Marcos Pérez Pena

Entre xaneiro e maio o número de establecementos rexistrados legalmente pasou de 9.872 a 10.551, mantendo un ritmo de crecemento moi semellante ao dos dous últimos anos. Ofrecen case 57 mil prazas de aloxamento, máis que o conxunto de hoteis existentes en Galicia

Nas últimas 24 horas houbo un novo falecemento e catro persoas necesitaron ingresar nos hospitais galegos, onde o número de pacientes infectados coa covid-19 baixa ata os 85. Ademais, detectáronse outros 12 positivos a través de probas rápidas.

De pasar á Fase 2 do desconfinamento, os alumnos e alumnas de 2º curso de Bacharelato e do 2º curso de graos medios e superiores de FP regresarían ás clases, de forma voluntaria. CIG-Ensino cualifica de "temeridade" a intención de "dar sensación de normalidade" cunha medida "que pon en risco a saúde de familias enteiras"

Este mércores, no entanto, vén de producirse unha nova morte na Coruña, rompendo a liña positiva dos últimos días. A situación epidemiolóxica segue a mellorar, con só 9 novos positivos detectados por PCR e 4 novas hospitalizacións.

O Goberno galego buscaba aplicar en todos os areais o sistema que funciona para entrar na praia das catedrais, pero a maior parte dos Gobernos locais critican a iniciativa e advirten da imposibilidade de controlar o acceso en grandes praias. Varias localidades preparan iniciativas propias para garantir a distancia física

Nos cinco primeiros días de aplicación da Fase 1, a mobilidade en Galicia aumentou un 20% con respecto á semana anterior e un 25% con respecto a dúas semanas atrás, segundo os datos do Ministerio de Transportes. A autorización para dar paseos e facer deporte xa supuxera un incremento.

Ese luns apenas houbo dous novos positivos por PCR. A Xunta contabiliza 1.139 casos activos, 35 menos que este luns. Dende o comezo da epidemia morreron en Galicia 607 persoas con coronavirus e 2.935 tiveron que ser ingresadas no hospital, 332 na UCI.

Trátase do día con menos positivos novos dende o pasado 9 de marzo, igualando o indicador deste sábado. O Ministerio de Sanidade comeza a ofrecer polas tardes a actualización diaria da situación da enfermidade, para recoller os datos ata a medianoite. Pola contra, a Xunta seguirá informando das cifras pola mañá, pero só dos números rexistrados ata as oito da tarde do día anterior.

Pedro Sánchez anunciou este domingo que se elevará de 5.000 a 10.000 habitantes o nivel a partir do cal se deben respectar as quendas horarias para saír da casa a camiñar ou facer deporte. En Galicia, de manterse o actual criterio que toma como referencia parroquias e núcleos separados, as franxas só afectarían ás zonas urbanas de 23 concellos

O coronavirus impide celebrar con normalidade o Día da Letras Galegas, pero numerosas entidades tentan manter viva a conmemoración mentres a Academia xa ten sobre a mesa diversas propostas para estender a 2021 a homenaxe a Carvalho Calero, para a que deixa a porta aberta "se non hai posibilidade ningunha de resarcir no segundo semestre do ano a parálise que supuxo isto"

Falamos con Óscar Corral e Brais Lorenzo, dous dous fotoxornalistas que botaron a andar o proxecto Imaxe Covid, que día a día publica unha escolma das mellores imaxes tomadas polos reporteiros gráficos galegos sobre a crise do coronavirus

Un dos informes difundidos este mércores polo Goberno galego indica que en 264 concellos non se detectou ningún novo positivo entre o 4 e o 11 de maio. Tamén confirma que o 60% das novas infeccións corresponden a persoal sanitario e a persoas internas nas residencias e amosa que Ourense e A Coruña presentan as maiores taxas de incidencia da enfermidade