Marcos Pérez Pena

O número de casos en Galicia ascende a 1.832, 234 máis ca onte, o que supón un ascenso do 14,6%. Nas últimas 24 horas duplicouse a cifra de altas (25 máis, ata un total de 47), que por primeira vez superan ao número de falecementos, que chegan a 36. Vigo segue a ser a área con máis positivos.

A Xunta de Xuíces de Familia de Vigo adoptou unha serie de criterios orientativos para os proxenitores, que son quen deben acordar o réxime nestes días, sinalando que as visitas deben manterse, pero aconsellando suprimir as que se realizan no medio da semana sen pernoita. Piden que se valore, por riba de todo, o "ben superior dos menores"

UGT e CIG pídenlle á Consellería que obrigue os hospitais a "manter as súas traballadoras e traballadores", poñendo os seus recursos materiais e humanos "a disposición do sistema sanitario público". HM está a desfacerse de persoal a través da non renovación de contratos e pedíndolles que tomen agora as súas vacacións

A cifra total de positivos é de 1.598, 224 máis que o día anterior, o que significa un ascenso do 16%. Por primeira vez Vigo é a área que presenta máis casos, con 396. Houbo xa 30 mortes, as últimas na Coruña e Pontevedra.

Dende este domingo en Galicia poden autorizarse accións de caza de especies cinexéticas nunha serie de supostos. ASCEL acusa o Goberno galego de practicar un "trato de favor" en relación co colectivo de cazadores.

O Colexio Oficial de Psicoloxía de Galicia, en colaboración co Colexio Oficial de Farmacéuticos/as da Coruña, vén de publicar un decálogo de consellos "para axudar a levar mellor esta emerxencia sanitaria". Chaman a organizar rutinas, manter unha actitude positiva cara ás demais persoas, manter o contacto telemático con amizades e familia e a informarse só de fontes fiables

Tan só 12 concellos teñen máis poboación menor de 20 anos que maior de 65 e na provincia de Ourense a porcentaxe de poboación maior supera o 31%. O 17% dos maiores de 80 anos contaxiados da Covid-19 morre e máis do 50% deben ser ingresados no hospital

Este mércores os responsables de Educación das comunidades autónomas e do Ministerio estenderán previsiblemente a data límite para a realización das probas. Celso Rodríguez (representante da USC na CiUG) é tallante: "gustaríame que se fixesen canto antes, pero calquera cousa é mellor que a súa supresión"

Moitos concellos puxeron en marcha medidas para atender nos seus domicilios a persoas con necesidades diversas, e tamén funcionan redes de voluntariado e programas de acompañamento telefónico. 80 mil familias galegas pasan o confinamento cos seus fillos e fillas en vivendas de menos de 75 metros cadrados

13 residentes e 11 traballadoras deron positivo trala morte dunha das internas. Este domingo e luns as únicas catro empregadas non contaxiadas tiveron de facerse cargo de 54 persoas. Alertan de que se non reciben axuda e máis persoal, está en risco a saúde de todas as internas.

Calcúlase que 1.200 persoas dormen habitualmente na rúa en Galicia, unha cifra que Cáritas duplica. Ademais dos albergues, que deben permanecer abertos, concellos coma A Coruña, Lugo, Vigo ou Vilagarcía abriron pavillóns deportivos para aloxar estas persoas.

Dende o 2008 as terras agrarias pasaron de 475.560 a 440.380 hectáreas, unha caída equivalente a 50.000 campos de fútbol. Tamén caeu a superficie de prados e pasteiros, mentres medraba en 41.000 hectáreas a forestal. A Terra Chá foi a comarca na que máis se reduciron as terras de cultivo