Marcos Pérez Pena

As zonas urbanas, con mellores servizos de transporte colectivo, teñen moitos menos coches por habitante que as zonas rurais. Ademais, cada ano matricúlanse menos vehículos, especialmente nas cidades, mentres que nos concellos menos poboados o parque automobilístico segue a medrar de forma importante.

Os encoros galegos atópanse ao redor do 47% da súa capacidade total e levan máis dun ano por debaixo do 60%. As previsións indican que as desexadas precipitacións non chegarán nas vindeiras semanas, polo que se reiteran as peticións públicas para un aforro no uso da auga para evitar restricións futuras.

O 11,3% dos galegos e galegas contan con rendas inferiores aos 7.500 euros anuais, unhas 300.000 persoas. E o 20,6% percibe ingresos por debaixo dos 10.000 euros ao ano, ao redor de 600.000 persoas. As porcentaxes son superiores no caso dos menores de 18 anos, que nun 26% viven en fogares con ingresos baixos

En novembro nace unha aplicación que busca facilitar o contacto entre aldeas abandonadas ou despoboadas e as persoas que en calquera parte do mundo poderían estar interesadas en pasar alí unha tempada -ben como turistas ou nunha estadía de teletraballo- ou mesmo marchar a vivir nelas

A gran maioría dos concellos galegos gañaron habitantes neses meses, poboación flotante que habitualmente marchar estudar, traballar, mercar ou a un centro médico) ás principais cidades, que ficaron máis deshabitadas entre marzo e xuño daquel 2020, o mesmo que aconteceu en diversas localidades turísticas. Debullamos os datos de carga poboacional que vén de divulgar o IGE

A primeira volta das eleccións brasileiras deixou a Lula da Silva como candidato máis votado, pero cunha maioría insuficiente ante un Bolsonaro que superou as previsións das sondaxes. Falamos co colaborador do IGADI Wesley Guerra sobre o resultado dos comicios e as opcións de cada candidato para o segundo turno, que terá lugar o 30 de outubro.

O pasado domingo Fratelli d'Italia gañou as eleccións no país transalpino. É a primeira vez dende a Segunda Guerra Mundial que a ultradereita vai liderar un dos grandes países europeos. Falamos con Alfonso López Rodríguez, profesor da Facultade de Ciencias Políticas da USC, sobre os factores que alimentan o ascenso destas forzas e como combatelas

Nos últimos cinco anos o prezo dos alugueiros aumentou entre un 20% e un 40% no país, cun mercado limitado pola auxe dos pisos turísticos e a ausencia das necesarias reformas nas vivendas baleiras. Segundo FEGEIN o circuíto de comercialización limítase a 3.900 inmobles, máis da metade concentrados nas sete cidades

O Centro Universitario de Riazor acolle este venres e sábado o congreso 'As Outras Protagonistas da Transición', organizado pola Cátedra de Memoria Histórica da UDC. Trátase do primeiro gran encontro científico sobre o proceso da Transición en Galicia e céntrase nos actores e voces que decote fican ausentes do relato establecido ao redor deste tempo histórico

O ex-sindicalista estuda recorrer a sentenza, que xulga insuficiente, e busca converter o seu proceso en causa colectiva contra “os asasinatos silenciosos” causados polo amianto

O pasado xoves finalizou o Congreso sobre o Reino medieval de Galicia, que buscaba "poñer fin á ocultación do Reino de Galicia" e axudar a divulgar esta realidade histórica. Falamos co historiador Anselmo López Carreira, curador científico do encontro

En setembro de 1972 máis de 25.000 traballadores de Vigo e a súa comarca levaron a cabo durante 15 días unha folga xeral que desafiou ao franquismo, tivo un grande impacto posterior e que se converteu nunha das máis importantes levadas a cabo no Estado ao longo de toda a ditadura. Porén, hoxe o seu recoñecemento segue moi lonxe do que esta mobilización merecería. Falamos co historiador José Gómez Alén