Marcos Pérez Pena

Descende en dez o número de persoas ingresadas por coronavirus, ata as 189. O Sergas detectou 204 contaxios novos na última xornada, dez máis que hai unha semana.

Deberá indemnizar á familia da falecida con 40.400 euros. A administración sanitaria negara a súa responsabilidade alegando que "era imposible saber" que tiña intención de suicidarse. A sentenza lembra que o Hospital era responsable do coidado da súa vida e que o estado mental que presentaba obrigaba a "adoptar medidas especiais de protección"

A Xunta nega que exista este "efecto chamada", denunciado por entidades ecoloxistas e polas forzas da oposición. Tamén se está a producir un incremento nas tallas de piñeiro e de especies autóctonas. A susprensión temporal de plantación de eucalipto duraría catro anos e estaría limitada a aquelas zonas ás que esta especie aínda non chegara.

O persoal da limpeza da provincia da Coruña levou a cabo este xoves unha xornada de folga que será continuada os 11 e 12 de maio. Reclaman un novo convenio colectivo que mellore as súas condicións e baixos soldos. Porén, a patronal ofrece unha conxelación salarial e dificultar as xubilacións

O Grupo de Acción Local do Sector Pesqueiro seleccionou as iniciativas, moitas ligadas cos sectores pesqueiro, marisqueiro e da acuicultura e outras relacionadas co coidado do medio ou a posta en valor dos seus valores naturais e do patrimonio marítimo. O importe total dos investimentos subvencionables supera os 3,2 millóns de euros 

A Xunta publica un estudo que destaca a gran diferenza de efectividade entre as persoas que recibiron a primeira dose (47,2%) e as que teñen a pauta completa (88,4%). A Comisión de Saúde Pública decidiu este martes non adiar a administración da segunda dose, como reclaman algunhas comunidades. A Axencia Europea do Medicamento avala a administración da vacina de Janssen, aínda que as tromboses figurarán entre os efectos secundarios.

Nos últimos dez días rexistráronse só 5 falecementos relacionados coa enfermidade en Galicia e no último mes houbo só catro novos casos nas residencias. Ademais, co 95% da poboación maior de 80 anos xa vacinada, comeza a haber menos defuncións neste grupo de idade que nos máis novos.

A Audiencia Provincial da Coruña anula a sentenza ditada hai un ano, que non viu delito nas insinuacións, tocamentos e proposicións realizadas polo xefe contra unha empregada, feitos probados, e que ignorou na vítima "unha situación de sufrimento pola humillación sufrida"

Cuñados está a ser a revelación da tempada. Gravada e proxectada en galego, dende a súa estrea é o filme máis visto en Galicia e un dos dez máis vistos en todo o Estado, onde se exhibe en 135 salas. Falamos con Federico Pérez, que protagoniza a película xunto con Xosé A. Touriñán e Miguel de Lira.

Ademais da poboación maior de 80 anos, os esforzos de protección están a centrarse na poboación entre 70 e 79 anos, na que o 45,4% xa ten cando menos unha dose. Esta fin de semana administraranse 45.000 doses máis e a Xunta espera consolidar un ritmo de 150.000 doses semanais.

A cidade olívica duplicou o seu número de casos activos no último mes e a achégase ao nivel que obrigaría a establecer maiores restricións. Na maior parte de Galicia a situación permanece estable, aínda que O Grove, A Pobra do Caramiñal, Catoira ou Ribadumia presentan incidencias elevadas. Por cuarto día consecutivo non se rexistraron falecemento e por décimo día consecutivo non houbo novos positivos nas residencias.

A incidencia da enfermidade mantense estable na maior parte de Galicia, pero medra nas cidades de Vigo e Lugo e tamén nos centros escolares, on de o número de contaxios incrementouse notablemente dende o regreso das vacacións de Semana Santa.