Marcos Pérez Pena

En Oleiros, catro de cada cinco habitantes naceron fóra do termo municipal, unha porcentaxe semellante á que se rexistra noutros da área metropolitana da Coruña, como Culleredo, Cambre ou Sada. En Barbadás só o 24% dos seus habitantes naceu no propio concello.

Dende hai anos, a participación nas eleccións ao Parlamento galego sitúase ata 10 puntos por debaixo da participación nas Xerais, unha diferenza que se dá principalmente nas zonas urbanas, cunha gran masa de electores que votan formacións progresistas nos comicios de ámbito estatal pero que se absteñen nos autonómicos.

A DGT publicou este martes un informe sobre este tipo de sinistros, que acadaron un máximo en Galicia en 2022, con 5.512. Con todo, en só 69 dos accidentes algunha persoas resultou ferida, con cinco hospitalizados e sen falecidos. A estrada N-640, nas proximidades de Lugo, é o treito con máis sinistros con animais en todo o Estado

Reizentolo celebrou neste 2023 o seu vixésimo aniversario coa edición do libro Antes molabamos máis (Galaxia, 2023). Dúas décadas nas que con máis de mil deseños, botando man do imaxinario popular e a retranca, foron quen de ser converter en algo máis que unha marca. E en galego. Falamos con Pablo Rodríguez, un dos tres socios que puxo a andar o proxecto e o único que permanece na empresa.

A CIG denuncia que, dende xuño, cando unha muller ten unha baixa laboral por situacións de "menstruación incapacitante", de interrupción do embarazo, voluntaria ou non, e de xestación desde a semana trixésima novena, a empresa é informada da circunstancia concreta

O V Plan director da cooperación galega, aprobado polo Parlamento, prevía que os fondos de cooperación aumentasen cando menos o mesmo que os orzamentos para o 2024. Porén, mentres que as contas públicas medran un 5%, esta partida crece menos do 1%. A Coordinadora Galega de ONGD para o Desenvolvemento critica "incumprimento" do compromiso adquirido polo Goberno galego 

O saldo migratorio total (+27.251) duplica o do ano 2021 (+12.836) e supera claramente o mellor dato histórico, de 2007 (+19.583). O saldo exterior nútrese de poboación nova chegada principalmente de Latinoamérica. O saldo co resto do Estado, en cambio, é practicamente neutro (+1.384) e mesmo é lixeiramente negativo na poboación de 25 a 44 anos (-364)

En 2022 foron 719 os feitos coñecidos polas forzas de seguridade, por riba dos 707 do ano anterior, cifra que xa supuxera un récord. Dende o ano 2013, o número de delitos vén aumentando de forma constante. Destaca o importante incremento das agresións e abusos sexuais (433 delitos en 2022, fronte aos 399 do ano anterior) e as agresións e abusos con penetración (155 fronte aos 144 do ano 2021)

Unha Gran Burla Negra distribúe unha baralla artística realizada por máis de 80 artistas gráficos con referencias ao Prestige e ás crises financeiras e ecolóxicas actuais. Un xogo que propón "un combate máxico entre as forzas extractivas do capitalismo avanzado e as forzas reprodutivas da cultura popular"

Catro Ventos publica As bicicletas si son para Galicia, un libro que percorre, en conversa con expertos, expertas e colectivos ciclistas, o uso da bici en Galicia, os avances que se están a producir en moitas cidades e vilas e as tarefas pendentes para promover a súa utilización. Falamos coa súa editora, Patricia Buxán, dunha obra pensada -sobre todo- para aquelas persoas que están dando o paso a empregar as dúas rodas para os seus desprazamentos diarios. 

Real Academia Galega e a Fundación Barrié veñen de facer públicas as seis voces finalistas do proceso de escolla da Palabra do Ano 2023. A partir deste xoves e ata as 23:59 horas do luns 25 de decembro, todo o público poderá votar pola súa opción favorita

2022 marcou un punto de inflexión. Fronte ás caídas experimentadas pola poboación das cidades en 2020 e 2021, o pasado ano as urbes rexistraron importantes subas coas que case recuperaron as cifras perdidas nos dous anos precedentes.