Marcos Pérez Pena

Once dos novos infectados residen na Coruña e a restante é unha mestra ourensá. Os casos da cidade herculina están relacionados cun centro cívico que vén de ser clausurado de forma preventiva. Dous dos doentes están na UCI e outros dous atópanse ingresados nunha unidade hospitalaria convencional; os outros nove están en illamento nos seus domicilio. A meirande parte son de idade avanzada

A pasada semana presentouse en Ferrol o libro colectivo 'O Carballo que fun en Ferrol. Aproximación a Ricardo Carvalho Calero', coordinado por Bernardo Máiz e que se une ao volume 'Hei de entrar no meu povo' (Edicións Embora), no que tamén colabora o historiador

O pasado ano practicáronse 2.271 lanzamentos en Galicia, dos que 1.800 tiveron a súa orixe en incumprimentos da Lei de Arrendamentos Urbanos e tan só 396 en execucións hipotecarias. Os desaloxos motivados polo impagamento do alugueiro medraron un 44%.

A cuarta edición do Mufest (Festival de Cine feito por Mulleres), impulsado por Andaina, celebrarase en Compostela do 10 ao 14 de marzo, incluíndo ademais das proxeccións dúas mesas redondas. Falamos con Nanina Santos e Aida Raíndo, organizadoras

A pasada fin de semana constituíuse InvestiGal, un colectivo que une a investigadores e investigadoras de toda Galicia e que traballa pola "dignificación" do sector. Falamos con Zulema Varela, unha das súas voceiras, que denuncia que "hai unha completa falta de planificación por parte das administracións e das universidades"

Contra a media noite do xoves confirmouse o positivo por coronavirus do marido da muller cuxa infección xa quedara ratificada. Xa fora illado por posible pneumonía e con síntomas máis evidentes

Ten dereito a 16 semanas de baixa, pero a vista fixouse para seis semanas despois do parto. O Consello Xeral da Avogacía reclama que se respecte o dereito á conciliación das letradas, que na actualidade depende en moitos casos (sobre todo para as avogadas autónomas) da decisión discrecional do xulgado

Trátase dunha muller que xa estaba en illamento no Hospital Álvaro Cunqueiro, ao presentar síntomas leves. Tamén o seu home, que padece unha pneumonía, está en illamento, pendente da confirmación da infección por COVID-19.

Un home de 49 anos, ingresado no CHUAC, acudiu a Urxencias o luns con síntomas que se podían relacionar coa enfermidade. O doente, que se atopa grave pero estable, reside en Madrid e viaxara á cidade herculina para unha entrevista de traballo. O Sergas destaca que todas as persoas que tiveron contacto con el están identificadas e que o virus "non está a circular por aquí"

O feminismo galego convoca este domingo máis de 30 mobilizacións en todas as cidades e vilas, incidindo no traballo de coidados. Ademais, haberá xantares colectivos, foliadas e mesmo unha cadea humana de mulleres en Carnota ou a performance de 'Un violador no teu camiño' en Vigo. Consulta aquí a axenda de actos

O alcalde, Manuel Ruíz, renuncia á súa defensa de Riveira nun acto no que participaron representantes da Xunta e da RAG. Nos últimos meses o Goberno local comezara a substituír o v por corazóns nunha operación que o BNG criticou como un malgasto de cartos públicos

O empréstito, concedido polo Ministerio de Facenda, únese aos dous concedidos anteriormente e serve para aboar os xuros que estaban pendentes polos atrasos no pagamento aos preto de 500 veciños e veciñas, que o pasado mes de setembro chegaron a un acordo definitivo co concello