lois Romero que servirá como nova sintonía ao Bloque. Pretende ser a "banda sonora dos galegos e galegas que teñen depositadas as súas esperanzas nun país mellor", di Ana Pontón

A finais de 2020 a Xunta culminou a reestruturación do mapa de buses que acometeu por orde do Supremo. Moitas das novas concesións deron lugar a recorrentes protestas por deficiencias no servizo. As das comarcas barbanzás veñen de lograr que o Goberno galego anuncie a rescisión do contrato ás empresas de Monbus

O Goberno de Rueda non deixa marxe aritmética para dubidar. "Xa cumpriu o 100% das medidas anunciadas para os primeiros cen días", asegura. Entre as promesas que dá por cumpridas destacan algunhas das materias nas que os catro anteriores Gobernos do PP máis deixaron a deber, caso da vivenda ou das residencias da terceira idade. Mentres, o BNG obsérvao como "campión da propaganda" e o PSdeG, con "nula ambición de país"

O Goberno de España prevé o acollemento dunhas 470 persoas migrantes en Galicia e a Xunta esgrime que soubo por vía "extraoficial" que serán "máis de 700". A Delegación gobernamental dá por aberta unha "canle de comunicación constante" coa Xunta e confirma que o primeiro grupo de persoas acollidas chegará a Santiago. Outros destinos serán Monforte, Allariz ou Becerreá, cuxo Concello expresa a esperanza de que os migrantes poidan ficar na contorna

Os pactos de conformidade coa Fiscalía marcan a fin da peza central do caso Carioca, que se remonta a hai case dúas décadas. O principal procesado, un Garda Civil do Equipo de Muller e Menores, foi condenado a cinco anos de cadea e non volverá á prisión. "Abusou da súa condición" de garda para "satisfacer os seus instintos sexuais" e cobraba dos proxenetas para evitarlles inspeccións

O presidente do Goberno de España reprocha que o líder do PP se presente como "adaíl da liberdade de prensa" tras o seu "control con puño de ferro aos medios tanto públicos como privados" en Galicia. O ex-titular da Xunta  agoira que o plan do socialista é "controlar todos" os medios e que o financiamento estatal irá só aos que "publiquen o que lle gusta"

O goberno pontevedrés estende á zona histórica as restricións ás vivendas turísticas que xa rexían no centro da cidade: só en edificios completos, baixos ou primeiros andares. Inicialmente, a regulamentación nesa área retendeu "favorecer a rehabilitación de vivendas". Agora, indica o edil de Urbanismo, pretende "evitar males maiores" na "convivencia entre residentes e visitantes"

Entre as críticas ao Goberno de España, o conselleiro de Facenda admite que a Xunta agarda recibir entre un 2% e un 3% por riba dos 10.576 que o sistema de financiamento autonómico asignou a Galicia para este ano. O límite de gasto para 2025 superará os 13.257 millóns de 2024 mesmo coas renuncias do Goberno galego a ingresar máis vía impostos

O alto tribunal non ve a "arbitrariedade" e "desviación de poder" dos que a Plataforma en Defensa da Pesca acusaba o Goberno de España ao elaborar os POEM. "Non pode sosterse que ao seleccionar as zonas nas que situar preferentemente instalacións de enerxía eólica mariña (...) esquecese a presenza da actividade pesqueira nin a súa interacción coa eólica", afirma