Marcos Pérez Pena

Ëntre o domingo e o luns publicáronse máis dunha ducia de sondaxes. A media de todas elas sitúa o PP en 38,89 escanos, cun leve descenso con respecto ás semanas anteriores. Pontón dispárase e móvese por riba dos 23 escanos de media, absorbendo o voto dun PSdeG que podería baixar dos 12 representantes. A vitoria da esquerda, en mans da activación do voto abstencionista.

Un traballo do historiador Andrés Pino documenta a existencia dun núcleo habitado a carón da actual praia de Barra, que por mor dun "acontecemento meteorolóxico extremo", probablemente unha forte treboada ou unha sucesión de temporais, desapareceu entre os séculos XVI e XVII ante a imposibilidade de cultivar no lugar, cuberto na actualidade por dunas.

O Museo Provincial de Lugo acolle a exposición temporal EU SON. Memoria das rapadas, realizada por Art al Quadrat (Mónica e Gema Del Rey Jordà). O proxecto vai facer unha recollida de testemuños, lembranzas e historias vencelladas coas mulleres rapadas en Galicia

Quedan oito días para as eleccións do 18F, uns comicios máis abertos do que hai apenas un mes se podía pensar e nos que, por primeira vez en 15 anos, a maioría absoluta do PP está no aire. Na media das enquisas publicadas, o PP móvese ao redor dos 39 escanos, baixando lixeiramente na última semana, o BNG sobe dende 20 ata 21 ou 22, mentres que o PSdeG se estanca nos 14 e mesmo podería perder un deputado; Sumar afástase do Parlamento e DO sitúase no límite de obter representación.

Correos admitiu 62.831 solicitudes, fronte ás 77.057 de hai catro anos, cando se bateu o récord de voto por correo nunhas eleccións celebradas en xullo e durante a pandemia de COVID. En cambio, o número de solicitudes dispárase en relación aos comicios de 2016, os últimos celebrados en condicións normais

Unha enquisa realizada polo grupo Novos Medios da USC sinala que Galicia é o territorio do Estado no que a cidadanía amosa unha maior preocupación por este tema. Aínda que unha ampla porcentaxe (o 70,5%) sinalan o radon como un elemento canceríxeno, só catro de cada dez (o 39,2%) identifican no seu nivel de gravidade, como segunda causa de cancro de pulmón despois do tabaco

Os datos do último Barómetro de Compra de Libros e Hábitos de Lectura  que publica o Gremio de Editores amosan un descenso da porcentaxe de persoas que optan por ler en galego. Fran Alonso (Xerais) denuncia que os datos "poñen de relevo a carencia de políticas de apoio por parte da Xunta e as dificultades extremas ás que se enfronta a industria editorial e os escritores e escritoras galegas"

Na enquisa flash do instituto público, que se publica dez días despois da última, as opcións do PP redúcense aínda máis, cun resultado estimado de entre 34 e 38 escanos e unha forte baixada dende os 42 escanos actuais. O BNG subiría dez puntos e podería acadar entre 22 e 26 escanos. O PSdeG repetiría o seu resultado de 2020 (13-15) e Sumar e DO manteñen opcións de entrar na cámara.

Rodri Suárez vén de publicar Galicia reducida. Crítica ao marco conservador e centralista do autogoberno galego (Morgante Edicións), un ensaio que critica o marco instalado nos últimos 40 anos, que prima as visións máis ruralizantes do país e despreza a achega das cidades. Un marco, ademais, que favorece o PP nas eleccións ao Parlamento galego, ao deixar fóra ás sociedades urbanas nas que a esquerda é maioritaria.

Só unha das 14 sondaxes publicadas (a do CIS) prevé a posibilidade de que o PP perda a maioría. Porén, a maior parte dos traballos estiman que Rueda se situará entre 39 e 41 deputados , o que quere dicir que a perda dun escano en cada provincia suporía a desaparición da maioría absoluta conservadora. No que tamén coinciden os traballo publicados ata o momento é no liderado do BNG na alternativa de esquerda, aínda que con estimacións moi diversas, entre 16 e 23 representantes.

ONGs como Solidariedade Internacional, Ecos do Sur e Agareso veñen de poñer en marcha Galicia Abriga, que ofrecerá unha estadía de tres meses a mulleres de países nos que está presente a cooperación galega e que están vivindo situacións de risco físico e psicolóxico debido á persecución que sofren polo seu papel de defensoras de dereitos humanos

En 2023 o prezo do alugueiro medrou un 8,25% en Galicia e acumula subas de ata o 40% en Vigo, A Coruña, Santiago e Pontevedra. O de compra aumentou un 4,6% no último ano e encareceuse un 35% dende o 2015. Porén, nos últimos anos a promoción de vivendas públicas da Xunta foi moi limitada e o Goberno galego rexeita medidas para limitar o encarecemento dos alugueiros