Marcos Pérez Pena

Dende a Noiteboa a taxa de positividade e o número de casos diagnosticados cada día duplicáronse en Galicia. Destaca o empeoramento que están a experimentar A Coruña (un 154% máis de casos que o 24 de decembro), Ferrol (+80%), Ourense (+72%) e Santiago (+49%). Ademais, un gran número de concellos que antes non tiñan ningún caso, hoxe si presentan infeccións, froito da propagación do virus durante as últimas semanas.

A pasada semana Maternidades Feministas presentou o seu Observatorio das violencias machistas cotiás que afectan á maternidade, un estudo sobre as distintos obstáculos e agresións que sofren embarazadas e nais, con exemplos de violencias institucionais, económicas, psicolóxicas ou culturais, ademais da propia violencia obstétrica. Falamos coa súa coordinadora.

O colectivo advirte de que a última convocatoria de contratos posdoutorais "precariza aínda máis a investigación en Galicia, diminuíndo as posibilidades de progresión e limitando o atractivo de Galicia para iniciar a carreira investigadora", cunha redución no número de axudas e na súa remuneración económica

A incidencia duplicouse na cidade herculina nos últimos dez días. Ademais, cada vez son menos os concellos libres de coronavirus, pois a mobilidade que se produciu durante o Nadal contribuíu a levar a pandemia a zonas que ata entón estaban libres de infeccións

Este venres detectáronse 187 casos activos máis dos que había o pasado 22 de decembro. Hai seis escolas infantís pechadas na súa totalidade e 19 aulas sen actividade por mor dos contaxios de coronavirus.

A taxa de positividade supera o 8% e tamén está no seu valor máis elevado dende marzo. Os datos comezan a recoller os contaxios que se produciron na Noiteboa e no día de Nadal

Dozón, cuxa poboación diminuíu nun 40%, encabeza os descensos. Con todo, Ferrol, Ourense e Marín foron as localidades que máis persoas empadroadas perderon en termos absolutos. En cambio, Ames, Compostela a área metropolitana da Coruña foron as zonas que máis medraron.

As novas medidas afectan tamén a varios concellos da contorna das tres cidades: Ames e Teo, Arteixo, Culleredo e Cambre, e mais Barbadás. Ourense pasa a ter peche perimetral. A Consellaría de Sanidade non impón novas medidas no resto do país, pero recomenda realizar un "autoconfinamento preventivo", limitanto ao máximo a mobilidade e as interaccións sociais.

O número de camas de UCI ocupadas por pacientes COVID nos hospitais galegos acada o seu máximo dende o pasado 5 de decembro. A pesar de que a sucesión de festivos está a invisibilizar o empeoramento da situación, a incidencia acumulada medrou un 23% nos últimos cinco días

Dende o pasado 19 de novembro non se notificaban tantos contaxios en Galicia. A taxa de positividade rolda o 8% e o número de pacientes hospitalizados continúa a medrar. A Coruña convértese na cidade con peores datos, á espera do endurecemento das restricións que se decidirá este venres

A taxa de positividade segue a subir en Galicia, nunha nova xornada con poucas probas PCR (4.209) e 300 novos positivos. A ocupación hospitalaria tamén aumenta, á espera das consecuencias do relaxamento das medidas de prevención nas festas de Nadal

Xove, Lobeira, A Illa de Arousa e Vimianzo, unha localidade de cada provincia, son os concellos galegos con máis casos por habitante. Con todo, preocupa máis a situación en vilas como Verín, Boiro, Bueu, Tomiño ou Rianxo e tamén nas cidades da Coruña e Santiago. A Consellaría de Sanidade decidirá este venres se endurece as restricións.