Marcos Pérez Pena

Dende hai tres semanas, todos os domingos os familiares das persoas que viven na residencia de DomusVi en Aldán levan a cabo concentracións ás portas no centro. Ademais, este sábado unha manifestación percorreu as rúas da vila. Este mércores 24 está convocada unha marcha en Compostela que esixirá servizos sociais "100% públicos" e de calidade

A directora da residencia da empresa en Compostela acusa o Goberno galego de tardar 9 días en comezar a hospitalización de enfermos de coronavirus e de rexeitar o traslado dos máis dependentes. Vellez Digna atopa verosímil a denuncia "pois algo debeu pasar para que deixasen morrer tantas persoas", pero ve tamén un intento da empresa de "escusarse" pola mala xestión realizada

O Observatorio da Cultura Galega do CCG analiza nun informe o impacto da pandemia sobre o sector, salientando que a destrución de emprego foi mesmo superior ao que sufriron a construción ou os servizos. 667 empresas culturais presentaron un ERTE.

O presidente da Xunta, que vén cuestionando a axuda posta en marcha polo Goberno central, asegurou este martes nunha entrevista que o IMV "existe en Galicia dende 1991", en referencia á Risga. Porén, hai importantes diferenzas entre unha e outra , comezando pola súa contía, a súa cobertura, a compatibilidade con outros ingresos e a burocracia.

Vigo e Ourense rexistraron importantes colas ante as oficinas municipais. Mentres, Santiago habilitou dous puntos de información que xestionarán as 620 citas previas xa concedidas. O delegado do Goberno central, Javier Losada anuncia que cando menos 7.000 fogares "xa percibirán a prestación este mes de xuño"

Na tarde deste luns a peza foi recollida do leiro do río e trasladada por técnicos da Consellaría de Cultura. Agora a figura será estudada en profundidade para determinar o seu valor patrimonial e confirmar a catalogación inicial, que a data no século XIV.

Boa parte dos concellos adían a apertura ata levar a cabo desinfeccións e o cálculo da capacidade máxima permitida para cada instalación. Varias localidades acusan o Goberno galego de non ter achegado recursos para garantir a posta en marcha con seguridade e o PSdeG fala de "improvisación" de Feijóo. 

A peza, que representa a virxe co neno, é de estilo gótico e está moi traballada. O home puxo o achado en coñecemento dunha experta en patrimonio, socia de Apatrigal, que fixo un estudo e informou á Consellería de Cultura

O Concello presentou o proxecto de transformación da zona dos Cantóns, que se licitará entre este ano e o que vén. O Goberno local destaca que “o obxectivo é levar esta acción a todos os barrios para que en todos gocemos de espazos de convivencia como se fosen o mesmo 
centro da cidade”

O protocolo presentado polo Ministerio apuntaba esta redución de alumnos e alumnas para garantir a distancia de seguridade. Con todo, o pacto acadado este xoves entre Goberno central e comunidades autónomas non o inclúe, aínda que si incorpora o compromiso de regresar ás clases presenciais e de manter o transporte e o comedor escolar

Un novo falecemento eleva a 619 a conta facilitada polo Sergas. Non hai ningún paciente con Covid-19 nas UCI e só 11 persoas ingresadas nos hospitais coa enfermidade

Sete manifestacións percorreron este xoves as rúas das cidades galegas, en homenaxe as vítimas do coronavirus e para reivindicar "uns servizos sociais plenamente públicos, asequibles, de calidade e de proximidade", denunciando o modelo actual, "ferozmente privatizado"