David Lombao

No cuarto trimestre do pasado ano os desafiuzamentos foron 338 e os novos casos de ocupación, 19. A respecto do último ano previo á COVID tanto os desaloxos como os casos de ocupacións ilegais abordados polos xulgados caen un 30%

Hai un ano, cando o ex-titular da Xunta marchou remudar a Pablo Casado, a Xunta era Feijóo e o PPdeG, tamén. Agora sucede o mesmo na dirección estatal ante a que os populares galegos non amosaron aínda o estilo propio atribuído a Rueda en estratexias, discursos e mesmo estética

A Xunta pon o foco na escaseza de efectivos na Unidade de Policía Adscrita, que ía ser substituída por un corpo policial galego integral ao abeiro da lei de 2007, a cal requiría dun traspaso de competencias ao que o PP bloqueou ante as críticas de gardas civís e da extrema dereita. Nos últimos días tamén intensificou as peticións ao Estado sobre o tren Ferrol-Ribadeo, que sería xestionado polo Ente Ferroviario Galego que Feijóo prometeu se o proxecto non fose abandonado

Rueda e Barbón anuncian un encontro bilateral en Taramundi o 17 de marzo para "abordar o reto demográfico" e aseguran "recoller o testemuño" das reunións de Laxe e Fraga cos seus homólogos asturianos, sen mencións ás mantidas por Emilio Pérez Touriño con Vicente Álvarez Areces

Mouriño, procedente de Centristas de Galicia, antigo partido dos Baltar, foi alcalde da Vila por dúas décadas e deputado no Parlamento. Os populares acúsano de "condicionar a vida política" da vila co seu apoio ao rexedor de Celanova Decide e bótano porque "non toleran deslealdades"

Por que Feijóo dea xuntado unha maioría que o invista presidente do Goberno de España pasa boa parte da expectativa conservadora de reter a Xunta. Se a conta non sae, nos círculos do poder galego medrarían as dúbidas sobre Rueda. Neses mesmos círculos o perfil 'presidenciable' de Pontón comeza a ser considerado como hipótese e o "cambio" que non interesa a Rueda, como posible se Feijóo non triunfa á primeira, Sánchez recunca e o PSOE tamén aposta con forza pola mudanza en Galicia

O PP recupera a escenografía das súas grandes ocasións para presentar as cabezas de lista ás municipais facendo ver que conserva intacta a capacidade de organizar mitins de gran asistencia. O ex-presidente asegura que vai facer "no conxunto da nación" o que "fixemos en Galicia durante tanto tempo": "A suma de minorías radicais non poderá impoñerse ás maiorías democráticas", apelou

O pósito esgrime un informe dun experto en hidroloxía e residuos mineiros segundo o cal non está garantido que o vertido "non contamine a ría". "Como se pode permitir baleirar augas con materiais pesados a unha mina sen permiso para funcionar?", pregunta a Confraría, afectada este mes pola morte de ata o 81% do berberecho por baixa salinidade das augas, segundo a Xunta, por mor das fortes chuvias

A Sareb cedera estes pisos á Xunta cun convenio asinado en 2015 e renovado en 2019. Agora, no canto de continuaren a cesión, o Goberno galego mércallos á entidade que absorbeu o 'ladrillo tóxico' no rescate bancario, incluídos 5.000 millóns de activos inmobiliarios de Caixa Galicia e Caixanova. A finais de 2022 xa mercara por case 4 millóns 55 pisos que lle cedera Abanca

Pontón (BNG) reprocha a Rueda unha redución acumulada de 2.339 millóns de euros no orzamento de Atención Primaria a respecto de 2009 e o presidente asegura que se deben ao "aforro farmacéutico", se ben 882 millóns desa diminución non son atribuíbles á partida de medicamentos. Álvarez (PSdeG) advírteo de que "mente" ao culpar a Pedro Sánchez da escaseza de persoal médico tras cinco anos de máximos de prazas MIR. O titular da Xunta acusa o Estado de non "flexibilizar" os criterios de docencia para "desgastar" os gobernos autonómicos

A lei do xogo aínda en vigor só permitía instalar un casino na contorna da Coruña e outro en Vigo. Pero a reforma aprobada polo PP en 2014 permite que ambas empresas abran cadansúas "salas adicionais" a quilómetros de distancia se están na mesma provincia, norma coa que o Goberno galego xa deu luz verde ao casino de Vigo considerado unha sala do da Toxa

"Que non me deixen entrar é o prezo a pagar por defender os dereitos humanos e denunciar a ocupación e o apartheid que Israel practica co pobo palestino", afirma a eurodeputada do BNG. A Eurocámara e o Goberno de España confirman protestas formais ante as autoridades israelitas pola expulsión, que foi respondida con mofa dende o PP de Galicia