Galicia perde máis de 700 millóns coa derrogación do decreto tombado por PP, Vox e Junts
Un dos artigos que decaen actualizaba o sistema de financiamento autonómico incrementando nuns 702 millóns os fondos para a Xunta por mor da suba da recadación do Estado. Outro achegaba 17 millóns ao Goberno galego e 7,9 aos concellos para os descontos no transporte. O PP pon o foco en que o real decreto beneficiaba os "okupas" e ao PNV cun "palacete"; Besteiro ve "un castigo irracional de Feijóo e Rueda a milleros de galegos" e o BNG reclama un novo decreto "inmediato" para repoñer medidas como a suba das pensións ou os descontos no transporte
- Obituario 40 anos da CRTVG
- Acontece
Superpiñeiro, querida parroquia
Xosé Manuel Piñeiro falece deixando tras de si o ronsel de agarimo que cultivou quen virou en icona da cultura popular do país dende a Televisión de Galicia e a Radio Galega, do emblemático 'Supermartes' ao debate sen cancelas de 'Acompáñenos'. Os recoñecementos chegáronlle con galardóns como a Medalla Castelao pero, sobre todo, coas infinitas mostras de afecto que recibiu ao anunciar en 2018 a súa retirada temporal para tratar o cancro que padecía
As alternativas de BNG e PSdeG á lei de medios públicos coa que o PP blindará o control dende a Xunta
A lei que impulsa a Xunta permitirá ao PP remudar o director xeral da CRTVG só cos seus votos ao rebaixar a maioría reforzada esixida pola normativa de 2011, que nunca chegou a aplicarse. O BNG promove elixir todo o consello de administración por concurso público e o PSdeG reclama, como mínimo, manter a maioría reforzada
Galicia segue perdendo enfermeiras por emigración mentres precisa 10.000 para acadar a media da UE
En 2023 os contratos asinados por enfermeiras galegas noutras autonomías foron 255 máis que os rubricados en Galicia por profesionais chegadas de fóra e só seis comunidades encabezadas por Catalunya teñen saldo positivo. A media europea está nunhas 9 enfermeiras por cada 1.000 habitantes; Galicia destaca negativamente como a segunda autonomía máis afastada deste nivel, con apenas 5
Galaxia celebra 75 anos a "crear porvir"
Tres exposicións, foros de debate, premios literarios e varias publicacións conmemorativas destacan no programa do aniversario da editorial, que fai votos por "permanecer fiel aos principios fundacionais" nunha celebración que terá como acto central unha festa o 6 de setembro
- Crónica
- Política
Junts, tan "letal" para Feijóo como Jácome e Vox
As posturas actuais do PP a respecto dun eventual acordo coa formación independentista catalá para unha moción de censura contra Pedro Sánchez riman inevitablemente cos sucesos ourensáns de hai media década. Daquela a mesma cúpula partidaria que agora comanda o partido a nivel estatal avalou a operación que, en menos un mes, pasou de sinalar a suposta letalidade política do líder de DO a entregarlle a alcaldía da terceira cidade de Galicia
Ata un ano para obter unha primeira consulta en Psicoloxía do Sergas
Só na área de Pontevedra a espera para unha primeira consulta en Psicoloxía Clínica baixa dos seis meses e noutras catro pode chegar aos doce, segundo datos do Colexio Oficial de Psicoloxía de Galicia, que advirte ademais de que os tempos entre consultas, de entre dous e doce meses, fan "inviable" aplicar "en calquera área sanitaria" os criterios para abordar doenzas como a depresión. A entidade advirte de que cumpriría un mínimo de 100 profesionais para cumprir a promesa de implantar a Psicoloxía Clínica en Atención Primaria, que Sanidade asegura estar a estudar
- Interactivo Memoria antifranquista
- Política
Centos de mortes de prisioneiros dos golpistas documentadas en San Simón mentres o PP non ten "constancia"
Diversas pescudas históricas acreditan non menos de 400 presos falecidos no campo de concentración da illa, cando menos 8 deles fusilados no lugar e dous procedentes de Celanova, localidade da que o deputado popular que di non ter "constancia" foi alcalde
- Obituario
- Política
Pérez Varela, arquitecto político da Galicia mediática fraguista e do Gaiás
Quen foi titular de Cultura do fraguismo durante case dez anos falece tras case dúas décadas afastado dos focos públicos. Foi o responsable da comunicación e a propaganda na campaña coa que Fraga logrou ser presidente á primeira e asumiu o mesmo rol na Xunta como responsable de gabinete, secretario xeral e conselleiro con control na relación cos medios de comunicación, os grandes eventos do Xacobeo e a construción da Cidade da Cultura
'Fai memoria': ferramentas para que o profesorado aborde a represión franquista nas aulas
O compostelán centro Maruxa e Coralia acolle este 18 de xaneiro a xornada organizada pola Deputación da Coruña para axudar a "reflexionar" nas aulas "acerca do pasado e evitar que no presente se repitan determinadas historias". O programa inclúe actividades en torno á literatura, experiencias de éxito para tratar a memoria histórica nas aulas ou un roteiro pola memoria das mulleres de Compostela
"Non temos constancia que houbese mortes en San Simón": o PP reduce a represión a "abusos" do director da illa
O PSdeG, que pedía constituír un Consello da Memoria de Galicia, lamenta que os populares "abrazan as teses do negacionismo franquista", e o BNG di que "están cruzando todas as liñas vermellas na súa carreira cara á ultradereita"
Besteiro procura un mandato completo no PSdeG para lograr poñelo "rumbo á Xunta"
O actual secretario xeral rexistra a súa precandidatura cara ao Congreso Nacional que os socialistas celebran o vindeiro marzo. Di aspirar a "construír un partido unido e un proxecto gañador" nun contexto moito máis complexo que a súa anterior etapa tras os malos resultados electorais de 2024. O venres pecha o prazo para coñecer se será o único candidato ou terá que medirse nas urnas a algún representante do sector crítico que ten como principal expoñente o ex-secretario xeral Gonzalo Caballero, quen apela ao "cambio" dun partido ao que ve sumido no "desastre"