Marcos Pérez Pena
A participación medra máis de seis puntos, con grandes aumentos na cidade de Ourense e en Ribeira
A mobilización do electorado é só lixeiramente inferior á rexistrada en 2009 a esta hora e supera en 7 puntos á de 2012 e 2016. Nas cidades hai grandes diferenzas entre o aumento da participación en Ourense (+10 puntos) ou Lugo (+9) e a evolución de Ferrol, onde só medra tres puntos. Vigo, A Coruña, Santiago e Pontevedra móvense entre os seis e os sete puntos, con datos semellantes á media do conxunto do país
A participación é moi alta ás 12 horas, con incerteza sobre a quen beneficia esta maior mobilización
Os datos do primeiro avance de participación amosan unha pequena baixada en relación ao dato de hai catro anos (19,42%) pero son superiores aos que se rexistraban a esta hora nos anos 2009, 2012 e 2016. É o dato máis elevado, polo tanto, dende o 2005. Hai que ter en conta que os tempos de votación son moi distintos no verán e no inverno, en función da luz solar e da temperatura.
O censo exterior engade máis incerteza no 18F nas primeiras eleccións galegas sen voto rogado dende 2009
Nas eleccións xerais do 23X a participación do voto emigrante pasou do 3% ao 6% e espérase que as cifras tamén medren nestes comicios. Historicamente o Censo CERA beneficiou os partidos no poder, aínda que en 2020 o PP apenas recibiu o 40% dos sufraxios, fronte ao 48% no conxunto de Galicia.
"Aquiles si que eran entroidos": as festas nos arquivos públicos galegos
Un percorrido pola inxente documentación que atesouran os arquivos públicos galegos -cada vez máis accesible na rede- permite albiscar a dimensión social que esta festa sempre tivo e tamén os controis que contra ela se exerceron
Así pechan as enquisas: o PP a menos de dous escanos de perder a maioría absoluta cun BNG en ascenso
Ëntre o domingo e o luns publicáronse máis dunha ducia de sondaxes. A media de todas elas sitúa o PP en 38,89 escanos, cun leve descenso con respecto ás semanas anteriores. Pontón dispárase e móvese por riba dos 23 escanos de media, absorbendo o voto dun PSdeG que podería baixar dos 12 representantes. A vitoria da esquerda, en mans da activación do voto abstencionista.
A aldea de Cangas que desapareceu hai 400 anos baixo a area por mor dun cambio climático
Un traballo do historiador Andrés Pino documenta a existencia dun núcleo habitado a carón da actual praia de Barra, que por mor dun "acontecemento meteorolóxico extremo", probablemente unha forte treboada ou unha sucesión de temporais, desapareceu entre os séculos XVI e XVII ante a imposibilidade de cultivar no lugar, cuberto na actualidade por dunas.
'Eu son': o Museo Provincial de Lugo recolle a memoria das mulleres rapadas polo franquismo
O Museo Provincial de Lugo acolle a exposición temporal EU SON. Memoria das rapadas, realizada por Art al Quadrat (Mónica e Gema Del Rey Jordà). O proxecto vai facer unha recollida de testemuños, lembranzas e historias vencelladas coas mulleres rapadas en Galicia
Así marchan as enquisas a unha semana das eleccións: o PP baixa e sobe o BNG, que concentra o voto da esquerda
Quedan oito días para as eleccións do 18F, uns comicios máis abertos do que hai apenas un mes se podía pensar e nos que, por primeira vez en 15 anos, a maioría absoluta do PP está no aire. Na media das enquisas publicadas, o PP móvese ao redor dos 39 escanos, baixando lixeiramente na última semana, o BNG sobe dende 20 ata 21 ou 22, mentres que o PSdeG se estanca nos 14 e mesmo podería perder un deputado; Sumar afástase do Parlamento e DO sitúase no límite de obter representación.
As solicitudes de voto por correo son menos que no 2020 pero medran un 36% en relación ao 2016
Correos admitiu 62.831 solicitudes, fronte ás 77.057 de hai catro anos, cando se bateu o récord de voto por correo nunhas eleccións celebradas en xullo e durante a pandemia de COVID. En cambio, o número de solicitudes dispárase en relación aos comicios de 2016, os últimos celebrados en condicións normais
O 60% da poboación descoñece as medidas para reducir a incidencia do canceríxeno radon nos fogares
Unha enquisa realizada polo grupo Novos Medios da USC sinala que Galicia é o territorio do Estado no que a cidadanía amosa unha maior preocupación por este tema. Aínda que unha ampla porcentaxe (o 70,5%) sinalan o radon como un elemento canceríxeno, só catro de cada dez (o 39,2%) identifican no seu nivel de gravidade, como segunda causa de cancro de pulmón despois do tabaco
A lectura en galego, en mínimos: só o 3,1% prefire ler na lingua do país
Os datos do último Barómetro de Compra de Libros e Hábitos de Lectura que publica o Gremio de Editores amosan un descenso da porcentaxe de persoas que optan por ler en galego. Fran Alonso (Xerais) denuncia que os datos "poñen de relevo a carencia de políticas de apoio por parte da Xunta e as dificultades extremas ás que se enfronta a industria editorial e os escritores e escritoras galegas"
O CIS prevé unha vitoria da esquerda cun goberno liderado polo BNG
Na enquisa flash do instituto público, que se publica dez días despois da última, as opcións do PP redúcense aínda máis, cun resultado estimado de entre 34 e 38 escanos e unha forte baixada dende os 42 escanos actuais. O BNG subiría dez puntos e podería acadar entre 22 e 26 escanos. O PSdeG repetiría o seu resultado de 2020 (13-15) e Sumar e DO manteñen opcións de entrar na cámara.